ອັນຕະລາຍຈາກການໃຊ້ໂທລະສັບຫລາຍເກີນໄປ

- advert banner 728 90 728x90 - ອັນຕະລາຍຈາກການໃຊ້ໂທລະສັບຫລາຍເກີນໄປ

  ໂທລະສັບເປັນສິ່ງທີ່ເຮົາຂາດບໍ່ໄດ້ ຫລາຍໆຄົນເຖິງຂັ້ນຍົກໃຫ້ເປັນອະໄວຍະວະທີ 33 ເພາະໂທລະສັບມີປະໂຫຍດຫລວງຫລາຍ ໂດຍສະເພາະສະມາດໂຟນທີ່ເຮັດໃຫ້ການຕິດຕໍ່ສື່ສານວຽກງານງ່າຍຂຶ້ນ, ຊີວິດສະດວກຂຶ້ນ, ເຮັດວຽກໄດ້ງ່າຍຂຶ້ນ, ການຫາຂໍ້ມູນກໍເຮັດໄດ້ບໍ່ຍາກ, ແຕ່ອັນໃດທີ່ຫລາຍເກີນໄປກໍມັກຈະບໍ່ດີ ການໃຊ້ໂທລະສັບເປັນເວລາດົນໆກໍຄືກັນ ເຊິ່ງອາດສົ່ງຜົນກະທົບທີ່ບໍ່ດີຕໍ່ສຸຂະພາບຂອງທ່ານໄດ້.

- lattana 1 - ອັນຕະລາຍຈາກການໃຊ້ໂທລະສັບຫລາຍເກີນໄປ

     – ເກີດຄວາມເຄັ່ງຄຽດ :ການໃຊ້ໂທລະສັບຫລາຍເກີນໄປອາດຈະກໍ່ໃຫ້ເກີດຄວາມເຄັ່ງຄຽດໂດຍບໍ່ຮູ້ໂຕ ເນື່ອງຈາກການສັ່ນແຈ້ງເຕືອນຂໍ້ຄວາມ ຫລື ໂທລະສັບ ເຮັດໃຫ້ທ່ານຕ້ອງຕອບກັບ ຫລື ຮັບຢູ່ຕະຫລອດເວລາ ທັງການຮັບຂ່າວສານທາງອິນເຕີເນັດ ກໍມີສ່ວນເຮັດໃຫ້ທ່ານເຄັ່ງຄຽດໄດ້ ຖ້າທ່ານເປັນຄົນທີ່ຄິດຫລາຍ.    

     – ສ່ຽງເກີດອາການປວດຊຳ້ເຮື້ອ ການໃຊ້ໂທລະສັບເປັນເວລາດົນໆອາດກໍ່ໃຫ້ເກີດອາການປວດຊຳ້ເຮື້ອໄດ້ ເຊັ່ນ : ອາການປວດຄໍ ເນື່ອງຈາກການກົ້ມຫລິ້ນໂທລະສັບດົນໆຫລື ນິ້ວລັອກ ເນື່ອງຈາກພິມ ຫລື ຫລິ້ນເກມຫລາຍ.

     – ສ່ຽງເກີດບັນຫາທາງດ້ານສາຍຕາ : ຫລາຍໆຄົນມັກຈະຫລິ້ນໂທລະສັບກ່ອນນອນ ເຊິ່ງກໍມັກຈະປິດໄຟ ແລະ ຄິດວ່າຈະຫລິ້ນບໍ່ດົນແລ້ວຈະນອນ, ແຕ່ເຜີໆກໍກິນເວລາໄປຫລາຍຊົ່ວໂມງ ເຊິ່ງການຫລິ້ນໂທລະສັບໃນບ່ອນມືດເປັນເວລາດົນໆສ່ຽງຕໍ່ການເກີດບັນຫາທາງດ້ານສາຍຕາ ຫລື ຮ້າຍແຮງກ່ວານັ້ນອາດຈະເຮັດໃຫ້ຕາບອດໄດ້.

- 1 1 - ອັນຕະລາຍຈາກການໃຊ້ໂທລະສັບຫລາຍເກີນໄປ
- Tiger Head 728x90 - ອັນຕະລາຍຈາກການໃຊ້ໂທລະສັບຫລາຍເກີນໄປ

     – ລົບກວນການນອນຫລັບ : ການຫລິ້ນເກມ, ເບິ່ງຮູບເງົາ ຫລື ແຊັດໃນຕອນກາງຄືນ ອາດເຮັດໃຫ້ທ່ານຕິດຈົນຮູ້ສຶກບໍ່ຢາກນອນ ເຊິ່ງເປັນການເພີ່ມຄວາມສ່ຽງໃນການເກີດພະຍາດ ຫລື ອາການນອນບໍ່ຫລັບ ແລະ ການນອນໜ້ອຍກໍເຮັດໃຫ້ຂາດສະມາທິ ເຊິ່ງສົ່ງຜົນກະທົບ ທັງໃນການຮຽນ ແລະ ການເຮັດວຽກ ຍິ່ງຖ້າທ່ານຕ້ອງຂັບລົດ ຫລື ປະກອບອາຊີບທີ່ຕ້ອງໄດ້ຂັບຂີ່ຍານ ພາຫະນະ ລວມໄປເຖິງເຮັດວຽກກັບເຄື່ອງກົນຈັກຕ່າງໆ ການນອນບໍ່ພໍ ຈະເພີ່ມອັດຕາສ່ຽງຕໍ່ການເກີດອຸປະຕິເຫດນຳ.

error: Content is protected !!