ສະພາແຫ່ງຊາດສະເໜີໃຫ້ພະນັກງານຂົງເຂດຍຸຕິທໍາຍົກສູງສະຕິເຄົາລົບລະບຽບກົດໝາຍ

- advert banner 728 90 728x90 - ສະພາແຫ່ງຊາດສະເໜີໃຫ້ພະນັກງານຂົງເຂດຍຸຕິທໍາຍົກສູງສະຕິເຄົາລົບລະບຽບກົດໝາຍ

ພາຍຫລັງທ່ານລັດຖະມົນຕີກະຊວງຍຸຕິທຳໄດ້ລາຍງານຜົນການປະຕິບັດຄຳຕັດສິນຂອງສານໃນໄລຍະຜ່ານມາຕໍ່ກອງປະຊຸມສະພາແຫ່ງຊາດທີ່ພວມດໍາເນີນຢູ່ໃນປັດຈຸບັນນີ້, ຈາກນັ້ນຄະນະປະຈຳສະພາແຫ່ງຊາດໄດ້ມີຄວາມຕໍ່ບົດລາຍງານດັ່ງກ່າວ, ໂດຍສະແດງຄວາມຊົມເຊີຍຕໍ່ລັດຖະບານ ກໍຄືກະຊວງຍຸຕິທຳທີ່ໄດ້ເອົາໃຈໃສ່ປະຕິບັດບັນດາທິດທາງວຽກງານຈຸດສຸມ ແລະ ມາດຕະການປະຕິບັດຄຳຕັດສິນຂອງສານທີ່ໄດ້ກຳນົດໄວ້ໃນມະຕິກອງປະຊຸມສະໄໝສາມັນເທື່ອທີ 4 ຂອງສະພາແຫ່ງບຊາດຊຸດທີ VIII ໄດ້ຮັບຜົນສຳເລັດຫລາຍດ້ານ, ອັນໄດ້ປະກອບສ່ວນໃນການປົກປ້ອງສິດ, ຜົນປະໂຫຍດອັນຊອບທຳຂອງບຸກຄົນ, ນິຕິບຸກຄົນ ແລະ ການຈັດຕັ້ງລັດ, ພ້ອມທັງໄດ້ສະເໜີໃຫ້ຂະແໜງການກ່ຽວຂ້ອງ ສືບຕໍ່ເອົາໃຈໃສ່ແກ້ໄຂຂໍ້ຄົງຄ້າງບາງດ້ານເຊັ່ນ: ເອົາໃຈໃສ່ສົມທົບກັບອົງການປົກຄອງທ້ອງຖິ່ນໃນການສຶກສາອົບຮົມການເມືອງແນວຄິດ, ທັດສະນະຫລັກໝັ້ນ, ຄຸນສົມບັດສິນທຳປະຕິວັດ, ຈັນຍາບັນ-ຈັນຍາທຳ ໃນການປະຕິບັດໜ້າທີ່ຂອງພະນັກງານປະຕິບັດຄຳຕັດສີນຂອງສານໃຫ້ມີຄວາມຮູ້, ຄວາມສາມາດ, ກຳແໜ້ນແນວທາງນະໂຍບາຍຂອງພັກ ແລະ ກົດໝາຍຂອງລັດຢ່າງເລິກເຊິ່ງ. ຮີບຮ້ອນຄົ້ນຄວ້າ, ວິເຄາະວິໄຈ ຄຳຕັດສິນຂອງສານທີ່ໃຊ້ໄດ້ເດັດຂາດ ທີ່ມີຄວາມຫຍຸ້ງຍາກໃນການຈັດຕັ້ງປະຕິບັດ, ຊຶ່ງມີໃນປັດຈຸບັນ ພ້ອມທັງຊອກສາເຫດ ແລະ ວິທີແກ້ໄຂໃຫ້ຖືກຕ້ອງຕາມກົດໝາຍ. ກຳນົດແຜນການ, ຂັ້ນຕອນການຈັດຕັ້ງປະຕິບັດ ແລະ ແບ່ງງານ, ແບ່ງຄວາມຮັບຜິດຊອບໃຫ້ລະອຽດ ເພື່ອສູ້ຊົນຈັດຕັ້ງປະຕິບັດບັນດາຄຳຕັດສີນຂອງສານທີ່ຄ້າງປະຕິບັດ ແລະ ເຂົ້າມາໃໝ່ໃຫ້້ບັນລຸຕາມແຜນການທີ່ໄດ້ກຳນົດໄວ້. ຕິດຕາມກວດກາການປະຕິບັດໜ້າທີ່ຂອງພະນັກງານໃຫ້ເຂັ້ມງວດຕາມາດຕາ 50 ຂໍ້ຫ້າມສຳລັບພະນັກງານປະຕິບັດຄຳຕັດສີນຂອງສານ ແລະ ລົງວິໄນຕໍ່ຜູ້ທີ່ລະເມີດກົດໝາຍຕາມມາດຕາ 56 ຂອງກົດໝາຍວ່າດ້ວຍການຈັດຕັ້ງປະຕິບັດຄຳຕັດສີນຂອງສານຢ່າງເດັດຂາດ. ເອົາໃຈໃສ່ຄົ້ນຄ້ວາສ້າງ, ປັບປຸງກົດໝາຍ, ນິຕິກຳໃຕ້ກົດໝາຍເປັນຕົ້ນ ກົດໝາຍວ່າດ້ວຍການຈັດຕັ້ງປະຕິບັດຄຳຕັດສິນຂອງສານ ແລະ ນິຕິກຳອື່ນໆ ທີ່ກ່ຽວຂ້ອງກັບການຈັດຕັ້ງປະຕິບັດຄຳຕັດສີນຂອງສານ.

- 1 1 - ສະພາແຫ່ງຊາດສະເໜີໃຫ້ພະນັກງານຂົງເຂດຍຸຕິທໍາຍົກສູງສະຕິເຄົາລົບລະບຽບກົດໝາຍ
- Tiger Head 728x90 - ສະພາແຫ່ງຊາດສະເໜີໃຫ້ພະນັກງານຂົງເຂດຍຸຕິທໍາຍົກສູງສະຕິເຄົາລົບລະບຽບກົດໝາຍ
- lattana 1 - ສະພາແຫ່ງຊາດສະເໜີໃຫ້ພະນັກງານຂົງເຂດຍຸຕິທໍາຍົກສູງສະຕິເຄົາລົບລະບຽບກົດໝາຍ