ງານຕະຫຼາດນັດພົບປະແຮງງານ 2019 ຈະຈັດຂຶ້ນໃນກາງເດືອນ ຕຸລານີ້

- advert banner 728 90 728x90 - ງານຕະຫຼາດນັດພົບປະແຮງງານ 2019 ຈະຈັດຂຶ້ນໃນກາງເດືອນ ຕຸລານີ້

    ໃນວັນທີ 7 ມິຖຸນານີ້, ພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ຮ່ວມກັບ ບໍລິສັດ ລາວເວີນ ມະຫາຊົນ ໄດ້ຖະແຫຼງໃຫ້ຮູ້ວ່າ: ງານຕະຫຼາດນັດພົບປະແຮງງານ 2019 ນີ້, ຈະໄດ້ຈັດຂຶ້ນໃນວັນທີ 16-20 ຕຸລາ ນີ້, ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ, ເພື່ອສ້າງໂອກາດ ແລະ ອໍານວຍຄວາມສະດວກ ໃຫ້ຜູ້ຊອກວຽກເຮັດງານທໍາ ແລະ ບັນດາຫົວໜ່ວຍແຮງງານໄດ້ມີເວທີພົບປະກັນແລ້ວນໍາໄປສູ່ການຈ້າງງານ, ທັງເປັນການສົ່ງເສີມ ແລະ ສ້າງເງື່ອນໄຂໃຫ້ຜູ້ອອກແຮງງານທີ່ຕ້ອງການພັດທະນາສີມືແຮງງານສາມາດເຂົ້າເຖິງສະຖາບັນການສຶກສາຕ່າງໆ  ເພື່ອຈະຍົກລະດັບສີມືແຮງງານ ໃຫ້ແທດເໝາະກັບຄວາມຕ້ອງການຂອງຕະຫຼາດແຮງງານ, ນອກນີ້, ເພື່ອເປັນການໂຄສະນາຂໍ້ມູນຂ່າວສານຕະຫຼາດແຮງງານ, ແນວໂນ້ມຄວາມຕ້ອງການຂອງຕະຫຼາດແຮງງານໃນອະນາຄົດ, ເປັນເວທີສົງເສີມການຕະຫຼາດຂອງບັນດາຫົວໜ່ວຍແຮງງານ, ບັນດາໂຄງການ ແລະ ອົງການຈັດຕັ້ງສັງຄົມຕ່າງໆ ເພື່ອຫຼຸດຜ່ອນການຫວ່າງານ, ຫຼຸດຜ່ອນການເຄື່ອນຍ້າຍແຮງງານໄປເຮັດວຽກຢູ່ຕ່າງປະເທດແບບບໍ່ຖືກຕ້ອງ ທັງເປັນການສົ່ງເສີມການເຮັດວຽກຢູ່ພາຍໃນປະເທດ.

- new3 - ງານຕະຫຼາດນັດພົບປະແຮງງານ 2019 ຈະຈັດຂຶ້ນໃນກາງເດືອນ ຕຸລານີ້

    ໃນງານດັ່ງກ່າວ, ຄາດວ່າຈະມີບັນດາຫົວໜ່ວຍແຮງງານ, ຜູ້ປະກອບການ, ໂຄງການ ແລະ ເຂດເສດຖະກິດພິເສດເຂົ້າຮ່ວມວາງສະແດງເພື່ອ ຮັບສະໝັກງານຫຼາຍກວ່າ 150 ບູດ ແລະ ມີຕໍາແໜ່ງງານຫວ່າງກວ່າ 2 ພັນຕໍາແໜ່ງ ແລະ ພາຍໃນງານຈະມີກິດຈະກໍາທີ່ຫຼາກຫຼາຍ ເປັນຕົ້ນ: ລົງທະບຽນຮັບສະໝັກງານຜູ້ຕ້ອງການວຽກເຮັດງານທໍາ ແລະ ປະກາດຕໍາແໜງງານຫວ່າງຂອງຫົວໜ່ວຍແຮງງານ, ໃຫ້ຄໍາປຶກສາ ກ່ຽວກັບການຊອກວຽກ, ຂໍ້ມູນການຝຶກອົບຮົມວິຊາຊີບ, ຂໍ້ມູນການຂະຫຍາຍຕົວຂອງຕະຫຼາດແຮງງານ, ວາງສະແດງຮູບພາບ, ວາງສະແດງປື້ມ, ຜະລິດຕະພັນສິນຄ້າ ແລະ ການບໍລິການຫົວໜ່ວຍແຮງງານ, ໂຄສະນາເຜີຍແຜ່ແຫຼ່ງຂໍ້ມູນດ້ານແຮງງານ, ສາທິດວິທີແກະສະຫຼັກໝາກໄມ້, ປະດິດດອກໄມ້ຢາງ, ວິທີປຸງແຕ່ງອາຫານ, ເສີມຄວາມງາມ, ໄຟຟ້າປະກອບ, ຕົບແຕ່ງໂຕະອາຫານ ແລະ ວິທີຜັບຜ້າຮັບໃຊ້ໃນໂຮງແຮມ, ພ້ອມທັງຮັບຊົມເລື່ອງສັ້ນ ແລະ ສາລະຄະດີຕ່າງໆ, ນອກນີ້, ຍັງຈະມີການສົນທະນາໃນຫົວຂໍ້ຕ່າງໆ, ສໍາມະນາການແນະນໍາອາຊີບ ແລະ ສາຍການຮຽນ, ການເຜີຍແຜ່ ແລະ ໃຫ້ຄວາມຮູ້ຂອງຈຸດບໍລິການຈັດຫາງານ ແລະ ການປະກັນຫວ່າງງານ, ກິດຈະກໍາຖາມ-ຕອບ, ສະແດງສິລະປະວັັນນະຄະດີ ແລະ ກິດຈະກໍາອື່ນໆ.

- lattana 1 - ງານຕະຫຼາດນັດພົບປະແຮງງານ 2019 ຈະຈັດຂຶ້ນໃນກາງເດືອນ ຕຸລານີ້
error: Content is protected !!