ສານເຄມີຕ້ອງຫ້າມ ຂ້າມຊາຍແດນບໍ່ໄດ້ແລ້ວ!

- advert banner 728 90 728x90 - ສານເຄມີຕ້ອງຫ້າມ ຂ້າມຊາຍແດນບໍ່ໄດ້ແລ້ວ!

ໂດຍ: ມຶກບໍ່ແຫ້ງ

- lattana 1 - ສານເຄມີຕ້ອງຫ້າມ ຂ້າມຊາຍແດນບໍ່ໄດ້ແລ້ວ!

ສານເຄມີຫຼາຍປະເພດໄດ້ນຳເຂົ້າມາລາວຢ່າງຫຼວງຫຼາຍ ແລະໃນນັ້ນ ລວມທັງສານເຄມີທີ່ຕ້ອງຫ້າມຫຼາຍປະເພດ ເພື່ອນຳໃຊ້ເຂົ້າໃນການຜະລິດ ທີ່ເປັນອັນຕະລາຍ, ມາບັດນີ້ ໃຜຫາກຍັງຝ່າຝືນ ຈະໄດ້ຢືນຢູ່ກົງແທ້ໆລະ.

ມີຫຼາຍເລື່ອງທີ່ເຮັດໃຫ້ປະຊາຊົນລາວເຮົາ ໃຫ້ຄວາມສົນໃຈ ໃນການດຳເນີນກອງປະຊຸມ ສະພາແຫ່ງຊາດ ສະໄໝສາມັນເທື່ອທີ 7​ ຂອງສະມາຊິກສະພາແຫ່ງຊາດຊຸດທີ 8, ນັບແຕ່ ການສໍ້ລາດບັງຫຼວງ ຈົນຮອດການສັບຊ້ອນພະນັກງານ ການນຳ ແລະໜຶ່ງໃນນັ້ນ ສິ່ງທີ່ປະຊາຊົນລາວ ໃຫ້ຄວາມສົນໃຈ ດ້ວຍຄວາມເປັນຫ່ວງກໍຄື ການນຳໃຊ້ສານເຄມີ ທີ່ຕ້ອງຫ້າມ.

“ຫາກມີການພົບເຫັນການນຳເຂົ້າ ສານເຄມີທີ່ຕ້ອງຫ້າມ ຢ່າງຜິດກົດໝາຍ ແມ່ນໃຫ້ຈັບໂລດ; ການຈັບກໍບໍ່ໝາຍຄວາມວ່າ ໄປຈັບຄົນເຂົ້າຄຸກໂລດ ແຕ່ໄປກັກເອົາສິນຄ້າໄວ້ ແລະ ສືບຫາວ່າ ໃຜອະນຸຍາດ ແລະ ມີໃຜມີສ່ວນຮ່ວມສົມຮູ້ຮ່ວມຄິດ ແລ້ວຈຶ່ງເວົ້າຕາມຂະບວນການກົດໝາຍ ແລະລະບຽບກົດໝາຍ” ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປລາວ ກ່າວໃນກອງ ປະຊຸມສະພາ ເມື່ອວັນທີ 11 ມິຖຸນາ 2019.

ເປັນສິ່ງຈະແຈ້ງວ່າ ໄລຍະຜ່ານມາ ແມ່ນມີການນຳເຂົ້າສານເຄມີ ທີ່ຕ້ອງຫ້າມໄດ້ຢ່າງງ່າຍດາຍ, ແນ່ນອນ ມັນຜິດກົດໝາຍ ຂອງ ສປປລາວ ແຕ່ກໍຫາກຍັງມີບາງກຸ່ມຄົນ ທີ່ສົມຮູ້ຮ່ວມຄິດ ເອົາສິ່ງທີ່ມີພິດນຳ ເຂົ້າມາ ແຜ່ນດິນລາວ ເພື່ອແລກກັບຜົນປະໂຫຍດເລັກນ້ອຍ ຈາກບັນດານັກລົງທຶນ ທີ່ໄຮ້ຄວາມຮັບຜິດຊອບ ແລະຂາດຈັນຍາບັນ.

ຈາກການສຶກສາ ຂອງໂຄງການ ບໍລິການ-ສົ່ງເສີມກະສິກຳຮອບດ້ານ ໃນຫົວຂໍ້ “ການນຳໃຊ້ຢາປາບສັດຕູພືດ:​ ຜົນກະທົບ ສຸຂະພາບ ແລະສິ່ງແວດລ້ອມ” (ມັງກອນ, 2018) ໄດ້ໃຫ້ຮູ້ວ່າ “ການປູກພືດເປັນສິນຄ້າໃນລາວ ໄດ້ເຮັດໃຫ້ການນຳໃຊ້ ຢາປາບສັດຕູພືດເພີ່ມຂຶ້ນຢ່າງຫຼວງຫຼາຍ”. ນອກນັ້ນ, ການສຶກສາດັ່ງກ່າວ ຍັງໃຫ້ຮູ້ວ່າ “ບັນດາ ພືດຜັກ ທີ່ຈຳໜ່າຍຢູ່ຕະຫຼາດ ແຂວງຊຽງຂວາງ ແລະ ນະຄອນຫຼວງວຽງຈັນນັ້ນ ແມ່ນມີສານເຄມີ ທີ່ອັນຕະລາຍ ຕໍ່ສຸຂະພາບຂອງຄົນຢ່າງແຜ່ຫຼາຍ” ແລະ ພວກເຮົາກໍໄດ້ຍິນຂ່າວການພົບສານເຄມີ ໃນອາຫານ ທີ່ຈຳໜ່າຍ ໃນທ້ອງຕະຫຼາດ ເກືອບວ່າທົ່ວປະເທດແລ້ວ, ເປັນເລື່ອງທີ່ໜ້າເປັນຫ່ວງຢ່າງຍິ່ງ.

