ສະຫະລັດອາເມລິກາ ເພີ່ມທະວີການລົງໂທດ ຕໍ່ ກຸຍບາ

- advert banner 728 90 728x90 - ສະຫະລັດອາເມລິກາ ເພີ່ມທະວີການລົງໂທດ ຕໍ່ ກຸຍບາ

ລັດຖະມົນຕີກະຊວງການເງິນ ສະຫະລັດ ອາເມລິກາ, ມື້ນີ້ຖະແຫຼງວ່າ: ໄດ້ຫ້າມກຸ່ມນັກທ່ອງທ່ຽວການຮຽນຮູ້ຂອງສະຫະລັດໄປກຸຍບາ, ຊຶ່ງການທ່ອງທ່ຽວດັ່ງກ່າວເປັນຮູບການທ່ອງທ່ຽວໜຶ່ງທີ່ໄດ້ຮັບອະນຸຍາດຈາກອົງການທ່ອງທ່ຽວຂອງສະຫະລັດ ເພື່ອດຶງດູດເອົານັກທ່ອງທ່ຽວເຂົ້າໄປໃນອາເມລິກາໃຕ້.

ລັດຖະມົນຕີກະຊວງການເງິນ ສະຫະລັດ Steven Mnuchin ໃຫ້ຮູ້ວ່າ: ການລົງໂທດດັ່ງກ່າວແມ່ນຍ້ອນຝ່າຍກຸຍບາເອງ “ ຍັງສືບຕໍ່ສ້າງຄວາມບໍ່ສະຫງົບ ” ດ້ວຍວິທີການໃຫ້ການຊ່ວຍເຫຼືອ ຝ່າຍກົງກັນຂ້າມກັບສະຫະລັດ ຢູ່ຂົງເຂດ Venezuela ແລະ Nicaragua ຢ່າງຜິດກົດໝາຍ.

ທ່ານ Mnuchin ຢໍ້າອີກວ່າ: “ ອຳນາດການປົກຄອງຂອງສະຫະລັດໄດ້ຕັດສິນໃຈວາງແຜນຍຸດທະສາດເພີ່ມການລົງໂທດຕໍ່ກຸຍບາໃຫ້ໜັກຂຶ້ນ. ການດຳເນີນການແບບນີ້ ຈະຊ່ວຍລຸດຜ່ອນເງິນໂດລາໄປຕົກຢູ່ໃນກຳມືຂອງກຳລັງປ້ອງກັນຄວາມສະຫງົບ, ພວກນັກສືບລັບ ແລະ ທະຫານຂອງກຸຍບາ ”

ການຢຸດຕິໂຄງການ ທ່ອງທ່ຽວການຮຽນຮູ້ດັ່ງກ່າວ ອາດຈະສ້າງຜົນກະທົບຢ່າງໜັກໜ່ວງຕໍ່ຈຳນວນນັກທ່ອງທ່ຽວຂອງສະຫະລັດເຂົ້າໄປໃນ ກຸຍບາ. ປີ 2014 ປະທານາທິບໍດີ ໂອບາມາ ໄດ້ໂຍະຍານການລົງໂທດ ກຸຍບາ ຈຶ່ງເຮັດໃຫ້ຈຳນວນນັກທ່ອງທ່ຽວ ຂອງສະຫະລັດເຂົ້າໄປທ່ຽວ ກຸຍບານັບມື້ຫຼາຍຂຶ້ນ.

ນອກຂົງເຂດການທ່ອງທ່ຽວແລ້ວ, ສະຫະລັດ ອາເມລິກາ ຍັງຫ້າມສົ່ງອອກ ເຮືອ, ກຳປັ່ນ ແລະ ເຮືອບິນສ່ວນຕົວຂອງບຸກຄົນ ໄປກຸຍບາ. ດໍໂນ ທຼຳ ຍັງຈຳກັດການແລກປ່ຽນທາງການຄ້າກັບກຸຍບາຕື່ມອີກ.

- 1 1 - ສະຫະລັດອາເມລິກາ ເພີ່ມທະວີການລົງໂທດ ຕໍ່ ກຸຍບາ
- lattana 1 - ສະຫະລັດອາເມລິກາ ເພີ່ມທະວີການລົງໂທດ ຕໍ່ ກຸຍບາ

ສະຫະລັດ ອາເມລິກາຍັງຕິຕຽນກຸຍບາວ່າ: ໃຫ້ການສະໜັບສະໜູນ ປະທານາທິບໍດີ ຂອງ Venezuela Nicolas Maduro, ໃນຂະນະທີ່ ສະຫະລັດ ອາເມລິກາ ຮັບຮອງເອົາ Juan Guaido ເປັນປະທານາທິບໍດີຊົ່ວຄາວຂອງ Venezuela.

ຮຽບຮຽງໂດຍ: ລູກເມືອງພວນ

- 568 - ສະຫະລັດອາເມລິກາ ເພີ່ມທະວີການລົງໂທດ ຕໍ່ ກຸຍບາ

error: Content is protected !!