ໂຮງຮຽນ​ປະຖົມ​ຂອງ​ຈີນ ມີ​ຄູ​ໜຶ່ງ​ຄົນ​ຕໍ່​ນັກຮຽນ​ໜຶ່ງ​ຄົນ

- advert banner 728 90 728x90 - ໂຮງຮຽນ​ປະຖົມ​ຂອງ​ຈີນ ມີ​ຄູ​ໜຶ່ງ​ຄົນ​ຕໍ່​ນັກຮຽນ​ໜຶ່ງ​ຄົນ

​Chen Weiyu ອາຍຸ 9 ປີ, ເກີດໃນຄອບຄົວທຸກຍາກ, ດຳລົງຊີວິດຢູ່ເມືອງ Dabaidi, ແຂວງ Giang Tây ຂອງຈີນ. ພໍ່ແມ່ຂອງເຂົາໄດ້ອອກຈາກບ້ານເກີດເມືອງນອນໄປເພື່ອ ຊອກ ຫາວຽກເຮັດງານທຳ, ເຂົາປະລູກໄວ້ນຳ ພໍ່ປູ່ພຽງລຳພັງ.

- new3 - ໂຮງຮຽນ​ປະຖົມ​ຂອງ​ຈີນ ມີ​ຄູ​ໜຶ່ງ​ຄົນ​ຕໍ່​ນັກຮຽນ​ໜຶ່ງ​ຄົນ

ປີ 2018, ເດັກ Chen ໄດ້ໄປເຂົ້າໂຮງຮຽນຊັ້ນປະຖົມ ຂອງເມືອງ Dabaidi, ໄກຈາກເຮືອນ 20 ກມ. ພໍ່ປູ່ຂອງ ເຂົາ ຕ້ອງໄດ້ເອົາເຂົາຂຶ້ນລໍ້ ແລ້ວແກ່ເຂົາໄປໂຮງຮຽນແຕ່ລະວັນ. ຍ້ອນອາຍຸກະສຽນນັບມື້ສູງຂຶ້ນຈຶ່ງມີຄວາມຫຍຸ້ງຍາກໃນການສົ່ງຫຼານໄປໂຮງຮຽນ.

ເມື່ອເຫັນສະພາບດັ່ງກ່າວ, ອຳນາດການປົກຄອງທ້ອງ ຖິ່ນຈິ່ງໄດ້ຕັດສິນໃຈສ້າງໂຮງຮຽນປະຖົມ Sanhe ຂຶ້ນ ຢູ່ໃກ້ ກັບເຮືອນຂອງ Chen ແລະ ໄດ້ຈັດໃຫ້ Wang Beihai ອາຍຸ 46 ປີ ເປັນນາຍຄູສະເພາະໃຫ້ Chen.

ໂຮງຮຽນ Sanhe ຂອງບ້ານຕັ້ງຢູ່ຮ່ອມພູເລິກ, ໂອບ ອ້ອມໄປດ້ວຍພູຜາປ່າດົງ, ຫ້ວຍນໍ້າລຳເຊ. ນາຍຄູຂອງເຂົາ ກັບເດັກຄົນນັ້ນ ກິນຢູ່ກັບໂຮງຮຽນເລີຍແຕ່ວັນຈັນ ຈົນເຖິງ ວັນສຸກ.

ນາຍຄູ Beihai ເວົ້າວ່າ: “ Chen ສົມຄວນແລ້ວທີ່ຈະໄດ້ ຮັບການສືກສາຄືກັນກັບເດັກຄົນອື່ນໆ” , ນາຍຄູຄົນນີ້ເວົ້າ ຕໍ່ອີກວ່າ: ໂຮງຮຽນຫຼັງນີ້ ໄດ້ກາຍເປັນເຮືອນຫຼັງທີສອງ ຂອງພວກເຂົາ.

Chen ເລົ່າສູ່ຟັງວ່າ: ນາຍຄູ Beihai ໄດ້ຈັດຕາຕະລາງ ຮຽນໃຫ້ເຂົາໄດ້ຮຽນທຸກໆວິຊາຂອງຊັ້ນປະຖົມ. ພາຍຫຼັງເລີກຮຽນແລ້ວ, ພວກເຂົາມັກຈະຫຼິ້ນປິງປອງ, ຕີດອກປີກໄກ່ ແລະ ບານບ້ວງນຳກັນເປັນປະຈຳ. ເຖິງຍາມກິນນາຍຄູ Beihai ກໍເປັນຜູ້ແຕ່ງຢູ່ຄົວກິນໃຫ້ເຂົາ ແລະ ບົວລະບັດຜັດສີ ເຂົາຄືກັນ ກັບລູກຂອງຕົນເອງ.

- lattana 1 - ໂຮງຮຽນ​ປະຖົມ​ຂອງ​ຈີນ ມີ​ຄູ​ໜຶ່ງ​ຄົນ​ຕໍ່​ນັກຮຽນ​ໜຶ່ງ​ຄົນ

ເມື່ອຄ້າຍຄໍ່າລົງແລງມາເຖິງ, ພວກເຂົາກໍພາກັນໄປ ຍ່າງຫຼິ້ນຕາມພູຜາປ່າດົງ. ໃນຂະນະທີ່ຍ່າງໄປນຳກັນ ນັ້ນ, ນາຍຄູ Beihai ໄດ້ສອນໃຫ້ເຂົາຮູ້ກ່ຽວກັບທຳມະຊາດ ແລະ ວິທະຍາສາດທຳມະຊາດທີ່ກ່ຽວຂ້ອງ.

ອຳນາດການປົກຄອງເມືອງ Dabaidi ໄດ້ສ້າງໂຮງຮຽນ ຂຶ້ນຕື່ມອີກສອງຫຼັງ, ຈັດໃຫ້ມີຄູໜຶ່ງຄົນຕໍ່ນັກຮຽນໜຶ່ງ ຄົນຄືກັນກັບ ໂຮງຮຽນ Sanhe ຂອງ Beihai ແລະ Chen. ນອກຈາກນີ້, ອຳນາດການປົກຄອງຍັງໄດ້ຈ້າງເອົານາຍ ຄູມາສອນເພີ່ມເຕີມຕື່ມອີກ ເພື່ອຊ່ວຍນັກຮຽນເສຍອົງຄະ.

ຮຽບຮຽງໂດຍ: ລູກເມືອງພວນ

- 326 - ໂຮງຮຽນ​ປະຖົມ​ຂອງ​ຈີນ ມີ​ຄູ​ໜຶ່ງ​ຄົນ​ຕໍ່​ນັກຮຽນ​ໜຶ່ງ​ຄົນ
error: Content is protected !!