- Tiger Head 728x90 - ສານເຄມີຕ້ອງຫ້າມ ຂ້າມຊາຍແດນບໍ່ໄດ້ແລ້ວ!
- 1 1 - ສານເຄມີຕ້ອງຫ້າມ ຂ້າມຊາຍແດນບໍ່ໄດ້ແລ້ວ!

ຍ້ອນຄວາມເຫັນແກ່ຜົນປະໂຫຍດສ່ວນຕົວ, ໂລພາ ແລະຂາດຈິດໃຈ ຄວາມເປັນມະນຸດ ທີ່ຄົນຈຳນວນຫຼວງຫຼາຍ ໄດ້ນຳໃຊ້ ສານເຄມີເພື່ອຜະລິດ ອາຫານ ສຳລັບໃຫ້ຄົນບໍລິໂພກພາຍໃນປະເທດ ແລະ ເພື່ອສົ່ງອອກ. ດ້ວຍເຫດຈູງໃຈທີ່ວ່າ ການນຳໃຊ້ສານເຄມີ ສາມາດເຮັດໃຫ້ ສາມາດຜະລິດໄດ້ໄວ, ຫຼາຍ, ບໍ່ຈຳເປັນອອກ ແຮງງານໜັກ ໃນການເສຍຫຍ້າ ແລະກຳຈັດສັດຕູພືດຕ່າງໆ.

ຈາກປະກົດການດັ່ງກ່າວນັ້ນ ບໍ່ສະເພາະແຕ່ຜູ້ທີ່ກິນອາຫານ ທີ່ເຈືອປົນຈາກສານເຄມີດັ່ງກ່າວ ແຕ່ຍັງລວມທັງຜູ້ນຳໃຊ້ສານເຄມີ ກໍມີຄວາມສ່ຽງສູງ ຕໍ່ສຸຂະພາບເຊັ່ນກັນ ເຊິ່ງພວກເຮົາ ສາມາດພົບເຫັນບັນດາ ຫຼັກຖານການເຈັບເປັນ ແລະ ເສຍຊີວິດຂອງປະຊາຊົນ ຍ້ອນສານເຄມີ ນັບມື້ນັບເພີ່ມຂຶ້ນ. ນອກນັ້ນ, ການນຳໃຊ້ສານເຄມີ ຍັງສົ່ງກະທົບຕໍ່ສະພາບແວດລ້ອມ ເປັນຕົ້ນ ດິນປູກຝັງ ແລະສາຍນໍ້າຕ່າງໆ ຂອງພວກເຮົາອີກ, ເມື່ອເປັນແນວນີ້ ພວກເຮົາຍັງຈະເມີນເສີຍໄດ້ຢູ່ບໍ່?​

ຜູ້ຂຽນຂໍສົ່ງທ້າຍ ດ້ວຍຄຳເຕືອນ ທີ່ມີມີຄວາມໝາຍ ແລະ ເຄັ່ງຮ້ອນ ຂອງ ທ່ານນາຍົກເຮົາ ທີ່ວ່າ “ຜິດແລ້ວ ມາຂໍອະນຸຍາດ ໃຫ້ເປັນຖືກ ແມ່ນບໍ່ໄດ້ເດັດຂາດ (ຜູ້ນຳເຂົ້າສານເຄມີທີ່ຕ້ອງຫ້າມ) ເພາະຈະເປັນຜິດໄພ ໃຫ້ແກ່ສິ່ງແວດລ້ອມ. ກົດໝາຍກໍໄດ້ກຳນົດ ຈະແຈ້ງຢາ ທີ່ໃຫ້ນຳເຂົ້າ ແລະ ຫ້າມນຳເຂົ້າ; ແລ້ວພາກສ່ວນກ່ຽວຂ້ອງ ຕ້ອງຈັດຕັ້ງປະຕິບັດຢ່າງເຂັ້ມງວດ. ບໍ່ຄວນເຮັດແບບ ບໍ່ມີຂື່ບໍ່ມີແປ ອີກຕໍ່ໄປ ເພາະເປັນການທຳລາຍສຸຂະພາບປະຊາຊົນລາວເຮົາແທ້ໆ ໃນໄລຍະຍາວ”.

error: Content is protected !!