ບັນຫາ​ປູກ​ກ້ວຍ​ດ້ວຍ​ສານ​ເຄມີ​ຍັງ​ບໍ່​ສຸດ​ບໍ່​ສ້ຽງ

- advert banner 728 90 728x90 - ບັນຫາ​ປູກ​ກ້ວຍ​ດ້ວຍ​ສານ​ເຄມີ​ຍັງ​ບໍ່​ສຸດ​ບໍ່​ສ້ຽງ

​ໂດຍ: ທິດ​ກ່ຳ

- lattana 1 - ບັນຫາ​ປູກ​ກ້ວຍ​ດ້ວຍ​ສານ​ເຄມີ​ຍັງ​ບໍ່​ສຸດ​ບໍ່​ສ້ຽງ

ການປູກກ້ວຍດ້ວຍການກະຕຸ້ນສານເຄມີຢູ່ປະເທດເຮົາໄດ້ມີມາແຕ່ເຫິງແລ້ວ, ຕໍ່ກໍລະນີດັ່ງກ່າວໄດ້ກະທົບໄປ ເຖິງຊີວິດການເປັນຢູ່ຂອງປະຊາຊົນ ແລະ ສິ່ງແວດລ້ອມ ບໍ່ໜ້ອຍຍ້ອນມີຄົນເຈັບຄົນຕາຍ, ປູປາ, ສັດສາວາສິ່ງຕາຍ ໃຫ້ ເຫັນປະຈັກຕາ ແລະ ຍັງເປັນ ບັນຫາແກ້ບໍ່ທັນຕົກໄດ້ຢ່າງຊິ້ນເຊີງ.

ຫ້າຫົກປີກ່ອນຊ່າກັນຢູ່ທາງພາກເໜືອແຖວ ຫລວງ ນ້ຳທາ, ອຸດົມໄຊຕໍ່ມາກໍລາມ ພະລາມຈົວລົງມາແຖວ ແຂວງວຽງຈັນ ແລະ ນະຄອນຫລວງວຽງຈັນເຮົາ ນີ້ເອງຈົນປະຊາຊົນບ່ອນໃກ້ຄຽງເຂົາເປັນຫວ່າງໄດ້ຮຽກຮ້ອງໄປຍັງຂະແໜງ ການກ່ຽວຂ້ອງຈົ່ງໄດ້ລົງໄປກວດກາ ແລະ ມີວິທີການແກ້ໄຂໂດຍດ່ວນເຊ່ັນ: ຢູ່ເມືອງຫີນເຫີບແຂວງວຽງຈັນ, ຢູ່ເມືອງ ເພຍລາດນະຄອນຫລວງ ວຽງຈັນ.

ເມື່ອຕັ້ງໂຈດກັນວ່າ, ຕໍ່ບັນຫາດັ່ງກ່າວທາງລັດຖະບານກໍມີການເກືອດຫ້າມແຕ່ເປັນ ຫຍັງ, ຄົນເຮົາຍັງພາກັນເຮັດ? ຕາມທິດກ່ຳ ວ່າມັນເປັນຍ້ອນ ຜີບ້ານພ້ອມຜີປ່າ, ໝາຍວ່າ ເຈົ້າຂອງທີ່ດິນເປັນຜູ້ອະນຸ ຍາດໃຫ້ຜູ້ລົງທຶນທີ່ເປັນຄົນ ຈີນເຊົ່າທີ່ດິນໂດຍບໍ່ຜ່ານຂະແໜງການທີ່ກ່ຽວຂ້ອງຕາມລະບຽບຫລັກການ, ເວົ້າແຈ້ງ ເຈົ້າຂອງດິນກັບຜູ້ລົງທຶນເຊົ່າຫລືສຳປະທານພາກັນເຮັດໂດຍພາລະການແຕ່ເມື່ອມີບັນຫາບານປາຍ ຈຶ່ງອວ່າຍໜ້າ ໄປຫາເຈົ້າຂອງກົດໝາຍ ເພື່ອ ເຂົ້າມາດຳເນີນການແກ້ໄຂຊ່ວຍ. ນີ້ຄືເຫດ ແລະ ຜົນທີ່ ໄປທີ່ມາຂອງບັນຫາເລື່ອງ ສວນກ້ວຍ.

ໃນຕົ້ນເດືອນພຶດສະພາ ຜ່ານມາ, ທິດກ່ຳໄດ້ມີໂອກາດ ໄປແຖວເຂດເມືອງຄູນຄຳຕໍ່ ໃສ່ເຂດເມືອງຫີນບູນ ແຂວງ ຄຳມ່ວນລະຫວ່າງເລົ່າຄາ ຫາທ່ານາເຫັນເຂົາຖາກຖາງຫົວພູເປົ່າແປນຫລາຍຮ້ອຍ ເຮັກຕາກໍເລີຍສົນໃຈໄປຊອກຖາມຊາວບ້ານໃກ້ຄຽງວ່າ ເພິ່ນມີໂຄງການຫຍັງຄືມາ ຖາກຖາງປ່າດົງກວ້າງໃຫຍ່ຈົນແປນ ເອີດເຕີດແທ້? ປະຊາ ຊົນຢູ່ບ້ານ ໃກ້ຄຽງເຂົາກໍເລີຍເວົ້າສູ່ຟັງວ່າ ໄດ້ຍິນວ່າ ຈີນມາເຊົ່າເຮັດສວນກ້ວຍ ວ່າຊັ້ນ! ໃນມື້ນັ້ນເອງ, ບັງເອີນ ໄດ້ພົບກັບລູກຫລານທີ່ ເຂົາ ເຮັດວຽກຢູ່ຂະແໜງກະສິກຳ ປ່າໄມ້ເມືອງກໍເລີຍສວຍໂອກາດຖາມເຂົາກໍຕອບວ່າ ເທົ່າ ທີ່ເຂົາໄປສະ ເໜີແມ່ນຄົນ ຈີນມາເຊົ່າປູກຢາງພາລາກັບ ປູກຫຍ້າແຕ່ຈະເປັນຄວາມຈິງຫລືບໍ່? ນັ້ນພວກຫລານ ຍັງຕິດຕາມຢູ່, ແຕ່ວ່າຖ້າ ແມ່ນປູກກ້ວຍດ້ວຍການ ກະຕຸ້ນສານເຄມີກໍຈະໄດ້ສັ່ງໂຈະທັນທີ.

