ດື່ມນຳ້ປັ່ນຜັກຊານາລີ່ ຊ່ວຍຫລຸດບວມ, ຫລຸດພຸງ, ຫລຸດນຳ້ໜັກ

- advert banner 728 90 728x90 - ດື່ມນຳ້ປັ່ນຜັກຊານາລີ່ ຊ່ວຍຫລຸດບວມ, ຫລຸດພຸງ, ຫລຸດນຳ້ໜັກ
- 020406 2019 - ດື່ມນຳ້ປັ່ນຜັກຊານາລີ່ ຊ່ວຍຫລຸດບວມ, ຫລຸດພຸງ, ຫລຸດນຳ້ໜັກ

   ການດື່ມນຳ້ປັ່ນຜັກຊານາລີ່ຖືກເຜີຍແຜ່ໂດຍ ທ່ານ Anthony William  ຜູ້ຂຽນໜັງສືຂາຍດີ ‘Medical Medium: Secrets Behind Chronic & Mystery Illness and How to Finally Heal’ ລາວພະຍາຍາມແນະນຳໃຫ້ຄົນດື່ມນຳ້ປັ່ນຜັກຊານາລີ່ທຸກມື້ຕອນເຊົ້າ ເພື່ອປິ່ນປົວພະຍາດຊຳ້ເຮື້ອຕ່າງໆມາເປັນເວລາ 10 ປີ ເພາະໃນຜັກຊານາລີ່ມີ ‘Sodium Cluster’ ກຸ່ມເກືອທີ່ຊ່ວຍໄລ່ສິ່ງເສດເຫລືອ, ສານພິດ ແລະ ເຊື້ອພະຍາດອອກຈາກຕັບ ເພາະຫາກຕັບເປິເປື້ອນກໍຈະເປັນຕົ້ນເຫດຂອງພະຍາດຊຳ້ເຮື້ອຕ່າງໆ ດັ່ງນັ້ນ ຫາກຕັບຂອງເຮົາສະອາດ ກໍຈະຫ່າງໄກຈາກພະຍາດຊຳ້ເຮື້ອເຫລົ່ານັ້ນໄດ້.

- new3 - ດື່ມນຳ້ປັ່ນຜັກຊານາລີ່ ຊ່ວຍຫລຸດບວມ, ຫລຸດພຸງ, ຫລຸດນຳ້ໜັກ

     ນອກຈາກກຸ່ມເກືອ ‘Sodium Cluster’ ແລ້ວ ຜັກຊານາລີ່ຍັງມີວິຕາມິນ ແລະ ແຮ່ທາດຕ່າງໆຫລວງຫລາຍ ເຊັ່ນ : ວິຕາມິນອາ, ເບ 1, ເບ 3, ທາດເຫລັກ, ສານຕ້ານອະນຸ ມູນອິດສະລະ ເປັນຕົ້ນ ດ້ວຍປະໂຫຍດຈາກສານອາຫານເຫລົ່ານີ້ ຜັກຊານາລີ່ຈຶ່ງມີປະໂຫຍດຕໍ່ຮ່າງກາຍຫລວງຫລາຍ ດັ່ງນີ້ :

     – ຊ່ວຍເລື່ອງລະບົບຂັບຖ່າຍ.

     – ໂປຕັສຊຽມຊ່ວຍຫລຸດອາການບວມນຳ້  ແລະ ຫລຸດອາການຍື່ງທ້ອງ.

     – ຊ່ວຍຫລຸດນຳ້ໜັກໃນໄລຍະຍາວ.

     – ກຳຈັດຄໍເລສເຕີໂຣນຊະນິດບໍ່ດີ ຊ່ວຍຫລຸດລະດັບຄໍເລສເຕີໂຣນໃນຮ່າງກາຍ.

     – ໄຍອາຫານຈະຊ່ວຍຫລຸດການດູດຊຶມໄຂມັນ ແລະ ຄໍເລສເຕີໂຣນໃຫ້ອອກໄປຈາກຮ່າງກາຍ ແລະ ຊ່ວຍຫລຸດລະດັບນຳ້ຕານຊະນິດໄຕຣກລີເຊີໄຣ ແລະ ລະດັບໄຂມັນໃນເລືອດ.

     – ປິ່ນປົວສິວ ແລະ ພະຍາດຜິວໜັງ.

     – ຕ້ານຄວາມແກ່ຊະລາກ່ອນອາຍຸ, ຂັດຂວາງ ແລະ ປ້ອງກັນການເກີດພະຍາດມະເຮັງ.

