ວິທີຊ່ວຍໃຫ້ທ່ານປ່ອຍວາງຄວາມເຄັ່ງຄຽດກ່ອນເຂົ້ານອນ

- advert banner 728 90 728x90 - ວິທີຊ່ວຍໃຫ້ທ່ານປ່ອຍວາງຄວາມເຄັ່ງຄຽດກ່ອນເຂົ້ານອນ

    ແຕ່ລະມື້ຄົນເຮົາກໍລ້ວນມີໜ້າທີ່ວຽກງານ, ຄວາມຮັບຜິດຊອບຫລາຍຢ່າງທີ່ຕ້ອງເຮັດ ສົ່ງຜົນໃຫ້ເຄັ່ງຄຽດໄດ້ງ່າຍ ທັງຮ່າງກາຍ ແລະ ຈິດໃຈ ບາງເທື່ຮຸນແຮງຈົນສົ່ງຜົນໃຫ້ມີອາການອ່ອນເພຍ, ເຈັບຫົວ ຈົນເຖິງຂັ້ນນອນບໍ່ຫລັບ ເຮັດໃຫ້ຮ່າງກາຍຂາດການພັກຜ່ອນທີ່ພຽງພໍ ເຮັດໃຫ້ຮ່າງກາຍອ່ອນແອລົງນຳ. ຫາກຕົ້ນເຫດເກີດຈາກຄວາມເຄັ່ງຄຽດແລ້ວ ຈຶ່ງນອນບໍ່ຫລັບ ຈະດີບໍ່ຫາກເຮົາສາມາດຫາຫົນທາງປ່ອຍວາງຄວາມເຄັ່ງຄຽດໃຫ້ໂຕເອງໄດ້ ເພື່ອສຸຂະພາບຂອງໂຕເຮົາເອງ ແລະ ຈິດໃຈທີ່ຜ່ອນຄາຍ ບໍ່ເຄັ່ງຄຽດກໍສົ່ງຜົນໃຫ້ການເຮັດວຽກຕ່າງໆມີປະສິດທິພາບຂຶ້ນນຳ.

- new3 - ວິທີຊ່ວຍໃຫ້ທ່ານປ່ອຍວາງຄວາມເຄັ່ງຄຽດກ່ອນເຂົ້ານອນ

     – ຫລີກເວັ້ນມືຖື : ເນື່ອງຈາກໂລກອອນລາຍນັ້ນເຕັມໄປດ້ວຍຂໍ້ມູນຕ່າງໆຫລວງຫລາຍ ລວມໄປເຖິງບັນຫາຕ່າງໆໃນຊີວິດຄົນອື່ນ ເຊັ່ນ :ຂ່າວຊ່າລື, ໂສກເສົ້າ, ຫົດຫູ່ຕ່າງໆ ຖ້າເຮົາເສບຂ່າວສານເຫລົ່ານີ້ ແລ້ວເກັບເອົາມາຫລາຍ, ຄິດນຳເລື່ອງເຫລົ່ານີ້ຫລາຍເກີນໄປກໍເປັນການທຳຮ້າຍໂຕເອງຢ່າງໜຶ່ງຄືກັນ ດັ່ງນັ້ນ ຫລຸດ ຫລື ຫລີກເວັ້ນການໃຊ້ໂທລະສັບມືຖືກ່ອນເຂົ້ານອນປະມານ 30 ນາທີຂຶ້ນໄປ ກໍຫລຸດຄວາມເຄັ່ງຄຽດລົງໄດ້.

     – ອາບນຳ້ອຸ່ນກ່ອນນອນ : ການອາບນຳ້ອຸ່ນເປັນການກະຕຸ້ນເລືອດລົມໃຫ້ໄຫລວຽນດີຂຶ້ນ, ຊ່ວຍໃຫ້ຮ່າງກາຍຜ່ອນຄາຍສະບາຍໂຕ ຈະເຮັດໃຫ້ນອນຫລັບໄດ້ງ່າຍຂຶ້ນນຳ.

     – ຫາສິ່ງຜ່ອນຄາຍເບິ່ງກ່ອນນອນ : ບໍ່ວ່າຈະເປັນຮູບເງົາມ່ວນໆທີ່ຍັງເບິ່ງບໍ່ຈົບ ຫລື ສາລະຄະດີຊີວິດສັດໜ້າຮັກໆ ຈະຊ່ວຍດຶງຄວາມສົນໃຈຂອງທ່ານຈາກເລື່ອງທີ່ທ່ານກຳລັງເຄັ່ງຄຽດອອກໄປໄດ້, ນັ່ງເບິ່ງຄລິບແມວໜ້າຮັກໆ ຫລື ທ່າທາງຕະຫລົກໆຂອງມັນ ເຜີໂຕໄປບໍ່ດົນທ່ານກໍຈະຫລັບຝັນດີ.

