ປະຊຸມ​ສະພາ​ເລັ່ງ​ແກ້​ໄຂ​ບັນຫາ​ໃຫ້​ຊາດ ​ແລະ ປະຊາຊົນ

- advert banner 728 90 728x90 - ປະຊຸມ​ສະພາ​ເລັ່ງ​ແກ້​ໄຂ​ບັນຫາ​ໃຫ້​ຊາດ ​ແລະ ປະຊາຊົນ

ໂດຍ: ທິດ​ກ່ຳ

ກອງປະຊຸມສະໄໝສາ ມັນເທື່ອທີ 7 ຂອງສະພາແຫ່ງ ຊາດຊຸດທີ VIII ໄດ້ໄຂຂຶ້ນຢ່າງ ເປັນທາງການໃນວັນທີ 5 ມິຖຸ ນາຜ່ານມາ ແລະ ຈະດຳເນີນ ໄປຮອດວັນທີ 25 ມິຖຸນາ ຈຶ່ງ ຈະໄດ້ສິ້ນສຸດລົງຢ່າງເປັນ ທາງການ.

ກອງປະຊຸມຄັ້ງນີ້, ໄດ້ຮັບ ຟັງການລາຍງານ, ພິຈາລະ ນາ ແລະ ຮັບຮອງເອົາເຖິງ 9 ບັນຫາໃຫຍ່ໆ ທີ່ພົວພັນເຖິງ  ພາລະກິດອັນຈຳເປັນເລັ່ງ ດ່ວນຂອງຊາດເຊັ່ນ: ບັນ ຫາພົ້ນເດັ່ນໃນການຈັດຕັ້ງ ປະຕິບັດວຽກງານຂອງລັດ ຖະບານນັບແຕ່ກອງປະຊຸມ ເທື່ອທີ 6 ເປັນຕົ້ນມາ, ບົດລາຍ ງານຜົນການປະຕິບັດມະຕິ ກອງປະຊຸມສະພາແຫ່ງຊາດ ໃນແຕ່ລະຂົງເຂດ, ບົດລາຍ ງານກ່ຽວກັບການພັດທະນາຊັບພະຍາກອນມະນຸດ, ຟັງ ການຊີ້ແຈງຂອງກະຊວງຊັບພະກອນທຳມະຊາດ ແລະ ສິ່ງ ແວດລ້ອມກ່ຽວກັບການຄຸ້ມ ຄອງອອກໃບຕາດິນຊ້ຳຊ້ອນ, ຄຳຊີ້ແຈງຂອງກະຊວງກະສິກຳ-ປ່າໄມ້ ກ່ຽວກັບການຟື້ນຟູປ່າໄມ້ ແລະ ປູກປ່າທົດ ແທນ, ບົດລາຍງານຂອງອົງການໄອຍະການ, ບັນຫາ ການປັບປຸງກົດໝາຍ ແລະ ອື່ນໆ ທີ່ເຫັນວ່າມີຄວາມຈຳ ເປັນເລັ່ງດ່ວນ.

ສະເພາະມື້ວັນທີ 5 ມິຖຸນາ, ພາຍຫລັງເປີດກອງ ປະຊຸມຢ່າງເປັນທາງການ ແລ້ວ, ທ່ານນາຍົກລັດຖະມົນຕີ ທອງລຸນ ສີສຸລິດ ກໍໄດ້ລາຍ ງານຜົນຂອງການຕັ້ງຈັດປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນງົບປະມານແຫ່ງລັດໃນໄລຍະ 4 ເດືອນ, ຄາດຄະເນ 6 ເດືອນຕົ້ນປີ, ແຜນ 6 ເດືອນ ທ້າຍປີ 2019 ຕໍ່ທີ່ປະຊຸມ, ເຫັນວ່າການພັດທະນາດ້ານ ເສດຖະກິດໄດ້ສືບຕໍ່ຂະຫຍາຍຕົວໃນລະດັບ 6,5% ເມື່ອ ທຽບໃສ່ພາກພື້ນແມ່ນຍັງມີ ອັດຕາສູງຢູ່; ແຕ່ເມື່ອທຽບ ໃສ່ຫລາຍປີຜ່ານມາໃນປະເທດເຫັນວ່າມີຈັງຫວະຊ້າລົງຍ້ອນການປະກອບສ່ວນຂອງຂະແໜງພະລັງງານ ແລະ ບໍ່ແຮ່ຫລຸດລົງ, ໄດ້ຮັບຜົນກະທົບຈາກໄພທຳມະຊາດ, ເສດຖະກິດມະຫາພາກຍັງມີຄວາມບອບບາງຍ້ອນການ ຂາດດູນງົບປະມານຊຳເຮື້ອ, ໜີ້ສິນສະສົມມາຫລາຍປີ, ຄັງສຳຮອງເງິນຕາຍັງຕ່ຳ, ການເກັບລາຍຮັບບໍ່ຄົບຖ້ວນຈັດເຈນ, ການສົ່ງເສີມການ ຜະລິດສິນຄ້າຂະໜາດນ້ອຍ ຂະໜາດກາງບໍ່ທັນເຂັ້ມແຂງ, ການສົ່ງເສີມ ແລະ ການນຳ ໃຊ້ທ່າແຮງການທ່ອງທ່ຽວບໍ່ທັນໄດ້ດີ, ວິສະຫະກິດຂອງ ລັດມີຄວາມຄືບໜ້າຊ້າ, ປາກົດ ການຫຍໍ້ທໍ້ຕ່າງໆ ທາງສັງ ຄົມຍັງມີລັກສະນະແຜ່ລາມ, ນີ້ຄືສະພາບລວມທີ່ທ່ານນາ ຍົກລັດຖະມົນຕີເພິ່ນໄດ້ຕີລາ ຄາໃນໄລຍະ 4 ເດືອນຕົ້ນປີ 2019 ຜ່ານມາ. ແນວໃດກໍ ຕາມ, ຖ້າເວົ້າເຖິງພາລະກິດ ການສ້າງສາພັດທະນາປະ ເທດຊາດແລ້ວເຫັນວ່າທຸກຂົງເຂດວຽກງານມີຄວາມຈະ ເລີນຮຸ່ງເຮືອງເດີນໜ້າໄປ ຕິກໆ.