ສ່ວນເຈົ້າຂອງດິນແມ່ນ ເພິ່ນຢູ່ເມືອງຫີນບູນພຸ້ນເຂດ ດັ່ງກ່າວໄດ້ກວມລວມເອົາ ເນື້ອທີ່ແຖວນັ້ນເປັນ 300-400 ເຮັກຕານັບທັງ ໂຕຖາງ ແລ້ວ ແລະ ໂຕທີ່ບໍ່ທັນໄດ້ຖາງ.

- Tiger Head 728x90 - ບັນຫາ​ປູກ​ກ້ວຍ​ດ້ວຍ​ສານ​ເຄມີ​ຍັງ​ບໍ່​ສຸດ​ບໍ່​ສ້ຽງ
- 1 1 - ບັນຫາ​ປູກ​ກ້ວຍ​ດ້ວຍ​ສານ​ເຄມີ​ຍັງ​ບໍ່​ສຸດ​ບໍ່​ສ້ຽງ

ເວົ້າເລື່ອງບັນຫາການ ປູກກ້ວຍດ້ວຍການກະຕຸ້ນ ສານເຄມີຢ່າງຫລວງຫລາຍໃນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງ ຊາດທີ VIII ຄືໃນວັນທີ 7 ມິຖຸນາ ທີ່ຜ່ານມາ ທ່ານ ນາ ຍົກລັດຖະມົນຕີ ທອງລຸນ ສີສຸລິດ ກໍໄດ້ສະແດງຄວາມ ກັງວົນຕໍ່ກັບບັນຫາສານພິດ ທີ່ເກີດຈາກ ການປູກຝັງໂດຍ ສະເພາະແມ່ນການປູກກ້ວຍທີ່ປະຊາຊົນລາວບໍ່ກ້າກິນ ກ້ວຍພິດທີ່ເກີດຈາກການປູກ ຝັງໂດຍສະເພາະແມ່ນການ ປູກກ້ວຍທີ່ປະຊາຊົນລາວ ບໍ່ກ້າກິນກ້ວຍທີ່ໄດ້ປູກກັນ ຜ່ານມາເພາະວ່າ  ເຫັນສານ ເຄມີພ້ອມທັງສະເໜີໃຫ້ພາກສ່ວນທີ່ກ່ຽວຂ້ອງຕ້ອງໄດ້ ເອົາໃຈໃສ່ເລື່ອງຂອງການ ຈຳກັດການນຳເຂົ້າສານເຄມີທີ່ເປັນອັນຕະລາຍໃນຂະ ແໜງການກະສິກຳ ແລະ ໃນ ຂັ້ນຕໍ່ໄປພວກເຮົາຈະຫັນ  ການປູກກ້ວຍມາເປັນແບບ ໄຮ້ສານພິດໄດ້ ຫລື ບໍ່? ນີ້ຄື ບັນຫາທີ່ຕັ້ງຂຶ້ນ ເຊິ່ງຢູ່ປະ ເທດເຮົາບໍ່ທັນມີໃຜ ກ້າເຮັດ ເປັນຕົວແບບຄືຢູ່ຕ່າງປະເທດເຂົາ.

ເຖິງຢ່າງໃດກໍດີ, ຕາມ ທິດກ່ຳ ວ່າພາຍໃຕ້ແນວທາງ ຂອງພັກ ແລະ ລັດຖະບານ ໂດຍສະເພາະໃນມະຕິ 10 ກໍ ໄດ້ເວົ້າແຈ້ງວ່າ ການຜະລິດ ກະສິກຳສະອາດປອດສານ ພິດແມ່ນໜຶ່ງໃນເປົ້າໝາຍ ບຸກທະລຸເພື່ອສົ່ງເສີມຄອບ ຄົວຜະລິດເປັນສິນຄ້າກາຍ ເປັນຕົວແບບຢ່າງກວ້າງ ຂວາງແຕ່ຂອດ ສຳຄັນນັ້ນ ການເວົ້າມັນງ່າຍການເຮັດ ຕົວຈິງ ມັນຍາກຍ້ອນຂາດ ປັດໄຈ ແລະ ຄວາມພ້ອມ ຫລາຍຢ່າງ./.

- 99 - ບັນຫາ​ປູກ​ກ້ວຍ​ດ້ວຍ​ສານ​ເຄມີ​ຍັງ​ບໍ່​ສຸດ​ບໍ່​ສ້ຽງ