ລັດ​ເຊຍ​ກຽມ​ເສີມ​ກຳລັງ​ທະຫານ​ເຂົ້າ​ໄປ​ໃນ ຊີ​ເຮ​ຍ

- advert banner 728 90 728x90 - ລັດ​ເຊຍ​ກຽມ​ເສີມ​ກຳລັງ​ທະຫານ​ເຂົ້າ​ໄປ​ໃນ ຊີ​ເຮ​ຍ

ລັດຖະມົນຕີກະຊວງ ການຕ່າງປະເທດ ລັດເຊຍ Sergey  Lavrov, ໄດ້ປະ ກາດກັບ ນັກຂ່າວໜັງສືພິມ ໃນວັນທີ 10 ມິຖຸນາວ່າ: “ພວກກະບົດໄດ້ຍົວະຍຸຢ່າງ ເປັນລະບົບ ແລະ ບຸກໂຈມ ຕີທີ່ ຕັ້ງຂອງທະຫານລັດເຊຍ,  ເຂດຊຸມຊົນ ແລະ ຖານທີ່ໝັ້ນ ຂອງກອງທັບຂອງລັດເຊຍ ຢູ່ທີ Hmeymim ດ້ວຍການ ນຳໃຊ້ເຮືອບິນບໍ່ມີຄົນຂັບ   ແລະ ຍິງຈະຫລວດໃສ່ກອງ ທັບລັດເຊຍ. ທະຫານ ລັດເຊຍ ແລະ ກອງທັບຂອງ ຊີເຣຍ ບໍ່ສາມາດທີ່ຈະອົດກັ້ນໄດ້ທີ່ຈະບໍ່ຕອບໂຕ້ຢ່າງ ແຂງແຮງ”

- lattana 1 - ລັດ​ເຊຍ​ກຽມ​ເສີມ​ກຳລັງ​ທະຫານ​ເຂົ້າ​ໄປ​ໃນ ຊີ​ເຮ​ຍ

ກອງທັບອາກາດຂອງ ລັດເຊຍ ແລະ ຊີເຣຍ, ໃນ ເດືອນຜ່ານມານີ້ ໄດ້ເພີ່ມທະ   ວີໂຈມຕີບັນດາເປົ້າໝາຍຢູ່   Idlib ເພື່ອກະກຽມໃຫ້ແກ່ບັ້ນ ບຸກໂຈມຕີຂະໜາດໃຫຍ່ໃນ ຂົງເຂດດັ່ງກ່າວ. ອີງຕາມ Michael Mulroy, ຜູ້ຊ່ວຍ ລັດຖະມົນຕີກະຊວງປ້ອງກັນປະເທດສະຫະລັດອາເມລິກາ ໃນຂົງເຂດທະເລຈີນໃຕ້ໃຫ້   ຮູ້ວ່າ:  Idlib ເປັນສະຖານທີ່ “ເຕົ້າໂຮມໃຫ່ຍທີ່ສຸດ ຂອງພວກ al-Qaeda ຂອງໂລກ ປັດຈຸບັນ ”

ຄຳປະກາດດັ່ງກ່າວຂອງ Lavrov ຖືກເຜີຍແຜ່ອອກໄປ ໃນສອງສາມມື້ຜ່ານມານີ້, ພາຍຫຼັງພວກກະບົດດຳເນີນການໂຈມຕີຂະໜາດໃຫຍ່ເຂົ້າໃສ່ທີ່ຕັ້ງຂອງທະຫານລັດເຊຍ ແຫ່ງໜຶ່ງ ຢູ່ທາງພາກເໜືອ ຂອງແຂວງ Hama, ບ່ອນ ທີ່ກຳລັງຂອງ Moskva ແລະ Damascus ເຕົ້າໂຮມເພື່ອ ກະກຽມບຸກໂຈມຕີ ພວກ ກະບົດມຸດສະລີມຂວາຈັດ ຢູ່ Idlib.

ກອງທັບຂອງລັດເຊຍ ແລະ ຊີເຣຍ ໄດ້ຢຸດຕິການ ບຸກໂຈມຕີຂະໜາດໃຫ່ຍແຕ່ ເດືອນ ກັນຍາ 2018, ພາຍ ຫຼັງມີຂໍ້ຕົກລົງກັບ ຕວກກີ ເພື່ອສ້າງຕັ້ງເຂດປອດທະ ຫານຢູ່ Idlib ທີ່ຖືກພວກກະບົດ Hay’at Tahrir Al-Sham (HTS) ແລະ al-Qaeda ຄວບຄຸມຢູ່.

ເຖິງແມ່ນວ່າ, HTS ຈະຖອຍອອກຈາກ Idlib ຕາມການຕົກລົງກໍຕາມ ແຕ່ ພວກເຂົາກໍຍັງຢຶດເກາະສະ ຖານທີ່ແຫ່ງນີ້ໄວ້ຢູ່ ແລະ ມັກຈະປະຕິບັດການຍິງທະ ຫຼົ່ມໃສ່ທະຫານ ຊີເຣຍ ຢູ່ ເປັນປະຈຳ. ລັດຖະມົນຕີປ້ອງ ກັນປະເທດ ຂອງລັດເຊຍ ໃຫ້ ຮູ້ວ່າ: ພວກກະບົດຢູ່ Idlib, ໃນກາງເດືອນພຶດສະພາຜ່ານມານີ້  ໄດ້ຍິງລູກຈະຫລວດ 12 ລູກໃສ່ຖານທີ່ໝັ້ນຂອງກອງທັບອາກາດຂອງລັດເຊຍຢູ່ Hmeymim ແລະ ລູກຈະ ຫລວດຂອງພວກເຂົາລ້ວນ ແຕ່ຖືກສະກັດຢູ່ເທິງອາກາດທັງໝົດ.

ພາຍໃຕ້ການໜູນຫຼັງ ຂອງກອງທັບລັດເຊຍ, ກອງ ທັບຂອງ ຊີເຣຍ ໄດ້ເປີດບັ້ນ ບຸກໂຈມຕີໃສ່ພວກກະບົດ ຢູ່ທາງພາກໃຕ້ຂອງ Idlib  ແລະ ສາມາດຢຶດເອົາໝູ່ບ້ານ Qusabiya ກັບຄືນມາໄດ້.

- Tiger Head 728x90 - ລັດ​ເຊຍ​ກຽມ​ເສີມ​ກຳລັງ​ທະຫານ​ເຂົ້າ​ໄປ​ໃນ ຊີ​ເຮ​ຍ
- 1 1 - ລັດ​ເຊຍ​ກຽມ​ເສີມ​ກຳລັງ​ທະຫານ​ເຂົ້າ​ໄປ​ໃນ ຊີ​ເຮ​ຍ

ຮຽບຮຽງໂດຍ: ລູກເມືອງພວນ

- 347 - ລັດ​ເຊຍ​ກຽມ​ເສີມ​ກຳລັງ​ທະຫານ​ເຂົ້າ​ໄປ​ໃນ ຊີ​ເຮ​ຍ