6 ​ເດືອນຕົ້ນ​ປີນີ້ທົ່ວປະເທດມີ​ຜູ້​ຕິດ​ເຊື້ອ​ໄຂ້​ຍຸງ​ລາຍກວ່າ 4 ພັນກໍລະນີ ແລະ ​ເສຍ​ຊີວິດແລ້ວ 14 ຄົນ

- advert banner 728 90 728x90 - 6 ​ເດືອນຕົ້ນ​ປີນີ້ທົ່ວປະເທດມີ​ຜູ້​ຕິດ​ເຊື້ອ​ໄຂ້​ຍຸງ​ລາຍກວ່າ 4 ພັນກໍລະນີ ແລະ ​ເສຍ​ຊີວິດແລ້ວ 14 ຄົນ

   ກະຊວງສາທາລະນະສຸກ ລາຍງານໃຫ້ຮູ້ວ່າ: 6 ເດືອນຕົ້ນປີນີ້ ທົ່ວປະເທດມີຜູ້ຕິດເຊື້ອໄຂ້ຍຸງລາຍກວ່າ 4.520 ກໍລະນີ ແລະ ເສຍຊີວິດແລ້ວ 14 ຄົນ. ໃນນີ້ແຂວງທີ່ຕິດເຊື້ອຫລາຍກວ່າໝູ່ແມ່ນຈຳປາສັກມີ 1.549 ກໍລະນີ ເສຍຊີວິດ 3 ຄົນ, ສະຫວັນນະເຂດ 719 ກໍລະນີ ເສຍຊີວິດ 3 ຄົນ, ນະຄອນຫລວງວຽງຈັນ 718 ກໍລະນີ ເສຍຊີວິດ 5 ຄົນ, ອັດຕະປື 466 ກໍລະນີ, ຫລວງນ້ຳທາ 266 ກໍລະນີ, ຄຳມ່ວນ 234 ກໍລະນີ, ສາລະວັນ 244 ກໍລະນີ ເສຍຊີວິດ 2 ຄົນ, ບໍລິຄຳໄຊ 135 ກໍລະນີ ເສຍຊີວິດ 1 ຄົນ, ຖັດລົງມາແມ່ນເຊກອງ, ວຽງຈັນ, ຫລວງພະບາງ, ໄຊຍະບູລີ, ບໍ່ແກ້ວ, ຊຽງຂວາງ, ອຸດົມໄຊ, ໄຊສົມບູນ, ຜົ້ງສາລີ ແລະ ແຂວງຫົວພັນ.

- new3 - 6 ​ເດືອນຕົ້ນ​ປີນີ້ທົ່ວປະເທດມີ​ຜູ້​ຕິດ​ເຊື້ອ​ໄຂ້​ຍຸງ​ລາຍກວ່າ 4 ພັນກໍລະນີ ແລະ ​ເສຍ​ຊີວິດແລ້ວ 14 ຄົນ

​  ກະຊວງດັ່ງກ່າວ ໃຫ້ຮູ້ວ່າ: ໃນຜ່ານມາ, ຂະແໜງສາທາລະນະສຸກ ແລະ ອຳນາດການປົກຄອງ ໄດ້ສຸມໃສ່ການປ້ອງກັນ ແລະ ສະກັດກັ້ນພະຍາດດັ່ງກ່າວຢ່າງຈິງຈັງ ດ້ວຍການເອົາໃຈໃສ່ໂຄສະນາໃຫ້ປະຊາຊົນຮູ້ປ້ອງກັນຕົນເອງ ແລະ ທຳລາຍແຫລ່ງເພາະພັນຂອງຍຸງລາຍຢູ່ຕາມເຮືອນຊານ ແລະ ເຂດທີ່ມີຄວາມສ່ຽງຕ່າງໆ ເພື່ອກຳຈັດ​ແຫ​ລ່ງ​ເພາະ​ພັນ​ໜອນ​ນ້ຳ​ຍຸງ​ລາຍທີ່ເປັນພາຫະນຳເຊື້ອ, ໂດຍ​ສະ​ເພາະ​ປະຕິບັດຫລັກການ 5 ປ ຂອງ​ກະຊວງ​ສາທາລະນະ​ສຸກ​ວາງ​ອອກ ຄື: ປ ປິດ (ປົກ​ປິດ​ພາ​ສະ​ນະ​ທີ່​ກັກ​ເກັບ​ນ້ຳ​ທັງ​ໃນ ​ແລະ ນອກ​ເຮື​ອນ ບໍ່​ໃຫ້​ຍຸງ​ລາຍ​ມາ​ໄຂ່​ໃສ່), ປ ປ່ຽນ (ປ່ຽນ​ນ້ຳ ​ໃນ​ພາ​ສະ​ນະ​ທີ່​ກັກ​ເກັບ​ນ້ຳ ​ເຊັ່ນ: ​ເຕົ້າ​ດອກ​ໄມ້, ນ້ຳ​ຮອງ​ຕີ​ນຕູ້ ​ແລະ ອື່ນໆ), ປ ປ່ອຍ (ປ່​ອຍປາ​ຫາງ​ຍົກ​ຍຸງ ​ເພື່ອ​ກິນ​ໜອນ​ນ້ຳ), ປ ປັບປຸງ (ປັບປຸງ​ສິ່ງ​ແວດ​ລ້ອມ​ອ້ອມ​ເຮືອນ ໃຫ້​ສະອາດ​ເປັນ​ປະຈຳ​ທຸກ​ອາທິດ) ​ແລະ ປ ປະຕິບັດ ​ໃຫ້ເປັນນິໃສ ທຸກໆອາທິດ. ແນ​ໃສ່​ເຮັດ​ໃຫ້ການ​ລະບາດ​ຂອງ​ພະຍາດ​ໄຂ້ຍຸງ​ລາຍຫລຸດລົງ​ເທື່ອ​ລະ​ກ່າວ ​​ເຮັດ​ໃຫ້ຊີວິດ​ການ​ເປັນ​ຢູ່​ຂອງ​ປະຊາຊົນປາສະ​ຈາກພະຍາດ, ​ໂລກ​ໄພ​ໄຂ້​ເຈັບ ແລະ ສຸຂະພາບ​​ແຂງ​ແຮງ

- lattana 1 - 6 ​ເດືອນຕົ້ນ​ປີນີ້ທົ່ວປະເທດມີ​ຜູ້​ຕິດ​ເຊື້ອ​ໄຂ້​ຍຸງ​ລາຍກວ່າ 4 ພັນກໍລະນີ ແລະ ​ເສຍ​ຊີວິດແລ້ວ 14 ຄົນ
error: Content is protected !!