ປະໂຫຍດຈາກວານິນລາທີ່ມີຫລາຍກ່ວາຄວາມຫອມ

- advert banner 728 90 728x90 - ປະໂຫຍດຈາກວານິນລາທີ່ມີຫລາຍກ່ວາຄວາມຫອມ

     ຫລາຍທ່ານອາດຈະຮູ້ຈັກ ວານິນລາ ຈາກກິ່ນຫອມທີ່ເອົາມາປັບແຕ່ງກິ່ນອາຫານ ແລະ ເຂົ້າໜົມ, ແຕ່ອາດຍັງບໍ່ຮູ້ວ່າໃນດ້ານສຸຂະພາບກໍມີປະໂຫຍດທີ່ດີຫລາຍຢ່າງ ມື້ນີ້ມີຄວາມຮູ້ກ່ຽວກັບຄຸນປະໂຫຍດຂອງວານິນລາທີ່ມີຫລາຍກ່ວາຄວາມຫອມມາແນະນຳທ່ານ.

- 010306 2019 1024x695 - ປະໂຫຍດຈາກວານິນລາທີ່ມີຫລາຍກ່ວາຄວາມຫອມ
OLYMPUS DIGITAL CAMERA

     1. ເບິ່ງແຍງສຸຂະພາວຫົວໃຈ : ຈາກການສຶກສາພົບວ່າ ວານິນລາຈຳນວນຫລາຍສົ່ງຜົນດີຕໍ່ສຸຂະພາບຫົວໃຈ, ຊ່ວຍຫລຸດລະດັບຄໍເລສເຕີໂຣນໂດຍສະເພາະໃນຫລອດເລືອດ ນອກຈາກນີ້ ການບໍລິໂພກວານິນລາຍັງມີປະໂຫຍດຫລາຍຕໍ່ຜູ້ທີ່ມີບັນຫາພະຍາດຫົວໃຈຊຳ້ເຮື້ອ ຫລື ຫາກໍໄດ້ຮັບການຜ່າຕັດຫົວໃຈ.

   2. ການປ້ອງກັນພະຍາດມະເຮັງ : ໃນຖານະທີ່ເປັນສານຕ້ານອະນຸມູນອິດສະລະທີ່ມີປະສິດທິພາບ ວານິນລາມີສ່ວນຮ່ວມທີ່ສຳຄັນໃນການກຳຈັດອະນຸມູນອິດສະລະອອກຈາກຮ່າງກາຍ ແລະ ມີຄຸນສົມບັດເປັນສານຕ້ານອະນຸມູນອິດສະລະຊ່ວຍປ້ອງກັນພະຍາດທີ່ເປັນອັນຕະລາຍ ເຊັ່ນ : ພະຍາດມະເຮັງໄດ້.

     3. ກະຕຸ້ນພູມຕ້ານທານ : ວານິນລາມີບົດບາດສຳຄັນໃນການປົກປ້ອງເນື້ອເຍື່ອຂອງຮ່າງກາຍ ແລະ ການເຮັດວຽກຂອງແຊນ ມັນຊ່ວຍປ້ອງກັນເນື້ອເຍື່ອ ແລະ ແຊນຈາກການທຳລາຍ ແລະ ຊ່ວຍໃຫ້ຮ່າງກາຍຂອງທ່ານກະຕຸ້ນຂະບວນການຈະເລີນເຕີບໃຫຍ່ຕາມທຳມະຊາດ. ນອກຈາກນີ້, ຍັງເຮັດໜ້າທີ່ເປັນໂຕກະຕຸ້ນພູມຕ້ານທານ, ເສີມສ້າງກົນໄກການຮັກສາຂອງຮ່າງກາຍໃນການຕໍ່ສູ້ກັບພະຍາດທີ່ເຮັດໃຫ້ຮ່າງກາຍເສື່ອມໂຊມ ແລະ ຟື້ນຟູໂຕເອງຈາກຄວາມເຈັບປ່ວຍ ແລະ ການບາດເຈັບ.

     4. ຫລຸດການອັກເສບ : ເປັນເວລາຫລາຍສະຕະວັດທີ່ຜູ້ຄົນໃຊ້ວານິນລາເພື່ອປອມປະໂລມ ແລະ ຫລຸດອາການອັກເສບ ກິ່ນຂອງມັນຊ່ວຍເຮັດໃຫ້ທ່ານຜ່ອນຄາຍ ແລະ ຮູ້ສຶກດີຂຶ້ນໄດ້.

