ແວ່ນ​ແຍງ​ຈາກ​ການ​ນຳນັ້ນ ສ່ອງ​ແສງ​ໄກ ​ແລະ ​ໃສ​ແຈ້ງ​ກວ່າ

- advert banner 728 90 728x90 - ແວ່ນ​ແຍງ​ຈາກ​ການ​ນຳນັ້ນ ສ່ອງ​ແສງ​ໄກ ​ແລະ ​ໃສ​ແຈ້ງ​ກວ່າ

​ໂດຍ: ວິເສດ ສະແຫວງສຶກສາ

- lattana 1 - ແວ່ນ​ແຍງ​ຈາກ​ການ​ນຳນັ້ນ ສ່ອງ​ແສງ​ໄກ ​ແລະ ​ໃສ​ແຈ້ງ​ກວ່າ

  ຄໍ​ລຳ​ປະຈຳ​ວັນ​ນີ້​ມີ​ເລື່ອງ​ເດັດໆກ່ຽວ​ກັບ​ບົດບາດ​ການ​ເປັນ “​ແວ່ນ​ແຍງ” ຂອງ​ຜູ້ນຳ ​ແລະ ລັດຖະບານ​ໃນ​ຕ່າງ​ແດນ ​ແລະ ມາດ​ຕະການ​ປັບ​ໄໝ​ໃສ່​ໂທດ​ຕໍ່​ການລະ​ເມີດ​ລະບອບ​ເຮັດ​ວຽກຢູ່ ສ.​ເກົາ​ຫລີ.

​  ເລື່ອງ​ບົດບາດ​ການ​ “​ເປັນ​ແວ່ນ​ແຍງ” ຂອງ​ການ​ນຳ​ລະດັບ​ປະ​ເທດ​ນີ້ ​ທີ່​ຄວນ​ເບິ່ງ​ໄວ້​ເປັນ​ບົດຮຽນ​ນີ້​ມີ​ຢູ່ 2 ຕົວຢ່າງ​ທີ່​ເກີດ​ຂຶ້ນຢູ່​ປະ​ເທດ ​ເມັກ​ຊິກ (​ເມັກ​ຊິ​ໂກ) ​ແລະ ອາຣາບີຊາ​ອຸ​ດິດ.

  ຢູ່​ເມັກ​ຊິ​ໂກ, ທ່ານ ​ໂລ​ເປດ ​ໂອ​ບຣາດໍ ​ໄດ້​ຂຶ້ນຄອງ​ບັນລັງ​ປະທານາທິບໍດີ ເມັກຊິ​ໂກ ​ໃນ​ທ້າຍ​ປີ 2018 ປ່ຽນ​ແທນທ່ານ ​ເອັນຣິ​ເກ ​ເປ​ນາ ທີ່ຕົກ​ຕັ່ງ​ໄປ. ພໍ​ຮັບ​ຕຳ​ແໜ່​ງຜູ້ນຳ​ສູງ​ສຸດ​ຂອງ​ປະ​ເທດ​ໄດ້​ພຽງ 2 ວັນ ທ່ານ ​ໂລ​ເປດ ​ໂອບຣາດໍ ກໍ​ປະກາດປະມູນ​ຂາຍ​ເຄື່ອງ​ບິນ​ໂບອິງ 787-8 ປະຈຳ​ຕຳ​ແໜ່​ງປະທານາທິບໍດີ, ​ເຊິ່ງຊື້ມາ​ໃນ​ລາຄາ 218 ລ້ານ​ໂດ​ລາສະຫະລັດ​ເມື່ອ​ບໍ​ພໍ​ເທົ່າ​ໃດ​ປີຜ່ານມາ.

