ແຜ່ນດິນໄຫວ ຫຼື ແມ່ນການທົດລອງນິວເຄຼຍ?

- advert banner 728 90 728x90 - ແຜ່ນດິນໄຫວ ຫຼື ແມ່ນການທົດລອງນິວເຄຼຍ?

ຮຽບຮຽງໂດຍ: ລູກເມືອງພວນ

- lattana 1 - ແຜ່ນດິນໄຫວ ຫຼື ແມ່ນການທົດລອງນິວເຄຼຍ?

ແຜ່ນດິນໄຫວເກີດຂຶ້ນຢູ່ໃກ້ກັບຊາຍແດນຈີນ-ສປປ ເກົາຫຼີ, ມີຄວາມແຮງແທກໄດ້ 1,3 ຣິກເຕີ. ບັນດາຊ່ຽວຊານໃຫ້ຮູ້ວ່າ: ນີ້ບໍ່ແມ່ນການລົດລອງອາວຸດນິວເຄຼຍຂອງ ສປປ ເກົາຫຼີ.

ແຜ່ນດິນໄຫວ ຄວາມແຮງແທກໄດ້ 1,3 ຣິກເຕີ, ເກີດຂຶ້ນເວລາ 19ມ38ນາທີ ຂອງວັນທີ 18 ມິຖຸນານີ້, ຢູ່ທີ່ ເມືອງ ໂຮນຊວັນ ແຂວງກາດເລິມ ທິດຕາເວັນອອກສ່ຽງເໜືອ ຂອງຈີນ ຕິດກັບຊາຍແດນຂອງ ສປປ ເກົາຫຼີ. ອົງການທໍລະນີວິທະຍາແຜ່ນດິນໄຫວຂອງຈີນໃຫ້ຮູ້ວ່າ: ການສັ່ນສະເທືອນແມ່ນເກີດຂຶ້ນຢູ່ເທິງໜ້າດິນ ແຕ່ບໍ່ທັນຮູ້ຈະແຈ້ງວ່າແມ່ນຍ້ອນສາເຫດຫຍັງ, ແຕ່ສົງໄສວ່າອາດແມ່ນຍ້ອນມີການລະເບີດຂະໜາດໃຫ່ຍ.

ການລົດລອງອາວຸດນິວເຄຼຍຂອງ ສປປ ເກົາຫຼີ ເຄີຍເຮັດໃຫ້ແຜ່ນດິນຈີນທີ່ຢູ່ໃກ້ຄຽງກັບຊາຍແດນຂອງ ສປປ ເກົາຫຼີນັ້ນ ໄຫວມາແລ້ວ. ແຕ່ເຫດການແຜ່ນດິນໄຫວຄັ້ງນີ້ແມ່ນເກີດຂຶ້ນຫ່າງຈາກສະໝາມລົດລອງອາວຸດນິວເຄຼຍ Punggye-ri ຂອງ ສປປ ເກົາຫຼີ 200 ກມ. ບັນດານັກຊ່ຽວຊານໃຫ້ຮູ້ວ່າ: ອາດຈະມີຫຼາຍສາເຫດທີ່ພາໃຫ້ເກີດແຜ່ນດິນໄຫວ, ແຕ່ໃນເທື່ອນີ້ບໍ່ແມ່ນການລົດລອງອາວຸດນິວເຄຼຍຂອງ ສປປ ເກົາຫຼີ ແນ່ນອນ.

ສາດສະດາຈານ ຄົ້ນຄ້ວາດ້ານຄວາມໝັ້ນຄົງຂອງ Vipin Narang ທີ່ຂຶ້ນກັບສະຖາບັນເທັກໂນໂລຢີ Massachusetts ຂອງສະຫະລັດອາເມລິກາ ຂຽນລົງໃນ ທະວິດເຕີວ່າ:  “ ພວກທ່ານຢ່າຟ້າວກັງວົນ, ການລະເບີດຫີນຂຸດຄົ້ນແຮ່ທາດ ກໍສາມາດເຮັດໃຫ້ແຜ່ນດິນໄຫວໄດ້ ” . ເຈົ້າໜ້າທີ່ອຸຕຸນິຍົມຂອງ ສ ເກົາຫຼີ ໃຫ້ຮູ້ວ່າ: ບໍ່ໄດ້ມີສັນຍານພິເສດໃດໆ ໃນຄື່ນທະເລປົກະຕິ.

- 1 1 - ແຜ່ນດິນໄຫວ ຫຼື ແມ່ນການທົດລອງນິວເຄຼຍ?
- Tiger Head 728x90 - ແຜ່ນດິນໄຫວ ຫຼື ແມ່ນການທົດລອງນິວເຄຼຍ?

ໃນລະຫ່ວາງເດືອນກັນຍາ ປີ 2017 ຜ່ານມານີ້, ການລົດລອງອາວຸດນິວເຄຼຍຂອງ ສປປ ເກົາຫຼີ ຢູ່ສະໝາມ Punggye-ri ນັ້ນ, ໄດ້ເຮັດໃຫ້ເກີດແຜ່ນດິນໄຫວ ມີລະດັບຄວາມແຮງເຖິງ 6,3 ຣິກເຕີ ໃນເຂດຕາເວັນອອກສ່ຽງເໜືອຂອງຈີນ. ກ່ອນໜ້ານີ້ສອງປີ, ປະຊາຊົນທີ່ຢູ່ແຂວງ ກາດເລິມ ຂອງຈີນ ທີ່ຕິດກັບຊາຍແດນຂອງ ສປປ ເກົາຫຼີ ກໍເຄີຍອົບພະຍົບໜີອອກຈາກຕຶກສູງມາແລ້ວ, ຍ້ອນມີແຜ່ນດິນໄຫວເກີດຂຶ້ນ ເນື່ອງມາຈາກການລົດລອງອາວຸດນິວເຄຼຍຂອງພຽງຢາງນັ້ນເອງ.

- 447 1 - ແຜ່ນດິນໄຫວ ຫຼື ແມ່ນການທົດລອງນິວເຄຼຍ?

error: Content is protected !!