     5. ປ້ອງກັນສິວ : ສິວເປັນອີກໜຶ່ງບັນຫາທີ່ພົບຫລາຍ ວານິນລາມີຄຸນສົມບັດຕ້ານເຊື້ອແບັກທີເຣຍ ແລະ ຕໍ່ສູ້ກັບການເກີດສິວ. ຈາກການສຶກສາສະແດງໃຫ້ເຫັນວ່າຄຸນສົມບັດຕ້ານເຊື້ອແບັກທີເຣຍຂອງວານິນລາ ສາມາດປິ່ນປົວພະຍາດຕິດເຊື້ອຢູ່ຜິວໜັງ, ກຳຈັດສິ່ງເປິເປື້ອນ ແລະ ເພີ່ມຂະບວນການປິ່ນປົວສິວ. ນອກຈາກນີ້, ຫາກໃຊ້ເປັນປະຈຳຈະຊ່ວຍຫລຸດຮອຍແປ້ວແລະ ເຮັດໃຫ້ຜິວສົດໃສໄດ້.

- lattana 1 - ປະໂຫຍດຈາກວານິນລາທີ່ມີຫລາຍກ່ວາຄວາມຫອມ
- 1 1 - ປະໂຫຍດຈາກວານິນລາທີ່ມີຫລາຍກ່ວາຄວາມຫອມ

     6. ຊ່ວຍໃຫ້ຜ່ອນຄາຍ : ກິ່ນວານິນລາທີ່ເຂັ້ມຂຸ້ນມີຜົນກະທົບໂດຍກົງຕໍ່ເສັ້ນປະສາດທີ່ເຮັດໃຫ້ເກີດຄວາມສະຫງົບ ແລະ ຫລຸດຜ່ອນຄວາມເຄັ່ງຄຽດຊຳ້ເຮື້ອ.

     7. ຫລຸດນຳ້ໜັກ : ນອກຈາກປັບຄວາມດຸ່ນດ່ຽງລະດັບຄໍເລສເຕີໂຣນໃນຮ່າງກາຍແລ້ວ ສານສະກັດຈາກວານິນລາຍັງຊ່ວຍໃຫ້ທ່ານຮັກສານຳ້ໜັກໄດ້ ມັນຊ່ວຍກະຕຸ້ນການເຜົາຜານ ແລະ ການຍ່ອຍອາຫານໄດ້ຢ່າງວ່ອງໄວ ສາມາດຊ່ວຍໃຫ້ທ່ານບັນລຸເປົ້າໝາຍການຫລຸດນຳ້ໜັກໄດ້.

     8. ຜະລິດຕະພັນເບິ່ງແຍງເສັ້ນຜົມ : ການໃຊ້ນຳ້ມັນຫອມລະເຫີຍວານິນລາສຳລັບຜົມແຕກປາຍ ຫລື ນວດເທິງໜັງຫົວ ເປັນວິທີທີ່ມີປະສິດທິພາບ ສາມາດຊ່ວຍບຳລຸງເສັ້ນຜົມແຕກປາຍ, ເສີມສ້າງເສັ້ນຜົມຂອງທ່ານໃຫ້ມີສຸຂະພາບດີ, ຊ່ວຍເພີ່ມການໄຫລວຽນຂອງເລືອດທີ່ຊ່ວຍເພີ່ມການຈະເລີນເຕີບໃຫຍ່ຂອງເສັ້ນຜົມ ເຮັດໃຫ້ຜົມຂອງທ່ານຍາວ ແລະ ເຫລື້ອມງາມ.

     9. ລະບົບຍ່ອຍອາຫານ : ເປັນເວລາຫລາຍທົດສະວັດທີ່ຜູ້ຄົນໃຊ້ວານິນລາເພື່ອເພີ່ມປະສິດທິພາບການຍ່ອຍອາຫານ ແລະ ຊ່ວຍຫລຸດຜ່ອນອາການປຸ້ນທ້ອງ ແລະ ປວດຮາກ.

     10. ຕໍ່ຕ້ານຮອຍຫ່ຽວ : ວານິນລາມີສານຕ້ານອະນຸມູນອິດສະລະທີ່ຫລວງຫລາຍ ບໍ່ພຽງແຕ່ຊ່ວຍບຳລຸງຜິວ ຍັງປ້ອງກັນອະນຸມູນອິດສະລະນຳ ຄຸນສົມບັດເຫລົ່ານີ້ສາມາດຊ່ວຍຫລຸດຜ່ອນການເກີດຮອຍຕີນກາ, ຮອຍຫ່ຽວຍານຕ່າງໆໄດ້. 

error: Content is protected !!