ເຫດຜົນ​ຕົ້ນກຳ​ທີ່​ພາ​ໃຫ້​ໃບ​ຕາດິນ​ສັບສົນ

- advert banner 728 90 728x90 - ເຫດຜົນ​ຕົ້ນກຳ​ທີ່​ພາ​ໃຫ້​ໃບ​ຕາດິນ​ສັບສົນ

​ໂດຍ: ທິດ​ກ່ຳ

- new3 - ເຫດຜົນ​ຕົ້ນກຳ​ທີ່​ພາ​ໃຫ້​ໃບ​ຕາດິນ​ສັບສົນ

ກອງປະຊຸມສະໄໝສາ ມັນເທື່ອທີ 7 ຂອງສະພາແຫ່ງ ຊາດຊຸດທີ VIII ທີ່ພວມດຳ ເນີນຢູ່ໃນຂະນະນີ້, ທ່ານ ສົມມາດ ພົນເສນາ ລັດຖະມົນ ຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຊີ້ແຈງບັນຫາການອອກ ໃບຕາດິນຊ້ຳຊ້ອນທີ່ເປັນສະ ພາບຊ້ຳເຮື້ອແກ່ຍາວ ແລະ ແກ້ໄດ້ຍາກໃນຫລາຍປີຜ່ານມາແມ່ນຍ້ອນການແຈ້ງຕົວະ ວ່າໃບຕາດິນເສຍ.

ອັນເນື່ອງມາຈາກ ເຈົ້າ ຂອງສິດນຳໃຊ້ທີ່ດິນໄດ້ເອົາ ໃບຕາດິນໄປຄ້ຳປະກັນເພື່ອ ກູ້ຢືມເງິນນຳບຸກຄົນໂດຍບໍ່ ຜ່ານການຈົດລະບຽບທີ່ດິນ. ຊ້ຳບໍ່ໜຳຍັງໄດ້ສົມຮູ້ຮ່ວມຄິດກັບເຈົ້າໜ້າທີ່ທີ່ດິນໄປແຈ້ງ ຕົວະວ່າໃບຕາດິນເສຍຫາຍ ແລ້ວໄປສະເໜີຫາພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ຂໍສຳ ເນົາໃບຕາດິນຄືນ. ຈາກນັ້ນ, ພະແນກດັ່ງກ່າວໄດ້ສະເໜີ ໃຫ້ສານຕັດສິນ, ຫລັງຈາກ ສານຕັດສິນແລ້ວ ກໍໄດ້ອອກ ໃບຕາດິນໃໝ່ໃຫ້ແຕ່ໃນຕົວ ຈິງແລ້ວໃບຕາດິນສະບັບ ເດີມຍັງຢູ່ນຳເຈົ້າໜີ້ເສີຍ, ເມື່ອໄດ້ໃບຕາດິນໃໝ່ອ່ຽມ ມາແລ້ວພັດໄປຄ້ຳປະກັນ ທະນາຄານອີກ ແລະ ຍັງມີ ກໍລະນີອື່ນໆ ທີ່ພົວພັນເຊື່ອມ ໂຍງສັບສົນ, ສະຫລັບສັບຊ້ອນ ຫຍຸ້ງເຫຍີງເກາະຫ້ອຍປານ ເຈັກແປະຂາຍລວດ.

ນີ້ລະຄືເຫດຜົນຕົ້ນກຳ ທີ່ສ້າງບັນຫາໃຫ້ໃບຕາດິນ ສັບສົນ ແລະ ຍັງບໍ່ທັນໄດ້ເວົ້າ ລາມໄປເຖິງຜູ້ມີດິນຫລາຍ, ດິນໜ້ອຍ, ຜູ້ບໍ່ມີດິນຢູ່ກໍບໍ່ ອຶດບໍ່ຢາກ, ຜູ້ມີຫລາຍກໍເປັນ ສິບເປັນຊາວຕອນ ແລະ ເປັນ ໝື່ນເປັນແສນເຮັກຕາ, ບາງ ບ້ານລັດມອບດິນໃຫ້ຄຸ້ມ ຄອງສຸດທ້າຍນາຍບ້ານກໍ ລັກເອົາໄປຂາຍ, ພະນັກງານ ລັດບາງຄົນລັດມອບດິນ ໃຫ້ໄດ້ຕອນໜຶ່ງແລ້ວກໍສວຍ ໂອກາດເອົາໄປຂາຍແລ້ວ ກໍໄປຂໍເອົາດິນຕອນໃໝ່, ໄດ້ ຕອນໜຶ່ງແລ້ວພັດຍັງຕອນ ສອງ, ຕອນສາມ, ຕອນສີ່ໄດ້ ໄປເລື້ອຍໆຈົນວ່າໄປເມືອງ ໃດແຂວງໃດກໍມີແຕ່ດິນເພິ່ນ, ມີການສ້າງສາພັດທະນາ ຢູ່ບ່ອນໃດ, ສ້າງຖະໜົນຫົນ ທາງຢູ່ບ່ອນໃດ ຖ້າໄປຕຳເອົາ ດິນເພິ່ນກໍຈຳເປັນຕ້ອງໄດ້ເວັ້ນ ເພາະເພິ່ນບໍ່ຍອມສະຫລະ    ໃຫ້ ຖ້າບໍ່ເວັ້ນ ອີ່ຫລີພັດຖືກ ຖາມວ່າມຶງແມ່ນລູກໃຜ? ອັນໃດກູກໍມີ, ຈຳເປັນໄດ້ເຈີດ ຊ້າຍເຈີດຂວາໂງງ້ຽວປານ ງູລອຍ.

