ຂ່າວ​ສັງຄົມ​ມີ​ຫລາຍ​ປະ​ເພດ

- advert banner 728 90 728x90 - ຂ່າວ​ສັງຄົມ​ມີ​ຫລາຍ​ປະ​ເພດ

ເພື່ອເຕືອນສະຕິໃຫ້ທຸກຄົນ ສາມາດຫຼີກເວັ້ນຂ່າວທີ່ເປັນ ພິດເປັນໄພຕໍ່ສັງຄົມໄດ້. ກ່ອນ ອື່ນໝົດ, ທຸກຄົນຕ້ອງ ຈຳແນກ ໃຫ້ໄດ້ລະຫ່ວາງ: ຂ່າວປອມ, ຂ່າວລື, ຂ່າວໃສ່ຮ້າຍປ້າຍສີ.

- lattana 1 - ຂ່າວ​ສັງຄົມ​ມີ​ຫລາຍ​ປະ​ເພດ

ຂ່າວປອມແມ່ນຫຍັງ? ຂ່າວປອມ ແມ່ນຂ່າວທີ່ບໍ່ມີມູນຄວາມຈິງ, ເອີ້ນວ່າຂ່າວຂີ້ຕົວະ. ແມ່ນການເສກສັນ ປັ້ນເລື່ອງຂຶ້ນມາ ເພື່ອໃຫ້ຄືກັບຄວາມຈິງ. ສາມາດດຶງດູດຄວາມສົນໃຈຂອງສັງຄົມໄດ້ດີ. ຕົວຢ່າງ: ຂ່າວນາຍົກ ທອງລຸນ ຂອງລາວຖືກຄົນ ຮ້າຍໃຊ້ອາວຸດປືນ ຍິງໃສ່ ກາງຫຼັງສອງນັດບາດເຈັບ ສາຫັດ, ໄປຮັບການປິ່ນປົວ ຢູ່ໂຮງໝໍ 103 ໃນຫ່ວາງ ຫຼາຍເດືອນຜ່ານມານີ້  ແລະ ອື່ນໆ.

ຂ່າວລື ແມ່ນຫຍັງ? ແມ່ນຂ່າວທີ່ບໍ່ຮູ້ທີ່ໄປທີ່ມາ, ບໍ່ຮູ້ຕົ້ນປາຍສາຍເຫດ, ແມ່ນການ ເລົ່າປາກຕໍ່ປາກ ຈາກຄົນໜຶ່ງໄປອີກຄົນໜຶ່ງກ່ອນບັນຫາຈະເກີດຂຶ້ນ, ໄດ້ແຕ່ວ່າ:“ເຂົາ ເວົ້າ”. ໃນທີ່ສຸດກໍລາມໄປທົ່ວ ສັງຄົມ. ຂ່າວລືນີ້ ບາງເທື່ອກໍເກີດຂຶ້ນຈິງ, ບາງເທື່ອກໍບໍ່ເກີດ ຂຶ້ນ. ຕົວຢ່າງ: ມີຂ່າວວ່າ: ຈະມີການປັບປຸງກົງຈັກການຈັດຕັ້ງຢູ່ບ່ອນຫັ້ນບ່ອນນີ້, ຈະຍົກຍ້າຍຜູ້ນັ້ນຜູ້ນີ້,ຈະປົດຕຳແໜ່ງຜູ້ນັ້ນ ຜູ້ນີ້…ທັງໝົດສິ່ງເຫຼົ່ານັ້ນບາງເທື່ອກໍເກີດຂຶ້ນຈິງແຕ່ບາງເທື່ອກໍບໍ່ເກີດ ຂຶ້ນຈິງ.

