ແຜ່ນດິນໄຫວ 6,8 ຣິກເຕີ ຢຸ່ຍີ່ປຸ່ນ,ເຕືອນໄພອາດມີຄື່ນສຶນາມິຕາມມາ

- advert banner 728 90 728x90 - ແຜ່ນດິນໄຫວ 6,8 ຣິກເຕີ ຢຸ່ຍີ່ປຸ່ນ,ເຕືອນໄພອາດມີຄື່ນສຶນາມິຕາມມາ

ຮຽບຮຽງໂດຍ: ລູກເມືອງພວນ

- lattana 1 - ແຜ່ນດິນໄຫວ 6,8 ຣິກເຕີ ຢຸ່ຍີ່ປຸ່ນ,ເຕືອນໄພອາດມີຄື່ນສຶນາມິຕາມມາ

ແຜ່ນດິນໄຫວເກີດຂຶ້ນຢູ່ຊາຍຝັ່ງ ທິດຕາເວັນຕົກສ່ຽງເໜືອຂອງຍີ່ປຸ່ນ, ອົງການອຸຕຸນິຍົມຍີ່ປຸ່ນ ເຕືອນໄພຄື່ນສຶນາມິຈະຕາມມາ.

ເຫດແຜ່ນດິນໄຫວເກີດຂຶ້ນຢູ່ກາງທະເລຫ່າງຈາກເກາະ Honshu 85ກມ ໄປທາງທິດຕາເວັນຕົກສ່ຽງເໜືອຂອງຍີ່ປຸ່ນ. ຈຸດໃຈກາງເກີດແຜ່ນດິນໄຫວຢູ່ເລິກໄປໃນພື້ນດິນ 5ກມ. ອີງຕາມຂໍ້ມູນຂອງອົງການອຸຕຸນິຍົມຂອງຍີ່ປຸ່ນໃຫ້ຮູ້ວ່າ: ແຜ່ນດິນໄຫວຄັ້ງນີ້ ມີຄວາມແຮງ 6,8 ຣິກເຕີ, ໃນຄະນະດຽວກັນອົງການທໍລະນີສາດຂອງສະຫະລັດອາເມລິກາໃຫ້ຮູ້ວ່າ ຄວາມແຮງຂອງມັນແທກໄດ້ພຽງແຕ່ 6,5 ຣິກເຕີເທົ່ານັ້ນ ແລະ ໄດ້ເຕືອນໄພໄປຍັງບັນດາແຂວງ Yamagata, Niigata ແລະ ຂົງເຂດ Noto ຂອງແຂວງ Ishikawa ວ່າ ອາດຈະມີຄື່ນສຶນາມິສູງ 0,2-1 ມ.

ເຈົ້າໜ້າທີ່ຮຽກຮ້ອງໃຫ້ບັນດາຜູ້ໃຫ້ບໍລິການເຮືອຄວາມໄວສູງຈົ່ງຢຸດການໃຫ້ບໍລິການໄວ້ກ່ອນ. ວິທະຍຸກະຈາຍສຽງ NHK ໃຫ້ຮູ້ວ່າ: ມີປະມານ 200 ຄົວເຮືອນບໍ່ມີກະແສໄຟຟ້າຊົມໃຊ້, ແຕ່ບໍ່ທັນເຫັນປະກົດການຜິດປົກະຕິໃດເກີດຂຶ້ນກັບໂຮງງານໄຟຟ້າປະລະມະນູທີ່ຢູ່ໃກ້ກັບຈຸດແຜ່ນດິນໄຫວແຕ່ຢ່າງໃດເລີຍ ແລະ ບໍ່ທັນໄດ້ຮັບການລາຍງານການເສຍຫາຍໃດໆ.

ຍີ່ປຸ່ນເປັນປະເທດທີ່ນອນຢູ່ໃນ “ແລວພູໄຟ” ຂອງມະຫາສະມຸດປາຊີຟິກ, ບ່ອນທີ່ເຄີຍເກີດແຜ່ນດິນໄຫວມາແລ້ວຫຼາຍຄັ້ງ. ໃນເດືອນມິຖຸນາປີກາຍ, ໄດ້ເກີດເຫດແຜ່ນດິນໄຫວຢູ່ເຂດ Osaka ເຮັດໃຫ້ 5 ຄົນເສຍຊີວິດ ແລະ ຫຼາຍກ່ວາ 350 ຄົນຖືກບາດເຈັບ. ຄື່ນສຶນາມິທີ່ຮ້າຍແຮງທີ່ສຸດທີ່ເກີດຂຶ້ນໃນຍີ່ປຸ່ນແມ່ນເກີດຂຶ້ນໃນເດືອນມີນາ ປີ 2011. ອັນໄດ້ສ້າງຄວາມເສຍຫາຍເປັນບໍລີເວນກ້ວາງ ແລະ ຄົນເສຍຊີວິດຫຼາຍພັນຄົນ.

- 1 1 - ແຜ່ນດິນໄຫວ 6,8 ຣິກເຕີ ຢຸ່ຍີ່ປຸ່ນ,ເຕືອນໄພອາດມີຄື່ນສຶນາມິຕາມມາ
- Tiger Head 728x90 - ແຜ່ນດິນໄຫວ 6,8 ຣິກເຕີ ຢຸ່ຍີ່ປຸ່ນ,ເຕືອນໄພອາດມີຄື່ນສຶນາມິຕາມມາ
- 39 1 - ແຜ່ນດິນໄຫວ 6,8 ຣິກເຕີ ຢຸ່ຍີ່ປຸ່ນ,ເຕືອນໄພອາດມີຄື່ນສຶນາມິຕາມມາ

error: Content is protected !!