ເລີ່ມໂຄງການກໍ່ສ້າງຂົວມິດຕະພາບລາວ-ໄທ ແຫ່ງທີ 5 ບໍລິຄຳໄຊ-ບຶງການ

- advert banner 728 90 728x90 - ເລີ່ມໂຄງການກໍ່ສ້າງຂົວມິດຕະພາບລາວ-ໄທ ແຫ່ງທີ 5 ບໍລິຄຳໄຊ-ບຶງການ

​ແຫ​ລ່ງຂ່າວ ຂປລ. ລາຍ​ງານ​ວ່າ: ພິທີລົງນາມບົດບັນທຶກ ໂຄງການກໍ່ສ້າງຂົວຂ້າມແມ່ນໍ້າຂອງແຫ່ງທີ 5 ລະຫວ່າງ ເມືອງປາກຊັນ ແຂວງບໍລິຄໍາໄຊ ສປປ ລາວ ແລະ ອຳເພີບຶງການ ຈັງຫວັດບຶງການ ຣາຊະອານາຈັກໄທ ໄດ້ມີຂຶ້ນ​ເມື່ອ​ບໍ່​ດົນ​ມານີ ຢູ່ຈັງຫວັດບຶງການ  ຝ່າຍ​ລາວ​ນຳ​ໂດຍ ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ແລະຝ່າຍ​ໄທ​ນຳ​ດ້ວຍ ທ່ານ ອາຄົມ ເຕີມພິດທະຍາສິດ ລັດຖະມົນຕີ ວ່າການກະຊວງຄົມມະນາຄົມ ແຫ່ງ ຣາຊະອານາຈັກໄທ, ມີ ທ່ານ ເຈົ້າແຂວງບໍລິຄໍາໄຊ ແລະ ຜູ້ວ່າລາຊະການ ຈັງຫວັດບຶງການ, ພ້ອມດ້ວຍພາກສ່ວນ​ກ່ຽວຂ້ອງ​ສອງຝ່າຍເຂົ້າຮ່ວມ.

- new3 - ເລີ່ມໂຄງການກໍ່ສ້າງຂົວມິດຕະພາບລາວ-ໄທ ແຫ່ງທີ 5 ບໍລິຄຳໄຊ-ບຶງການ

   ຂົວມິດຕະພາບແຫ່ງທີ 5 ນີ້, ແມ່ນຈະສ້າງເຊື່ອມຕໍ່ກັນ ລະຫວ່າງ ເຂດບ້ານກ້ວຍອຸດົມ ຫາ ບ້ານຫາງຊີງສະຫວ່າງ ເມືອງປາກຊັນ ແລະ ເຂດບ້ານຫ້ວຍ ເຊືອມອຳເພີບຶງການ ມີຄວາມຍາວ 1.300 ກວ່າແມັດ, ມີມູນຄ່າໃນການກໍ່ສ້າງທັງໝົດ 3.900 ລ້ານບາດ (ສະກຸນ​ເງິນ​​ໄທ) ແລະ ໃຊ້ເວລາ ການກໍ່ ສ້າງ 3 ປີ ​ໃຫ້​ສຳ​ເລັດ.

- lattana 1 - ເລີ່ມໂຄງການກໍ່ສ້າງຂົວມິດຕະພາບລາວ-ໄທ ແຫ່ງທີ 5 ບໍລິຄຳໄຊ-ບຶງການ

ຂົວມິດຕະພາບແຫ່ງນີ້, ຈະປະກອບສ່ວນ​ເສີມສ້າງສາຍສໍາພັນລະຫວ່າງລາວ-ໄທ​ໃຫ້​ແໜ້ນ​ແຟນຍິ່ງ​ຂຶ້ນ ເຮັດໃຫ້ການໄປມາຫາສູ່ກັນ ມີຄວາມສະດວກປອດໄພ, ພ້ອມທັງສ້າງເງື່ອນໄຂເຮັດໃຫ້ການຄ້າ-ການລົງທຶນ ແລະ ການທ່ອງທ່ຽວ ນັບມື້ມີການຂະຫຍາຍຕົວດີຂຶ້ນ ທັງຊຸກຍູ້ເສດຖະກິດໃຫ້ສອງຝັ່ງແມ່ນ້ຳຂອງ ມີການພັດທະນາ ແລະ ຈະເຮັດໃຫ້ຊີວິດການເປັນຢູ່ຂອງປະຊາຊົນສອງປະເທດ ກໍຄື ສອງແຂວງນັບມື້ດີຂຶ້ນ.

error: Content is protected !!