ຂ່າວໃສ່ຮ້າຍປ້າຍສີແມ່ນ ແນວໃດ? ຄ້າຍກັນກັບຂ່າວ ປອມ, ແຕ່ຂ່າວໃສ່ຮ້າຍປ້າຍສີ ອາດຈະເປັນເລື່ອງຈິງ ຫຼື ບໍ່ຈິງ ແຕ່ຖືກແຕ້ມແຕ່ງ, ລະບາຍສີເພື່ອໃຫ້ເປັນບັນຫາໃຫຍ່ຂຶ້ນ, ເປັນເລື່ອງໃຫ່ຍຂຶ້ນ ເຮັດໃຫ້ຄົນມີຄວາມສົນໃຈ ຫຼາຍຂຶ້ນ, ເຮັດໃຫ້ເລື່ອງມັນໂ່ດງດັງຂຶ້ນ ຈົນຜິດພ້ຽນອອກຈາກຄວາມຈິງ. ຕົວຢ່າງ: ລາວເຮົາມີການພົວ ພັນຮ່ວມມືກັບຕ່າງຊາດ ເພື່ອໃຫ້ມີການລົງທຶນພັດທະນາ ປະເທດຊາດ. ອັນນັ້ນແມ່ນ ຄວາມເປັນຈິງແທ້. ແຕ່ຂ່າວ ໃສ່ຮ້າຍປ້າຍສີວ່າ: ລັດຖະບານລາວໄດ້ຂາຍດິນໃຫ້ຈີນ, ໃຫ້ຫວຽດນາມ, ຊຸກຍູ້ໃຫ້ຈີນ, ໃຫ້ຫວຽດນາມເຂົ້າມາຢູ່ລາວແບບຖາວອນ…ອັນນີ້ແມ່ນ ຄຳໃສ່ຮ້າຍປ້າຍສີໂດຍບໍ່ມີຄວາມຈິງ, ແມ່ນການ ຫາ ເລື່ອງໃສ່ ຫຼື ເປັນການຕໍ່ຍອດ ຈາກການລົງທຶນຂອງຕ່າງຊາດ.

ການບໍລິໂພກສື່, ພວກ ເຮົາຕ້ອງພິຈາລະນາໃຫ້ຖີ່ ຖ້ວນ, ເບິ່ງທີ່ມາຂອງແຫຼ່ງຂ່າວ ແລະ ສື່ທີ່ໃຫ້ຂ່າວ, ວ່າ ມັນແມ່ນສື່ແນວໃດ ? ຂອງໃຜ? ເປັນທາງການ ຫຼື ບໍ່ເປັນ ທາງການ? ກ່ອນຈະໂພສ, ແຊຣ, ຄອມເມັ້ນ, ໂຟນໂລ, ກົດໄລ້ ຕ້ອງພິຈາລະນາໃຫ້ຄັກແນ່, ໝາຍຄວາມວ່າ ຕ້ອງ ມີສະຕິ, ມີທັດສະນະຫຼັກໝັ້ນ ທີ່ຖືກຕ້ອງ, ມີໂລກະທັດ ແລະ ຊີວະທັດ ທີ່ເບິ່ງກ້ວາງເຫັນໄກ, ມີວິໄສທັດໃນເບື້ອງໜ້າ ທີ່ຍາວໄກ. ຖ້າຫາກບໍ່ແມ່ນ ຜູ້ທີ່ຕັ້ງໃຈທຳລາຍຄວາມ ເປັນຈິງ ກໍຍ່ອມບໍ່ເສຍບົດບາດຊື່ສຽງ. ທຸກຄົນຢ່າເຮັດ “ຫູເບົາໃຈງ່າຍ” , “ ນົກຮ້ອງວ່າດີ, ທະນີຮ້ອງວ່າ ມ່ວນ ” . ເວັ້ນເສຍແຕ່ຜູ້ທີ່ ຕັ້ງໃຈທຳລາຍປະເທດຊາດ ເທົ່ານັ້ນ.

- 1 1 - ຂ່າວ​ສັງຄົມ​ມີ​ຫລາຍ​ປະ​ເພດ
- Tiger Head 728x90 - ຂ່າວ​ສັງຄົມ​ມີ​ຫລາຍ​ປະ​ເພດ

ໂດຍ: ລູກເມືອງພວນ

- 51 - ຂ່າວ​ສັງຄົມ​ມີ​ຫລາຍ​ປະ​ເພດ