  ທ່ານປະທານາທິບໍດີຄົນ​ໃໝ່​ນີ້ ​ສັງຄົມ​ເມັກ​ຊິ​ໂກ​ເອີ້ນວ່າ “ຄົນ​ເດີ​ນດິນ” ຫລື ຄົນ​ຈາກ​ຮາກ​ຫຍ້າ. ຜ່ານ​ມາ, ທ່ານ​ໃຊ້​ລົດຟອກ​ສະ​ວາ​ເກັນ​ເຈັດ​ຕາ​ຄັນ​​ເກົ່າໆ ທຽວ​ການ ​ໃນ​ການ​ສັ່ງ​ຂາຍ​ເຄື່ອງ​ບິນ​ປະຈຳ​ຕຳ​ແໜ່​ງປະທານາທິບໍດີ​ຄັ້ງນີ້ ທ່ານ​ໂລ​ເປດ ​ໂອບຣາດໍ ບອກ​ວ່າທ່ານບໍ່​ເຫັນ​ມີ​ຄວາມ​ຈຳ​ເປັນ​ຕ້ອງ​ມີຍົນ​ພິ​ເສດ​ຮັບ​ໃຊ້​ຕໍ່​ໄປ ທ່ານ​ຈະ​ເດີນທາງ​ດ້ວຍ​​ເຄື່ອງ​ບິນ​ໂດຍສານ​ທົ່ວ​ໄປ.

  ພໍ​ເຫັນ​ທ່ານ​ປະທານາທິບໍດີ​ເຮັດ​ເປັນ​ຕົວຢ່າງ, ທ່ານ ກາກ​ໂລດ ອູ​ຊົວ ລັດຖະມົນຕີ​ການ​ເງິນ ​ກໍ​ອອກມາ​ປະກາດ​ວ່າ​ເຄື່ອງ​ບິນ​ປະ​ເພດ​ມີ​ປີກ​ຈຳນວນ 60 ລຳ ​ແລະ ​ເຮ​ຣີກົບ​ແຕ 70 ລຳ​ຂອງ​ລັດ​ຈະ​ປະມູນ​ຂາຍ​ເຊັ່ນ​ກັນ.

   ຢູ່​ປະ​ເທດອາຣບີ​ຊາອຸ​ດິດນັ້ນ, ​ເຈົ້າຊີວິດ​ໄດ້​ມີ​ຄຳ​ສັ່ງ​ໃຫ້ການ​ນຳ​ເປັນ​ແວ່ນ​ແຍ່ງ​ກ່ອນ​ໃນ​ການ​ປະຢັດຮັດ​ສາຍ​ແອວ​ຂອງ​ປະ​ເທດ ​ຍ້ອນ​ລາຍ​ຮັບ​ຈາກ​ການ​ຂາຍ​ນ້ຳມັນ​ຕົກ​ຕ່ຳ​ໃນ​ຕະຫລາດ​ໂລກ ເລື່ອງ​ນີ້​ເກີດ​ຂຶ້ນ​ແຕ່​ທ້າຍ​ປີ 2016 ພຸ້ນ.

ຄຳ​ສັ່ງ​ທີ່​ວ່າປັ້ນອອກ​ມາ​ໃນ​ຮູບ​ດຳລັດ​ຕັດ​ເງິນ​ເດືອນ​ບັນດາລັດຖະມົນຕີ​ລົງ 20%, ຫລຸດ​​ເງິນ​ອຸດ​ໜູນສະມາຊິກສະພາທີ່​ປຶກສາຊູຣາລົງ 15% (​ເຊັ່ນ​ເປັນຄ່າທີ່​ພັກ​ເຊົາ, ​ເຄື່ອງ​ເຮືອນ ​ແລະ ພາຫະນະ​ຮັບ​ໃຊ້) ຈາກບົດຮຽນ​ສອງ​ປະ​ເທດກ່າວ​ມາ​ຂ້າງ​ເທິງ​ນັ້ນ ບອກ​ວ່າ​ແວ່ນ​ແຍງຈາກ​ຜູ້ນຳ​ນັ້ນສ່ອງ​ແສງ​ໃສ​​ແຈ້ງ ​ແລະ ​ມີ​ພະລັງ​ແຮງ​ກວ່າ.