    – ຫລຸດງານລ້ຽງສັງສັນ ຫລື ກິດຈະກຳຍາມເດິກລົງ : ການດື່ມອານກໍຮໍຈະສົ່ງຜົນຮ້າຍຕໍ່ຮ່າງກາຍ ຫລື ການເຮັດກິດຈະກຳຍາມເດິກ ບໍ່ຫລັບບໍ່ນອນກໍສົ່ງຜົນຮ້າຍກັບຮ່າງກາຍຄືກັນ ນອກຈາກຈະມີອາການເມົາຄ້າງຫລັງງານລ້ຽງສັງສັນມາໜັກໆ ການທີ່ທ່ານນອນເດິກກໍສົ່ງຜົນໃຫ້ໂມງຮ່າງກາຍເຮັດວຽກຜິດປົກກະຕິຄືກັນ, ຫລຸດ ຫລື ຢຸດການດື່ມເຄື່ອງດື່ມມຶນເມົາ ແລ້ວຫລຸດກິດຈະກຳສັງສັນໃຫ້ເຫລືອພຽງອາທິດລະເທື່ອ ແລະ ບໍ່ນອນເດິກເກີນ 23:00 ໂມງ ກໍຈະຊ່ວຍໃຫ້ຮ່າງກາຍຂອງທ່ານປັບໂຕໄດ້ໄວ ແລະ ຫລຸດຄວາມເຄັ່ງຄຽດໃຫ້ກັບຮ່າງກາຍ ເຊິ່ງສົ່ງຜົນໃຫ້ຈິດໃຈເຄັ່ງຄຽດຫລຸດລົງໄດ້ອີກທາງໜຶ່ງ.

     – ດື່ມນົມອຸ່ນໆຈັກຈອກກ່ອນນອນ : ກຳລັງຈະນອນແລ້ວທ້ອງຮ້ອງ ນອນບໍ່ຫລັບ ບໍ່ຄວນກິນອາຫານຄາບໃຫຍ່ ເພາະຈະເຮັດໃຫ້ຕຸ້ຍໄດ້, ປ່ຽນເປັນດື່ມນົມອຸ່ນໆ ຈະເປັນນົມຈືດ ຫລື ນົມພ່ອງມັນເນີຍ ຫລື ນົມຖົ່ວເຫລືອງກໍດີ ນອກຈາກຈະແກ້ຫິວເບົາໆ ຍັງຊ່ວຍໃຫ້ຫລັບສະບາຍຂຶ້ນນຳ.

- lattana 1 - ວິທີຊ່ວຍໃຫ້ທ່ານປ່ອຍວາງຄວາມເຄັ່ງຄຽດກ່ອນເຂົ້ານອນ

     – ປ່ອຍໂຕ ຍາມຢູ່ຄົນດຽວແດ່ : ຈິງຈັງຢູ່ຕະຫລອດເວລາກໍເຮັດໃຫ້ຮ່າງກາຍເຄັ່ງຄຽດໄດ້ ເມື່ອຢູ່ຄົນດຽວຈະເປີດເພງຟັງເບົາໆ ພ້ອມກັບເຕັ້ນໄປຕາມຈັງຫວະເພງແດ່ມັນກໍບໍ່ເສຍຫາຍຫຍັງ ຫລື ຮ້ອງເພງຕາມເພງທີ່ຟັງເປັນຄາລາໂອເກະສ່ວນໂຕກໍດີຄືກັນ ພຽງແຕ່ຈິດໃຈມ່ວນ ຮ່າງກາຍກໍເຊົາເຄັ່ງຄຽດ ຄືນນັ້ນທ່ານອາດຈະຫລັບແຈບດີຢ່າງບໍ່ໜ້າເຊື່ອ.

     – ບໍ່ເອົາວຽກເຂົ້າມາເຮັດໃນຫ້ອງນອນ : ປ່ອຍໃຫ້ເວລາໃນຫ້ອງນອນເປັນເວລາຂອງການນອນຫລັບພັກຜ່ອນເທົ່ານັ້ນ ບໍ່ຄວນມີສິ່ງທີ່ຈະເຮັດໃຫ້ເຄັ່ງຄຽດເຂົ້າໄປນຳ.

     – ສ້າງບັນຍາກາດໃນຫ້ອງນອນໃຫ້ເປັນຕາຫລັບສະບາຍ ໂດຍກິ່ນຫອມອະໂຣມ່າອ່ອນໆ ຈະຊ່ວຍໃຫ້ຜ່ອນຄາຍ ແລະ ຫລັບສະບາຍຍິ່ງຂຶ້ນ.

     – ບໍ່ຄວນມີແສງໄຟແຈ້ງໆໃນຫ້ອງນອນ ເພາະຈະລົບກວນການນອນໄດ້. ຄວນປ່ຽນມາເປັນແສງທຽນ ຈະຊ່ວຍໃຫ້ຜ່ອນຄາຍ ເຂົ້າສູູ່ບັນຍາກາດທີ່ຫລັບສະບາຍໄດ້ງ່າຍກ່ວາຫ້ອງທີ່ເປີດໄຟແຈ້ງໆ.

error: Content is protected !!