ຖ້ຳກອງ​ລໍ ມີ​ນັກ​ທ່ອງ​ທ່ຽວ​ໄປ​ທ່ຽວ​ຊົມ​ນັບ​ມື້​ເພີ່ມ​ຂຶ້ນ

- advert banner 728 90 728x90 - ຖ້ຳກອງ​ລໍ ມີ​ນັກ​ທ່ອງ​ທ່ຽວ​ໄປ​ທ່ຽວ​ຊົມ​ນັບ​ມື້​ເພີ່ມ​ຂຶ້ນ

ໃນທ້າຍອາທິດຜ່ານມາ ນີ້, ໄດ້ມີກອງປະຊຸມສະຫລຸບ ໂຄງການເກັບກຳ, ສົ່ງເສີມ ການບໍລິການແຫລ່ງທ່ອງ ທ່ຽວທຳມະຊາດ ເພື່ອສ້າງ ເປັນຕົວແບບທີ່ຍືນຍົງ (ອາ ແອັຟເດ-ເຕຕຣັກຕິກ) ທີ່ຈັດ ຕັ້ງປະຕິບັດໃນເຂດແຫລ່ງ ທ່ອງທ່ຽວຖໍ້າກອງລໍ-ນາ ຕານ, ເມືອງຄູນຄໍາແຂວງຄໍາ ມ່ວນ ໃຫ້ຮູ້ວ່າ: ພາຍຫລັງ ເລີ່ມປະຕິບັດໂຄງການດັ່ງ ກ່າວມາແຕ່ກາງປີ 2016 ມາ ຮອດປັດຈຸບັນ, ເຫັນວ່າປະສິດ ທິພາບຂອງຮູບແບບການທ່ອງທ່ຽວແບບອະນຸລັກໂດຍການມີສ່ວນຮ່ວມຂອງປະຊາຊົນແມ່ນມີຜົນສໍາເລັດດີ,   ອັນ ໄດ້ສ້າງວຽກເຮັດງານທຳ, ຍົກລະດັບຄວາມຮູ້ດ້ານ ຕ່າງໆ ເປັນຕົ້ນດ້ານການ ບໍລິຫານ, ບໍລິການ, ພາສາຕ່າງປະເທດ, ການຄຸ້ມຄອງ ດ້ານການເງິນ, ການປູກຈິດ ສຳນຶກກ່ຽວກັບການທ່ອງທ່ຽວແບບອະນຸລັກ ແລະ ອື່ນໆ ເພື່ອແນໃສ່ເຮັດໃຫ້ສະມາຄົມດ້ານການທ່ອງທ່ຽວໃນເຂດກອງລໍ-ນາຕານ ມີຄວາມເປັນ ມືອາຊີບ, ມີປະສົບການ ແລະ ຄວາມຮູ້ໃນດ້ານການບໍລິ  ການຕ່າງໆ ແລະ ສາມາດ ຖ່າຍທອດໃຫ້ແກ່ຊຸມຊົນ ຊາວບ້ານໃນເຂດອື່ນ ແລະ ແນໃສ່ເຮັດໃຫ້ເປັນແຫລ່ງ ທ່ອງທ່ຽວທີ່ມີການຈັດຕັ້ງ   ທີ່ດີ, ມີບໍລິການທີ່ມີຫລາຍ ຮູບແບບ, ຫລາຍກິດຈະກຳ ທາງດ້ານການທ່ອງທ່ຽວ ແບບອະນຸລັກ ແລະ ຜ່ານ ການເກັບກຳຂໍ້ມູນຈາກນັກ ທ່ອງທ່ຽວ 1.000 ຄົນໃນປີ 2017 ແລະ ປີ 2019 ເຫັນ ວ່ານັກທ່ອງທ່ຽວແມ່ນມີ ຄວາມເພິ່ງພໍໃຈໃນບັນດາກິດຈະກຳທີ່ໂຄງການໄດ້ຈັດຕັ້ງ ປະຕິບັດ ແລະ ສະແດງ ໃຫ້ ເຫັນວ່າລາຍຮັບຈາກແຫລ່ງທ່ອງທ່ຽວກອງລໍ-ນາຕານ ແມ່ນມີການເພີ່ມຂຶ້ນໃນແຕ່ລະປີຄື: ໃນປີ 2017 ມີນັກທ່ອງ ທ່ຽວທັງໝົດ 20 ພັນຄົນ, ສາມາດສ້າງລາຍຮັບໄດ້ ທັງໝົດ 700 ລ້ານກວ່າກີບ, ປີ 2018 ມີນັກທ່ອງ ທ່ຽວ 19 ພັນຄົນ ສ້າງລາຍ ຮັບໄດ້ກວ່າ 1.100 ລ້ານກີບ ແລະ ນັບແຕ່ເດືອນມັງກອນ ຫາເດືອນພຶດສະພາ 2019 ມີນັກທ່ອງທ່ຽວ ເຂົ້າມາແລ້ວ ກວ່າ 10.920 ຄົນ, ສ້າງລາຍ ຮັບຫລາຍກວ່າ 700 ລ້ານ  ກີບ ແລະ ຜົນງານດັ່ງກ່າວ ເຮັດໃຫ້ບ້ານກອງລໍ ຖືກຮັບ ຮອງເປັນບ້ານມາດຕະຖານການທ່ອງທ່ຽວແບບປະຊາ ຊົນມີສ່ວນຮ່ວມອາຊຽນປີ 2017 ແລະ ໄດ້ຮັບລາງ ວັນດີເດັ່ນໃນການພັດທະນາ ການທ່ອງທ່ຽວແບບອະນຸລັກຈາກກະຊວງຖະແຫລງ  ຂ່າວ, ວັດທະນະທຳ ແລະ ທ່ອງທ່ຽວອີກດ້ວຍ.

- new3 - ຖ້ຳກອງ​ລໍ ມີ​ນັກ​ທ່ອງ​ທ່ຽວ​ໄປ​ທ່ຽວ​ຊົມ​ນັບ​ມື້​ເພີ່ມ​ຂຶ້ນ

- 596 - ຖ້ຳກອງ​ລໍ ມີ​ນັກ​ທ່ອງ​ທ່ຽວ​ໄປ​ທ່ຽວ​ຊົມ​ນັບ​ມື້​ເພີ່ມ​ຂຶ້ນ

ກອງປະຊຸມ ດັ່ງກ່າວ ປະ ກອບມີຜູ້ຕາງນ້າຈາກກົມ ຮ່ວມມືສາກົນກະຊວງຖະ ແຫລງຂ່າວ, ວັດທະນະທໍາ ແລະ ທ່ອງທ່ຽວ, ອໍານາດ ການປົກຄອງແຂວງ, ເມືອງ ແລະ ຊ່ຽວຊານຈາກໂຄງ ການ, ພ້ອມດ້ວຍຕົວແທນ ສະມາຄົມພັດທະນາການ ທ່ອງທ່ຽວກອງລໍ-ນາຕານ ເຂົ້າຮ່ວມ.

- lattana 1 - ຖ້ຳກອງ​ລໍ ມີ​ນັກ​ທ່ອງ​ທ່ຽວ​ໄປ​ທ່ຽວ​ຊົມ​ນັບ​ມື້​ເພີ່ມ​ຂຶ້ນ

- 2597 - ຖ້ຳກອງ​ລໍ ມີ​ນັກ​ທ່ອງ​ທ່ຽວ​ໄປ​ທ່ຽວ​ຊົມ​ນັບ​ມື້​ເພີ່ມ​ຂຶ້ນ
error: Content is protected !!