     – ກ້ານ ແລະ ໃບຜັກຊານາລີ່ໄລ່ນຳ້ຍ່ຽວ, ຊ່ວຍເລັ່ງຂະບວນການກຳຈັດສິ່ງເສດເຫລືອອອກຈາກຮ່າງກາຍ.

     – ຊ່ວຍຫລຸດຄວາມດັນ ຫລື ປ້ອງກັນພະຍາດຄວາມດັນເລືອດສູງ, ເພີ່ມພູມຕ້ານທານ.

     – ຊ່ວຍເລັ່ງຂະບວນການກຳຈັດສິ່ງເສດເຫລືອອອກຈາກຮ່າງກາຍ.

     – ຊ່ວຍໃຫ້ຫລອດເລືອດຂະຫຍາຍໂຕຂຶ້ນ ເລືອດຈຶ່ງໄປຫລໍ່ລ້ຽງພາກສ່ວນຕ່າງໆໃນຮ່າງກາຍໄດ້ດີ ໂດຍສະເພາະຫົວໃຈ, ຫລຸດຄວາມສ່ຽງພະຍາດຫົວໃຈ ແລະ ອາການໄຕວາຍ.

- lattana 1 - ດື່ມນຳ້ປັ່ນຜັກຊານາລີ່ ຊ່ວຍຫລຸດບວມ, ຫລຸດພຸງ, ຫລຸດນຳ້ໜັກ

     – ຫລຸດຜ່ອນຄວາມເສື່ອມຂອງຈໍປະສາດຕາ, ຫລຸດຄວາມເສື່ອມຂອງແຊນໜ່ວຍຕາ.

     – ຊ່ວຍປ້ອງກັນໄຂ້ຫວັດ, ພູມແພ້, ເລືອດອອກຕາມເຟັນແຂ້ວ, ບຳລຸງຜິວໃຫ້ສົດໃສ.

     – ຊ່ວຍເສີມສ້າງໃຫ້ລະບົບພູມຕ້ານທານແຂງແຮງຍິ່ງຂຶ້ນ ຈຶ່ງສາມາດຕ້ານທານແບັກທີເຣຍ ແລະ ໄວຣັສໄດ້.

     – ສານເອພີຈີນິນ (Apigenin) ມີລິດໃນການຕ້ານການອັກເສບ ຈະຊ່ວຍໃຫ້ຮູ້ສຶກສະຫງົບ, ຜ່ອນຄາຍ, ຫລຸດຄວາມກັງວົນ ແລະ ຊ່ວຍໃຫ້ຫລັບສະໜິດ.

    ຄວນດື່ມນຳ້ປັ່ນຜັກຊານາລີ່ໂດຍປັ່ນສົດໆ ໂດຍບໍ່ປະສົມນຳ້ ຫລື ນຳ້ກ້ອນ ຫາກຢ້ານດື່ມບໍ່ໄດ້ໃນຊ່ວງທຳອິດສາມາດປະສົມໝາກໄມ້ຊະນິດອື່ນລົງໄປນຳໄດ້ ເຊັ່ນ : ໝາກແອັບເປິ້້ນ.

     ດື່ມໃນປະລິມານ 500 ມິນລີລິດເທົ່ານັ້ນ.

  ດື່ມທຸກເຊົ້າຫລັງຕື່ນນອນ ເຊິ່ງເປັນຊ່ວງທີ່ທ້ອງວ່າງທີ່ສຸດ.

     ຄວນດື່ມຕິດຕໍ່ກັນຢ່າງໜ້ອຍ 7 ມື້ ຈຶ່ງຈະເລີ່ມເຫັນຜົນ.

     – ຂໍ້ຄວນລະວັງໃນການກິນຜັກຊານາລີ່ :

     ການກິນຜັກຊານາລີ່ໃນປະລິມານຫລາຍເກີນໄປ ໃນເພດຊາຍອາດຈະເຮັດໃຫ້ເປັນໝັນໄດ້ ແລະ ຈະເຮັດໃຫ້ອະສຸຈິຫລຸດລົງເຖິງ 50%.

     ໃນບາງຄົນອາດເກີດອາການແພ້ ຈາກການສຳຜັດຕົ້ນຜັກຊານາລີ່ຈົນເຖິງຂັ້ນຮຸນແຮງໄດ້.

     ສານສະກັດຈາກຕົ້ນຜັກຊານາລີ່ ອາດຊ່ວຍເລັ່ງສີຜິວໃຫ້ປ່ຽນເປັນສີນຳ້ຕານຫລາຍຂຶ້ນ.

error: Content is protected !!