ປະຊາຊົນ ຮົ່ງກົງ ລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນຂອງ ຈີນ

- advert banner 728 90 728x90 - ປະຊາຊົນ ຮົ່ງກົງ ລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນຂອງ ຈີນ

ການປະທ້ວງຄັ້ງນີ້ຖືວ່າເປັນຄັ້ງຍິ່ງໃຫ່ຍທີ່ສຸດ ນັບແຕ່ມື້ ຮົ່ງກົງ ໄດ້ເຂົ້າມາຢູ່ໃນວົງຄະນະຍາດຂອງຈີນ.

- lattana 1 - ປະຊາຊົນ ຮົ່ງກົງ ລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນຂອງ ຈີນ

ຫຼາຍສິບພັນຄົນ ລົງຖະໜົນປະທ້ວງຕໍ່ຕ້ານ ກົດໝາຍວ່າດ້ວຍການ: ສົ່ງຜູ້ຮ້າຍຂ້າມແດນຂອງຈີນ.

ມື້ນີ້ ຢູ່ຮົ່ງກົງ ໄດ້ມີປະຊາຊົນລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນ ຂອງຈີນ. ກົດໝາຍດັ່ງກ່າວຈະຖືກປ່ອນບັດຮັບຮອງເອົາໃນວັນທີ 12 ມິຖຸນາ ທີ່ຈະມາເຖິງນີ້. ຜູ້ປະທ້ວງເອີ້ນການປະທ້ວງນີ້ວ່າ: ເປັນການປະທ້ວງເທື່ອສຸດທ້າຍ. ນີ້ເປັນການປະທ້ວງທີ່ຍິ່ງໃຫ່ຍທີ່ສຸດນັບແຕ່ມື້ ຮົ່ງກົງໄດ້ເຂົ້າມາຢູ່ໃນວົງຄະນະຍາດຂອງຈີນ ໃນປີ 1997.

ການປະທ້ວງຄັ້ງນີ້, ມີຫຼາຍພາກສ່ວນເຂົ້າຮ່ວມ, ນັບຕັ້ງແຕ່ນັກຮຽນຮູ້ ປັນຍາຊົນ, ນັກກົດໝານຈົນເຖິງນັກສຶກສາ ແລະ ກຸ່ມສາສະໜຕ່າງໆ. ກຸ່ມປະທ້ວງໄດ້ເລີ່ມເຄື່ອນຍ້າຍຈາກສວນສາທາລະນະ Victoria ຕັ້ງແຕ່ເວລາ 5 ໂມງເຊົ້າ ໄປຕາມຖະໜົນ Causeway. ຜູ້ປະທ້ວງພ້ອມກັນນຸ່ງເຄື່ອງຂາວ ແລ້ວ ຮ້ອງຄຳຂວັນວ່າ: “ ຢ່າຍອມຮັບເອົາກົດໝາຍດັ່ງກ່າວ ” , “ ຕໍ່ຕ້ານການສົ່ງຜູ້ຮ້າຍຂ້າມແດນໄປຈີນ ” ພ້ອມທັງຮ້ອງລຳທຳເພງໃນທ່າມກາງອາກາດຮ້ອນອົບເອົ້າ.

ຄະນະກຳມະການຈັດການປະທ້ວງ ກ່າວຕໍ່ທີ່ຊຸມນຸມວ່າ: “ ມີຜູ້ປະທ້ວງປະມານ 1.030.000 ຄົນ ເຂົ້າຮ່ວມໃນມື້ນີ້ ”

ແຕ່ເຈົ້າໜ້າທີ່ປ້ອງກັນຄວາມສະຫງົບກ່າວວ່າ: ຜູ້ປະທ້ວງມີພຽງປະມານ 240.000 ຄົນເທົ່ານັ້ນ. ອຳນາດການປົກຄອງ ຮົ່ງກົງ ໄດ້ລະດົມກຳລັງປ້ອງກັນເຖິງ 2.000 ນາຍ.

ບັນດາການນຳຢູ່ ຮົ່ງກົງ ກຳລັງພັກດັນໃຫ້ກົດໝາຍດັ່ງກ່າວໄດ້ຜ່ານອົງການກົດໝາຍ ເພື່ອໃຫ້ມີການສົ່ງຜູ້ຮ້າຍຂ້າມແດນ ນັບທັງຜູ້ທີ່ຖືກໄລ່ລ່າ ຢູ່ທຸກຂົງເຂດ ນັບທັງຢູ່ຈີນ ອີກດ້ວຍ.

- Tiger Head 728x90 - ປະຊາຊົນ ຮົ່ງກົງ ລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນຂອງ ຈີນ
- 1 1 - ປະຊາຊົນ ຮົ່ງກົງ ລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນຂອງ ຈີນ

ປະຊາຊົນ ຮົ່ງກົງ ມີຄວາມກັງວົນວ່າ: ຖ້າຖືກສົ່ງຕົວໄປຈີນ ເຂົາກັງວົນວ່າຈະບໍ່ມີຄວາມຍຸຕິທຳ ແລະ ບໍ່ມີຄວາມຂາວສະອາດຂອງສານຈີນ. ຜູ້ປະທ້ວງຄົນໜຶ່ງຊື່ Tommy Lo ເວົ້າວ່າ: “ ຖ້າຫາກສົ່ງຜູ້ຮ້າຍໄປຈີນ ຢ້ານວ່າ ເຂົາຈະຖືກທຳລາຍຊີວິດການເປັນຢູ່ ແລະ ເສດຖະກິດຂອງ ຮົ່ງກົງ. ຈະມີຫຼາຍຄົນ ຖືກໜີອອກຈາກ ຮົ່ງກົງຢປຢ່າງຊີ້ນເຊີງ ”

ຮຽບຮຽງໂດຍ: ລູກເມືອງພວນ

- 2237412 - ປະຊາຊົນ ຮົ່ງກົງ ລົງຖະໜົນປະທ້ວງ ກົດໝາຍສົ່ງຜູ້ຮ້າຍຂ້າມແດນຂອງ ຈີນ