ສະເພາະດິນຕອນ ດຽວ ມີໃບຕາດິນຫລາຍໃບ, ຜູ້ມີ ດິນຫລາຍຕອນ ຍັງບໍ່ທັນມີໃບ ຕາດິນ, ບໍ່ໄດ້ເສຍພາສີທີ່ດິນ ສຸດທ້າຍລາຍຮັບຈາກການ ນຳໃຊ້, ການເຊົ່າ, ການສຳປະ ທານກໍເປີະ ປະຊຸມກັນຍາມ ໃດກໍວ່າຍັງແກ້ໄຂບໍ່ທັນຕົກ, ຍັງພໍໄຄແດ່ແຕ່ວ່າຈາກມື້ ນັ້ນມາຮອດມື້ນີ້ສາມາດຂຶ້ນ ສຳມະໂນທີ່ດິນໄດ້ແລ້ວ 3 ລ້ານກວ່າຕອນ ແລະ ເຮັດ ໃບຕາດິນໄປແລ້ວ 1,2 ລ້ານ ກວ່າຕອນ, ແຂວງທີ່ມີຄວາມ ສັບ ສົນກວ່າໝູ່ແມ່ນແຂວງ ສະຫວັນນະເຂດ ຕໍ່ມາກໍແມ່ນ ນະຄອນຫລວງວຽງຈັນ.

- lattana 1 - ເຫດຜົນ​ຕົ້ນກຳ​ທີ່​ພາ​ໃຫ້​ໃບ​ຕາດິນ​ສັບສົນ

ສ່ວນວ່າປັດໄຈ ແລະ ສາ ເຫດທີ່ພາໃຫ້ໃບຕາດິນຊ້ຳ ຊ້ອນຫຍຸ້ງເຫຍີງນັ້ນ ກໍມີເຖິງ 7 ສາເຫດ, ເຊິ່ງໜຶ່ງໃນເຈັດນີ້ ກໍແມ່ນກະໂຕເຈົ້າພະນັກ  ງານທີ່ມີໜ້າທີ່ຮັບຜິດຊອບ ໂດຍກົງບໍ່ທັນສັດຊື່ຕໍ່ໜ້າທີ່, ຊ້ຳບໍ່ໜຳຍັງສວຍໂອກາດ ພາໝູ່ເຮັດ, ເຮົາເຫັນວ່າພວກ ນີ້ຄວນເອົາໄປຂຶ້ນສານໄຄ ຟົງຕັດສິນດ້ວຍດາບຫົວມັງກອນ.   ກ່ຽວກັບບຸກຄົນທີ່ມີເຈດຕະນາຕົ້ມຕຸນເຮັດ ໃບຕາດິນປອມຊ້ຳຊ້ອນ ກໍ ຕ້ອງໄດ້ປັບໄໝໃສໂທດຢຶດ ດິນມາເປັນຂອງລັດເພາະພວກນີ້ລະເປັນຕົວການປັ່ນປວນທຳລາຍຄວາມບໍ່ສະຫງົບທັງກົດໜ່ວງບາດກ້າວ ເດີນຂອງຊາດ.

ເຖິງຢ່າງໃດກໍດີ, ຕາມເຮົາວ່າພາຍໃຕ້ແນວທາງ ການປາບປາມການສໍ້ລາດ ບັງຫລວງທີ່ພວມດຳເນີນ ຢ່າງເຄັ່ງຮ້ອນ ໄປພ້ອມກັບ ການຫັນເອົາທີ່ດິນສູ່ກົນໄກ ທັນສະໄໝ ໃນອະນາຄົດບັນ ຫາການຄຸ້ມຄອງທີ່ດິນຈະ ເປັນໄປຕາມກົດໝາຍຢ່າງ ເຄັ່ງຄັດ, ອັນສຳຄັນທີ່ສຸດການເກັບຄ່າພາສີທີ່ດິນ, ຄ່າເຊົ່າ ແລະ ຄ່າສຳປະທານ ທີ່ດິນກໍຈະໄດ້ເປັນກອບເປັນກຳຢ່າງມະຫາສານມາໃຫ້ປະເທດຊາດຮັ່ງມີຄືບ້ານເພິ່ນ./.

- 2235 1 - ເຫດຜົນ​ຕົ້ນກຳ​ທີ່​ພາ​ໃຫ້​ໃບ​ຕາດິນ​ສັບສົນ
error: Content is protected !!