ຫັນ​ການ​ປູກ​ກ້ວຍ​ໃຫ້​ປອດ​ສານ​ເຄມີ

- advert banner 728 90 728x90 - ຫັນ​ການ​ປູກ​ກ້ວຍ​ໃຫ້​ປອດ​ສານ​ເຄມີ

ໂດຍ: ທິດ​ກ່ຳ

- new3 - ຫັນ​ການ​ປູກ​ກ້ວຍ​ໃຫ້​ປອດ​ສານ​ເຄມີ

ເວົ້າ ເຖິງ “ກ້ວຍ” ເປັນ ໝາກ ໄມ້ຊະນິດໜຶ່ງທີ່ໃຫ້ ຄຸນຄ່າທາງໂພຊະນາການ, ເຊິ່ງຄົນເຮົາທັງຫລາຍໃຜ ກໍມັກ ແລະ ພາກັນບໍລິໂພກ. ແຕ່ວ່າສິ່ງສຳຄັນພວກເຮົາຕ້ອງຄຳນຶງເຖິງແຫລ່ງທີ່ ໄປທີ່ມາ ເພາະສະໄໝນີ້ກ້ວຍ ບາງຊະນິດມັນມີສານເຄມີ ເຈືອປົນ.

ສ​ຳລັບຢູ່ປະເທດເຮົາ ກ້ວຍທີ່ມີຂາຍໃນທົ່ວສັງຄົມ ນັ້ນມັນມາຈາກຫລາຍແຫລ່ງຫລາຍບ່ອນ, ທັງປອດ ແລະ ບໍ່ປອດສານເຄມີ ເທົ່າທີ່ເຄີຍ ເຫັນມາຕັ້ງແຕ່ສະໄໝ ພໍ່ແມ່ປູ່ຍາຕາຍາຍເຮົາ ທີ່ພາກັນເຄີຍກິນ ກໍແມ່ນກ້ວຍນ້ຳ, ນອກນີ້ກໍມີກ້ວຍໄຂ່, ກ້ວຍ ງ້າວ ຫລື ເອີ້ນອີກຢ່າງໜຶ່ງ ວ່າກ້ວຍສຸກຂຽວ.

ແນວໃດກໍດີ, ຖືວ່າໃນ ຊ່ວງໄລຍະເກືອບ 20 ປີຜ່ານ ມານີ້, ພັກ ແລະ ລັດຖະບານ ເຮົາໄດ້ເປີດກວ້າງໃຫ້ຕ່າງ ປະເທດເຂົ້າມາລົງທຶນປູກ ກ້ວຍຈຳນວນຫລວງຫລາຍພໍສົມຄວນ, ໂດຍສະເພາະແມ່ນຄົນຈີນ, ທ້ອງຖິ່ນທີ່ມີ ການປູກຫລາຍໃນເບື້ອງຕົ້ນ ກໍຢູ່ແຖວພາກເໜືອ ແຂວງ ຫລວງນ້ຳທາ, ອຸດົມໄຊ, ຜົ້ງສາລີ. ຈາກນັ້ນກໍລາມລົງມາ ແຖວພາກກາງ ແຂວງວຽງ ຈັນ, ນະຄອນຫລວງວຽງຈັນ ກໍຂະຫຍາຍໄປທົ່ວປະເທດແລ້ວ, ໃນການລົງທຶນເບື້ອງ ຕົ້ນກໍເຫັນວ່າເຮັດໄດ້ດີ, ມີຕະ ຫລາດຮອງຮັບ ສ່ວນໃຫຍ່ກໍ ແມ່ນສົ່ງໄປຂາຍຢູ່ຈີນ, ອີກສ່ວນໜຶ່ງກໍຈຳໜ່າຍພາຍໃນປະເທດ, ແຕ່ພໍຕົກມາໃນ ຊ່ວງນີ້ເຫັນວ່າ ມີຜົນກະທົບ ຢ່າງໃຫຍ່ຫລວງຍ້ອນວ່າໄດ້ນຳເອົາສານເຄມີເຂົ້າໃນການ ປູກກ້ວຍ ເກີນຂອບເຂດອັນ ເຮັດໃຫ້ມີຜົນສະທ້ອນຕໍ່ຊີວິດ ອິນຊີ ຂອງຄົນ, ສັດ ແລະ ສິ່ງແວດລ້ອມ, ຕໍ່ສະພາບ ດັ່ງກ່າວ, ທາງການຈຶ່ງໄດ້ສັ່ງ ໂຈະທັງ ເກືອດຫ້າມ, ຖ້າຍັງ ຝ່າຝືນໃຊ້ສານເຄມີອີກຕໍ່ໄປ ຈະຖືກປັບໄໝໃສ່ໂທດ ຫລື ຫາກຍັງດື້ດ້ານເຮັດອີກຕໍ່ໄປ ຈະໄດ້ຕັດໄຟກ່ອນຕົ້ນລົມ ຄືຕັດກົກກ້ວຍນັ້ນຖິ້ມເລີຍ ວ່າຊັ້ນ!. ນອກນັ້ນ, ການນຳເຂົ້າສານເຄມີຕ້ອງຫ້າມກໍຈະ ໄດ້ໃຊ້ມາດຕະການກວດກາ ຢ່າງຈິງຈັງເຂັ້ມງວດເພາະ ຜ່ານມາຍັງມີການເລັດລອດ ຈາກພວກສວຍໂອກາດ ນຳເຂົ້າແບບບໍ່ຖືກຕ້ອງຕາມ ລະບຽບກົດໝາຍ. ສະນັ້ນ ຈຶ່ງເປັນເຫດໃຫ້ບັນຫາການ ປູກກ້ວຍໃນລາວເຮົາຍັງເປັນໄປແບບລາມພະລາມຈົວບໍ່ ເລີກບໍ່ແລ້ວ.