ແຕ່ມາເບິ່ງໃນດ້ານ ຄວາມຫຍຸ້ງຍາກຫຍຸ້ງເຫຍີງທາງດ້ານສັງຄົມແລ້ວ ເຫັນ ວ່າມີບາງດ້ານຍັງແກ້ໄຂບໍ່  ທັນຕົກ ເຊັ່ນ: ບັນຫາການສໍ້ ລາດບັງຫລວງຍັງອືດອາດ ປານດຶງຂາເຕົ່າ, ຂະບວນ ການຄ້າຂາຍຢາເສບຕິດຍັງ ມີລັກສະນະແຜ່ລາມ, ສ່ວນ ວ່າບັນຫາທີ່ຄາໃຈຂອງປະ ຊາຊົນໃນປັດຈຸບັນກໍຄື ເລື່ອງ ຄ່າໄຟຟ້າ ທັງໆທີ່ປະເທດເຮົາ ເປັນພະເອກໃນການຜະລິດ ໄຟຟ້າສົ່ງອອກໃນອາຊຽນ.

- lattana 1 - ປະຊຸມ​ສະພາ​ເລັ່ງ​ແກ້​ໄຂ​ບັນຫາ​ໃຫ້​ຊາດ ​ແລະ ປະຊາຊົນ
- 1 1 - ປະຊຸມ​ສະພາ​ເລັ່ງ​ແກ້​ໄຂ​ບັນຫາ​ໃຫ້​ຊາດ ​ແລະ ປະຊາຊົນ

ໃນມໍ່ໆມານີ້, ປາກົດວ່າ ທາງລັດຖະບານຈະປັບໂຄງ ສ້າງຄ່າໄຟຟ້າໃຫ້ຕ່ຳລົງແຕ່ ບໍ່ຮູ້ວ່າປີໃດຈຶ່ງຈະຮອດຂັ້ນ ປະຕິບັດ. ອັນສອງມາກໍແມ່ນ ເລື່ອງດິນດອນຕອນຫຍ້າຍັງ ເປັນບັນຫາຫຍໍ້ທໍ້ໃນສັງຄົມ ຍ້ອນການຍາດດິນ, ຂາຍດິນ ແລະ ນຳໃຊ້ດິນຂອງພວກທີ່ ເຫັນແຕ່ຜົນປະໂຫຍດສ່ວນ ຕົວແລ້ວໄປກະທົບເຖິງຊາວ ບ້ານ, ໃນແຕ່ລະປີລາຍຮັບ ພາສີທີ່ດິນ, ຄ່າສຳປະທານ ທີ່ດິນ ແລະ ຄ່າເຊົ່າທີ່ດິນບໍ່ຮູ້ ວ່າມັນຫລາຍມັນໜ້ອຍ.

ບັນຫາອັນກວມລວມ ໃຫຍ່ໆຂອງມະຫາພາກນັ້ນ ເຫັນວ່າການກວດກາ, ຄຸ້ມ ຄອງ ແລະ ການຊຸກຍູ້ສົ່ງເສີມ ບັນດາຂະແໜງການບູລິມະ ສິດບໍ່ທັນແຂງແຮງ, ເດັດຂາດ ແລະ ທັນການອັນເນື່ອງ ມາຈາກນ້ຳບໍ່ຍ້ອຍຫອຍກໍ ບໍ່ໄຕ່, ເຮັດຄືໂສ້ບໍ່ເຄັ່ງ ເຮັດອັນ ໃດກໍຕ້ອງອາໄສຜົນປະໂຫຍດເປັນສິ່ງເບີກທາງ, ຄວາມຮັບຜິດຊອບຕໍ່ຊາດ ແລະ ປະຊາຊົນຂອງພະນັກ ງານລັດທີ່ຮັບຜິດຊອບບໍ່ ທັນສູງ.

ເຖິງຢ່າງໃດກໍດີ, ຕາມ ຫາງສຽງຂອງປະຊາຊົນ ສ່ວນໃຫຍ່ນັ້ນແມ່ນອາໄສສະພາເປັນທີ່ຕັ້ງເພື່ອແກ້ໄຂບັນ ຫາຂອງຊາດບ້ານເມືອງ 40 ກວ່າປີ ທີ່ພວກເຮົາສ້າງສາ ພັດທະນາປະເທດຊາດ ຄືການ ພິສູດເຖິງຜົນງານ ແລະ ໄຊຊະ ນະແຫ່ງການປົກປັກຮັກສາ ແລະ ພັດທະນາປະເທດຊາດ ກໍຫວັງຢ່າງຍິ່ງວ່າກອງປະ ຊຸມສະພາຄັ້ງນີ້ຈະແກ້ໄຂບັນຫາຂອງຊາດບ້ານເມືອງໄດ້ຫລາຍເຕີບ.

- 77777 - ປະຊຸມ​ສະພາ​ເລັ່ງ​ແກ້​ໄຂ​ບັນຫາ​ໃຫ້​ຊາດ ​ແລະ ປະຊາຊົນ
error: Content is protected !!