- Tiger Head 728x90 - ແວ່ນ​ແຍງ​ຈາກ​ການ​ນຳນັ້ນ ສ່ອງ​ແສງ​ໄກ ​ແລະ ​ໃສ​ແຈ້ງ​ກວ່າ
- 1 1 - ແວ່ນ​ແຍງ​ຈາກ​ການ​ນຳນັ້ນ ສ່ອງ​ແສງ​ໄກ ​ແລະ ​ໃສ​ແຈ້ງ​ກວ່າ

  ສຳລັບ​ມາດ​ຕະການຄຸ້ມ​ຄອງ​ລະບອບ​ເຮັດ​ວຽກ​ນັ້ນ ຄວນ​ເບິ່ງ​ບົດຮຽນ​ຂອງ ສ.​ເກົາຫລີ ທີ່​ມີ​ລະບຽບ​ເຫລັກ​ໃນ​ການ​ເອົາ​ຜິດ​ຜູ້​ລະ​ເມີດ, ລະບອບ​ເຮັດ​ວຽກ​ຂອງ ສ.​ເກົາຫລີນັ້ນ ກຳນົດ​ຊົ່ວ​ໂມງ​ເຮັດ​ວຽກ 52 ຊົ່ວ​ໂມງ​ຕໍ່​ອາທິດ ​ແລະ ​ແບ່​ງອອກ​ເປັນ 2 ພຸດຄື: ຊົ່ວ​ໂມງ​ເຮັດ​ວຽກ​ຢ່າງ​ເປັນ​ທາງ​ການ ຫລືຕາມ​ປົກກະຕິ​ນັ້ນ​ແມ່ນ 40 ຊົ່ວ​ໂມງ​ຕໍ່​ອາທິດ ​ແລະ ອີກ 12 ຊົ່ວ​ໂມງ​ແມ່ນ​ຊົ່ວ​ໂມງ​ເຮັດ​ວຽກ​ເພີ່ມ. ຂ່າວບອກ​ວ່າ​ລະບຽບ​ນີ້​ໃຊ້​ສະ​ເພາະ​ບັນດາ​ນາຍ​ຈ້າງ​ທີ່​ມີ​ແຮງ​ງານ​ຫລາຍ​ກວ່າ 300 ຄົນ.

  ສຳລັບ​ຜູ້​ລະ​ເມີດ​ນັ້ນ, ຄັ້ງທຳ​ອິດ​ຈະ​ຖືກ​ກ່າວ​ເຕືອນ, ​ຄັ້ງທີ 2 ຈະ​ຖືກ​ປັບ​ໄໝ​ເປັນ​ເງິນ​ສູງ​ສຸດ 20 ລ້ານ​ວອນ (​ເທົ່າ​ກັບ 17.650 ​ໂດ​ລາ​ສະຫະລັດ) ຫລື ຖືກ​ຈຳ​ຄຸກ​ສູງ​ສຸດ 2 ປີ. ສ່ວນ​ວິ​ສາ​ຫະກິດ​ພວມ​ຢູ່​ໃນ​ໄລຍະ​ປັບປຸງ​ລະບອບ​ເຮັດ​ວຽກ​ໃຫ້​ມີ​ຄວາມ​ຄອງ​ຕົວ​ນັ້ນ ຍັງ​ໄດ້​ຮັບ​ການ​ຍົກ​ເວັ້ນ​ເປັນ​ໄລຍະ​ໜຶ່ງ​ກ່ອນ.

  ລະບອບ​ເຮັດ​ວຽກ 52 ຊົ່ວ​ໂມງ​ຕໍ່​ອາທິດ​ໄດ້ປະກາດ​ໃຊ້​ມາ​ແຕ່​ເດືອນ​ກໍລະກົດ​ປີ 2018 ​ແຕ່​ຍ້ອນ​ມີ​ຄວາມ​ຈຳ​ເປັນ​ທີ່​ຕ້ອງ​ໃຫ້​ຄຳ​ແນະນຳ​ກ່ຽວ​ກັບ​ການ​ປະຕິບັດ​ຢ່າງ​ລະອຽດ ຈຶ່ງ​ຕ້ອງ​ໄດ້​​ແກ່ຍາວ​ມາ​ຕື່ມ 9 ​ເດືອນ ສ.​ເກົາຫລີ ມີ​ວິ​ສາ​ຫະກິດ ຈຳນວນ 3.600 ຫົວໜ່ວຍ​ທີ່​ມີ​ແຮງ​ງານ​ແຕ່ 300 ຄົນຂຶ້ນ​ໄປ.

- 55 1 - ແວ່ນ​ແຍງ​ຈາກ​ການ​ນຳນັ້ນ ສ່ອງ​ແສງ​ໄກ ​ແລະ ​ໃສ​ແຈ້ງ​ກວ່າ