ແນວໃດກໍຕາມ, ໃນໄລ ຍະຜ່ານມາຖືວ່າການສົ່ງອອກກ້ວຍຈາກລາວໄປຕ່າງປະເທດກໍມີລາຍຮັບເປັນກອບ ເປັນກຳຫລາຍສົມຄວນ. ອີງຕາມຕົວເລກລາຍງານ ຂອງກະຊວງອຸດສະຫະ ກຳການຄ້າວ່າໃນປີ 2017 ສປປ ລາວ ເຮົາສາມາດສົ່ງ ກ້ວຍໄປຂາຍຕ່າງປະເທດ ໄດ້ເຖິງ 169 ກວ່າລ້ານໂດລາ ສະຫະລັດ ຖືວ່າເປັນຕົວເລກ ທີ່ສູງສົມຄວນ.

- lattana 1 - ຫັນ​ການ​ປູກ​ກ້ວຍ​ໃຫ້​ປອດ​ສານ​ເຄມີ

ຄືພວກເຮົາຮູ້ນຳກັນ ແລ້ວວ່າ: ບັນຫາການປູກ ກ້ວຍ ດ້ວຍການກະຕຸ້ນສານ ເຄມີນັ້ນ ມັນເປັນພິດໄພຮ້າຍ ແຮງຕໍ່ຄົນ, ສັດເດຍລະສານ ແລະ ສິ່ງແວດລ້ອມບໍ່ວ່າ    ດິນ, ແຫລ່ງນ້ຳ, ລວມທັງ ຊີວິດ ອິນຊີຂອງຄົນເຮົາ, ເຊິ່ງ ການສູນເສຍທີ່ວ່ານີ້ແມ່ນ ຍາກທີ່ຈະຟື້ນຟູສູ່ສະພາບ ເດີມໄດ້ໃນໄລຍະອັນສັ້ນໆ.

ເຖິງຢ່າງໃດກໍດີ, ໃນໂອກາດກອງປະຊຸມສະໄໝສາ ມັນເທື່ອທີ 7 ຂອງສະພາ ແຫ່ງຊາດຊຸດທີ VIII ທ່ານ ທອງລຸນ ສີສຸລຸດ ນາຍົກລັດຖະມົນຕີ ກໍໄດ້ມີຄຳເຫັນ  ແລະ ຕັ້ງບັນຫາວ່າພວກເຮົາສາມາດຫັນການປູກກ້ວຍມາ ເປັນ ແບບປອດສານພິດໄດ້ ບໍ່? ນອກນັ້ນ, ທ່ານກໍຍັງມີຄວາມກັງວົນໃນການນຳ ເຂົ້າຢາປາບສັດຕູພືດ ແລະ ຢາຂ້າຫຍ້າໂດຍໄດ້ຮຽກ ຮ້ອງໃຫ້ໜ່ວຍງານກ່ຽວ ຂ້ອງມີການກວດກາຄືນ ເພາະເຫັນວ່າ ດິນທີ່ອຸດົມສົມບູນຂອງລາວ ເຮົາຈະເຈືອປົນດ້ວຍສານ ເຄມີບໍ່ໄວກໍຊ້າ.

ຕາມທິດກ່ຳວ່າ, ການຫັນວິທີປູກກ້ວຍດ້ວຍສານ ເຄມີມາເປັນປອດສານພິດນັ້ນ, ພວກເຮົາສາມາດເຮັດ ໄດ້ເພາະເງື່ອນໄຂສະພາບດິນຟ້າອາກາດ, ສະພາບແວດ ລ້ອມອື່ນໆຍັງອຳນວຍທຸກຢ່າງ, ອັນສຳຄັນກໍແມ່ນດິນຍັງອຸດົມສົມບູນຖ້ານຳໃຊ້ຝຸ່ນຊີວະພາບເຂົ້າໃນການ ປູກເຂົ້າຕື່ມຍິ່ງຈະງອກງາມ ແລະ ຕະຫລາດຈຳໜ່າຍກໍຈະມີບໍ່ອັ້ນ ແລະ ໃນປັດຈຸບັນຢູ່ປະເທດເຮົາຍັງບໍ່ທັນມີໃຜ ເຮັດໃຫ້ເປັນຕົວແບບຢ່າງຈິງຈັງເທື່ອ.

- 63 - ຫັນ​ການ​ປູກ​ກ້ວຍ​ໃຫ້​ປອດ​ສານ​ເຄມີ
(ພາບປະກອບ)

error: Content is protected !!