ອາທິດ​ຜ່ານ​ມາ ຢູ່ ນະຄອນຫລວງ​ວຽງຈັນ​ ມີ​ຜູ້​ເສຍ​ຊີວິດ 6 ຄົນ ຈາກ​ອຸປະຕິ​ເຫດ

- advert banner 728 90 728x90 - ອາທິດ​ຜ່ານ​ມາ ຢູ່ ນະຄອນຫລວງ​ວຽງຈັນ​ ມີ​ຜູ້​ເສຍ​ຊີວິດ 6 ຄົນ ຈາກ​ອຸປະຕິ​ເຫດ

ພະ​ແນ​ກຕຳຫລວດ​ຈະລາຈອນ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ອາທິດ​ຜ່ານ​ມາ ຢູ່ ນະຄອນຫລວງ​ວຽງຈັນ ມີ​ອຸປະຕິ​ເຫດ​ເກີດ​ຂຶ້ນ 30 ກວ່າ​ຄັ້ງ ມີ​ຜູ້​ເສຍ​ຊີວິດ 6 ຄົນ, ​ໃນ​ນີ້ມີ​ກໍລະນີ​ລົດ​ໃຫຍ່​ຕຳ​ລົດຈັກ 8 ຄັ້ງ, ລົດ​ໃຫຍ່​ຕຳ​ຄົນ​ຍ່າງ 2 ຄັ້ງ, ສ່ວນ​ໃຫຍ່​ໄລຍະ​ເວລາ​ເກີດ​ອຸປະຕິ​ເຫດ​ແມ່ນ​ໃນ​ຊ່ວງ​ໄລຍະ 20:00 ​ໂມງ​ຂຶ້ນ​ໄປ​ຫາ​ທ່ຽງຄືນ ​ແລະ ​ເສັ້ນ​ທາງທີ່​ເກີດ​ອຸປະຕິ​ເຫດ​ສ່ວນ​ຫລາຍ​ແມ່ນ​ຖະໜົນ​ໄກສອນ ​ແລະ ​ເສັ້ນທາງ​ທ່າ​ເດື່ອ. ເຊິ່ງ​ໃນ​ວັນ​ທີ 10 ມິຖຸນາ ນີ້, ຢູ່​ເສັ້ນທາງ​ເຂດ​ບ້ານ ໜອງທາ​ເຫນືອ ​ເມືອງ ຈັນທະ​ບູລີ ນະຄອນຫລວງ​ວຽງຈັນ​ໄດ້​ເກີດ​ອຸປະຕິ​ເຫດ, ລົດ​ໃຫຍ່ໝາຍ​ເລກ​ທະບຽນ ຂຈ 0999 ກຳ​ແພງ​ນະຄອນຕຳ​​ລົດຈັກໝາຍ​ເລກ​ທະບຽນ ຕຂ 5556 ກຳ​ແພງ​ນະຄອນຢ່າງ​ຮຸນ​ແຮງ​ເຮັດ​ໃຫ້​ຜູ້​ຂັບ​ຂີ່​ລົດຈັກ​ເສຍ​ຊີວິດ​ຄາ​ທີ່ 1 ຄົ​ນ. ສ່ວນ​ສາ​ເຫດ​ຂອງ​ການ​ເກີດ​ອຸປະຕິ​ເຫດ​ເຈົ້າໜ້າທີ່​ກຳລັງ​ເລັ່ງສືບສວນ-ສອບ​ສວນ.

- lattana 1 - ອາທິດ​ຜ່ານ​ມາ ຢູ່ ນະຄອນຫລວງ​ວຽງຈັນ​ ມີ​ຜູ້​ເສຍ​ຊີວິດ 6 ຄົນ ຈາກ​ອຸປະຕິ​ເຫດ

     ​ເຈົ້າໜ້າທີ່ ​ໃຫ້​ຮູ້​ວ່າ: ​ໃນ​ອາທິດ​ຜ່ານ​ມາ ​ເຈົ້າໜ້າທີ່​ພະ​ແນ​ກຈະລາຈອນ ນະຄອນຫລວງ​ວຽງຈັນ ​ໄດ້​ສືບຕໍ່​ເອົາ​ໃຈ​ໃສ່​ກວດກາຈັບ​ຄວາມ​ໄວ ​ແລະ ກວດ​ທາດ​ເຫລົ້າ​ຂອງ​ຜູ້​ຂັບ​ຂີ່, ພ້ອມ​ນັ້ນ ກໍ​ໄດ້​ລົງ​ຈັດ​ລະບຽບຕາມ​ສາຍ​ທາງ​ປະຈຳ​ວັນ, ເຊິ່ງ​ພົບ​ເຫັນ​ຜູ້​ລ່ວງ​ລະ​ເມີດ​ກົດ​ຈະລາຈອນ​ທັງໝົດ 45 ຄົນ, ຍິງ 22 ຄົນ, ​ໄດ້​ສຶກສາ​ອົບຮົມ​ກ່າວ​ເຕືອນ 15 ຄົນ, ​ໄດ້​ຂຽນ​ໃບ​ສັ່ງ ​ແລະ ກັກ​ເອກະສານ​ລົດ​ຕ່າງໆຈຳນວນ 30 ​ໃບ, ພ້ອມ​ນັ້ນ ກໍ​ໄດ້​ລ໋ອກລໍ້​ລົດ​ທີ່​ຈອດ​ບໍ່ຖືກ​ລະບຽບອີກ​ຈຳນວນ​ຫນຶ່ງ.

- Tiger Head 728x90 - ອາທິດ​ຜ່ານ​ມາ ຢູ່ ນະຄອນຫລວງ​ວຽງຈັນ​ ມີ​ຜູ້​ເສຍ​ຊີວິດ 6 ຄົນ ຈາກ​ອຸປະຕິ​ເຫດ
- 1 1 - ອາທິດ​ຜ່ານ​ມາ ຢູ່ ນະຄອນຫລວງ​ວຽງຈັນ​ ມີ​ຜູ້​ເສຍ​ຊີວິດ 6 ຄົນ ຈາກ​ອຸປະຕິ​ເຫດ