ສະພາຮັບຮອງເອົາຮ່າງກົດໝາຍວ່າດ້ວຍ ທີ່ດິນ (ສະບັບປັບປຸງ)

- advert banner 728 90 728x90 - ສະພາຮັບຮອງເອົາຮ່າງກົດໝາຍວ່າດ້ວຍ ທີ່ດິນ (ສະບັບປັບປຸງ)

ຮ່າງກົດໝາຍວ່າດ້ວຍ ທີ່ດິນ ສະບັບປັບປຸງ ໄດ້ຖືກຮັບຮອງໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີVIII, ຄັ້ງວັນທີ 21 ມິຖຸນານີ້, ໂດຍການເປັນປະທານຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ. ພາຍຫຼັງທ່ານ ສົມມາດ ພົນເສນາ ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ສະເໜີຮ່າງກົດໝາຍວ່າດ້ວຍ ທີ່ດິນ ສະບັບປັບປຸງ ຕໍ່ກອງປະຊຸມວ່າ: ເນື້ອໃນຮ່າງກົດໝາຍວ່າດ້ວຍ ທີ່ດິນ ສະບັບຜ່ານການທາບທາມໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII ປະກອບມີ 15 ພາກ, 29 ໝວດ ແລະ 160 ມາດຕາ. ແຕ່ການປັບປຸງຄືນຄັ້ງນີ້ ປະກອບມີ 15 ພາກ, 29 ໝວດ ແລະ 190 ມາດຕາ, ໄດ້ເພີ່ມເຂົ້າໃໝ່ 36 ມາດຕາ, ປັບປຸງເນື້ອໃນຄືນໃໝ່ 47 ມາດຕາ ແລະ ຕັດອອກ 5 ມາດຕາ. ກົດໝາຍສະບັບນີ້ ໄດ້ກໍານົດຫຼັກການ, ລະບຽບການ ແລະ ມາດຕະການກ່ຽວກັບ ການຄຸ້ມຄອງ ແລະ ຕິດຕາມກວດກາວຽກງານທີ່ດິນ ເພື່ອໃຫ້ວຽກງານດັ່ງກ່າວມີປະສິດທິຜົນ ແນໃສ່ຮັບປະກັນການປົກປັກຮັກສາພັດທະນາ ແລະ ການນໍາໃຊ້ທີ່ດິນຖືກຕ້ອງຕາມກົດໝາຍ, ເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນ, ສັງຄົມມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຍຸຕິທໍາ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ ຕາມທິດຍືນຍົງ ແລະ ເຮັດໃຫ້ທີ່ດີມີມູນຄ່າເພີ່ມຂຶ້ນ ລວມທັງການປົກປັກຮັກສາສິ່ງແວດລ້ອມ ແລະ ເຂດນໍ້າແດນດິນຂອງລາວ.

- new3 - ສະພາຮັບຮອງເອົາຮ່າງກົດໝາຍວ່າດ້ວຍ ທີ່ດິນ (ສະບັບປັບປຸງ)

ແນວໃດກໍຕາມ, ກ່ອນຈະຮັບຮອງເອົາກົດໝາຍດັ່ງກ່າວກໍໄດ້ມີ ບັນດາ ສສຊ ຫຼາຍເຂດເລືອກຕັ້ງໄດ້ ປະກອບຄໍາຄິດຄໍາເຫັນໃສ່ຮ່າງກົດໝາຍທີ່ເຫັນວ່າຕ້ອງໄດ້ປັບປຸງບາງຈຸດ. ເປັນ​ຕົ້ນແມ່ນເນື້ອໃນກ່ຽວກັບການ​ຄຸ້ມ​ຄອງ​ການ​ນຳ​ໃຊ້​ທີ່​ດິນ, ການ​ກຳ​ນົດ​ເນື້ອ​ທີ່​ການ​ນຳ​ໃຊ້​ທີ່​ດິນ​ກະສິກຳ, ການ​ກຳນົດ​ຂອບ​ເຂດ​ຊິດ​ນຳ​ໃຊ້​ທີ່​ດິນ​ປຸກ​ສ້າງ, ການ​ຈັດ​ສັນ​ທີ່​ດິນ​ປຸກ​ສ້າງ​ຂອງ​ລັດ​ເພື່ອ​ເປັນ​ທີ່ຢູ່​ອາ​ໄສ​ຂອງ​ພະນັກ​ງານ, ຂັ້ນ​ຕອນ​ການ​ຂຶ້ນ​ໃບ​ທະບຽນ​ອອກ​ໃບ​ຕາດິນ, ການ​ປະ​ເມີນ​ລາຄາ​ທີ່​ດິນ,  ການ​ຊື້​-ຂາຍ​ສິດ​ນຳ​ໃຊ້​ທີ່​ດິນ​ຈັດ​ສັນ​ຂອງ​ລັດ​ແບບ​ມີ​ກຳນົດ, ການຈັດ​ສັນ​ທີ່​ດິນ​ປຸກ​ສ້າງ​ເພື່ອ​ການ​ພັດທະນາ, ອົງການ​ທີ່​ດິນ​ມີ​ສິດ​ຕົກລົງ​ຂາຍ​ສິດ​ນຳ​ໃຊ້​ທີ່​ດິນ​ຈັດ​ສັນ​ຂອງ​ລັດ​ແບບ​ມີ​ກຳນົດ ​ແລະ ມາດ​ຕາ​ອື່ນໆທີ່ເປັນວ່າຍັງບໍ່ທັນຮັດກຸມເທົ່າທີ່ຄວນ.

- lattana 1 - ສະພາຮັບຮອງເອົາຮ່າງກົດໝາຍວ່າດ້ວຍ ທີ່ດິນ (ສະບັບປັບປຸງ)
error: Content is protected !!