ລາວ​ເຝົ້າລະວັງ​ເຂັ້ມ​ງວດ​ປ້ອງ​ກັນ​ພະຍາດ​ອາ​ຫິວາ​ຫມູ່​ອາ​ຟຣິກກາ ບໍ່​ໃຫ້​ແຜ່​ລະບາດ​ເປັນ​ວົງ​ກ້ວາງ

- advert banner 728 90 728x90 - ລາວ​ເຝົ້າລະວັງ​ເຂັ້ມ​ງວດ​ປ້ອງ​ກັນ​ພະຍາດ​ອາ​ຫິວາ​ຫມູ່​ອາ​ຟຣິກກາ ບໍ່​ໃຫ້​ແຜ່​ລະບາດ​ເປັນ​ວົງ​ກ້ວາງ

ກົມ​ລ້ຽງສັດ ​ແລະ ການ​ປະມົງ​ກະຊວງ​ກະສິກຳ-ປ່າ​ໄມ້ ໄດ້​ອອກ​ແຈ້ງ​ການ​ໃຫ້​ເຝົ້າ​ລະວັງ​ຢ່າງ​ເຂັ້ມ​ງວດ​ພາຍຫລັງ​ໄດ້​ກວດ​ພົບ​ເຊື້ອພະຍາດ​ອະຫິ​ວາ​ຫມູ​ອາ​ຟຣິກກາ ຈຳນວນ 8 ຕົວຢ່າງ ທີ່​ສົ່ງ​ມາກ​ວດຈາກ 7 ບ້ານ​ທີ່​ມີ​ການລະບາດ​ຄື: ບ້ານ ສາມັກຄີ​ໄຊ, ດິນດາກ, ​ໂພນ​ງາມ, ​ແກ້ງ​ຮັງ, ນາ​ກະຈາ​ງ, ຫ້ວຍ​ຫວ້າ ​ແລະ ບ້ານ ນາ​ຮ່ອງ​ໃຫຍ່ ທີ່​ຂຶ້ນກັບ​ເມືອງ ຕຸ້ມ​ລານ ​ແຂວງ ສາລະ​ວັນ, ​ ​ເຊື້ອດັ່ງກ່າວ​ແມ່ນ​ຍ້ອນ​ຮ້ານ​ອາຫານ ​ຫວຽດນາມ​ລັກ​ນຳ​ເຂົ້າຊີ້ນຫມູ​ທີ່​ຕິດພະຍາດ​ດັ່ງກ່າວ, ສະ​ນັ້ນ ​ເພື່ອ​ບໍ່​ໃຫ້​ແຜ່​ລາມ​ອອກ​ສູ່​ວົງ​ກ້ວາງ ​ແລະ ສົ່ງ​ຜົນ​ກະທົບ​ຕໍ່ການ​ຜະລິດ​ຫມູ ​ແລະ ການ​ດຳລົງ​ຊີວິດ​ຂອງ​ປະຊາຊົນ ມີ​ຕ້ອງ​ໄດ້​​ເພີ່ມ​ທະວີ​ການຕ້ານ​ ​ແລະ ຕອບ​ໂຕ້​ພະຍາດ​ໃຫ້​ສະຫງົບ​ລົງ​ໂດຍ​ໄວດ້ວຍ​ມາດ​ຕະການ​ດ່ວນ​ສຸກ​ເສີນ​ຄື:

- new3 - ລາວ​ເຝົ້າລະວັງ​ເຂັ້ມ​ງວດ​ປ້ອງ​ກັນ​ພະຍາດ​ອາ​ຫິວາ​ຫມູ່​ອາ​ຟຣິກກາ ບໍ່​ໃຫ້​ແຜ່​ລະບາດ​ເປັນ​ວົງ​ກ້ວາງ
  1. ​ໃຫ້​ຂະ​ແຫນງ​ລ້ຽງສັດ ​ແລະ ການ​ປະມົງ ລາຍ​ງານ​ສະພາບ​ການ​ເກີດ​ພະຍາດ​ອະຫິ​ວາ​ຫມູ​ອາ​ຟຣິກາ ​ແລະ ຂໍ​ທິດ​ຊີ້ນຳໆພະ​ແນ​ກກະສິກຳ ​ແລະ ປ່າ​ໄມ້, ພ້ອມ​ທັງ​ລົງ​ສົມທົບ​ກັບ​ປະສານ​ສົມທົບ​ກັບ​ຫ້ອງການ​ກະສິກຳ ​ແລະ ປ່າ​ໄມ້​ເມືອງ ​ແຕ່ງ​ຕັ້ງ​ຄະນະ​ສະ​ເພາະ​ກິດ​ຕ້ານ ​ແລະ ຕອບ​ໂຕ້​ພະຍາດ​ອະ​ຫິວາ​ຫມູ​ອາ​ຟຣິກາ ທີ່​ເກີດ​ຂຶ້ນນີ້ ພ້ອມ​ທັງ​ວາງ​ແຜນກຽມຄວາມ​ພ້ອມ, ​ເປັນ​ຕົ້ນ: ກຳລັງ​ຄົນ, ວັດຖຸ​ອຸປະກອນ, ພາຫະນະ ​ແລະ ງົບປະມານ ​ເພື່ອ​ລົງ​ເຄື່ອນ​ໄຫວ​ຕ້ານ ​ແລະ ຕອບ​ໂຕ້​ພະຍາດ​ໃຫ້​ທັນ​ການ, ພ້ອມ​ນີ້ ​ໃຫ້​ສະ​ເຫ​ນີຫາ​ທ່ານ​ເຈົ້າ​ເມືອງ ປະກາດ​ເຂດ​ລະບາດ​ພະຍາດ​ໂດຍ​ດ່ວນ.
  2. ​ໃຫ້​ຂະ​ແຫນງ​ລ້ຽງສັດ ​ແລະ ການ​ປະມົງ​ປະສານ​ສົມທົບ​ກັບ​ຫ້ອງການ​ກະສິກຳ ​ແລະ ປ່າ​ໄມ້​ເມືອງ ​ແລະ ອຳນາດ​ການ​ປົກ​ຄອງບ້ານ ລົງ​ໂຄສະນາ​ເຜີຍ​ແຜ່​ໄປ​ຮອດ​ຄອບຄົວ ຂອງ​ຜູ້ທີ່​ໄດ້​ຮັບ​ຜົນ​ກະທົບ ​ແລະ ຄອບຄົວ​ອ້ອມ​ຂ້າງ​ໃກ້​ຄຽງຂອງ 7 ບ້ານ​ທີ່​ໄດ້​ຮັບ​ຜົນ​ກະທົບ​ໃຫ້​ຕິດຕາມ​ເຝົ້າ​ລະວັງ​ເຄັ່ງ​ຄັ​ດ, ສືບສວນ-ສອບ​ສວນ ພະຍາດ, ​ເກັບ​ກຳ​ຂໍ້​ມູນ​ສະພາບ​ການ​ລ້ຽງຫມູ, ຈຳນວນ​ຫມູ​ເຈັບ ຫລື ຕາຍ ​ແລະ ກຳນົດ​ຂອບ​ເຂດ​ລະບາດ​ຂອງ​ພະຍາດ. ພ້ອມ​ທັງ​​ໃຫ້​ນຳ​ສະ​ເຫ​ນີຕໍ່ທ່ານ​ເຈົ້າ​ເມືອງ ​ເພື່ອປະກາດ​ເປັນ​ເຂດ​ລະບາດ​ຂອງ​ພະຍາດ​ອະຫິ​ວາ​ຫມູ​ອາ​ຟຣິກາ ຢ່າງ​ເປັນ​ທາງ​ການ ຕາມ​ກົດໝາຍວ່າ​ດ້ວຍ​ການ​ລ້ຽງສັດ ​ແລະ ສັດຕະວະ​ແພດ​ກຳນົດ​ໄວ້.
  3. ຕັ້ງ​ຈຸດ​ດ່ານ​ກວດກາ​ສັດຕະວະ​ແພດ​ຊົ່ວຄາວ ກວດ​ຢຶດຫມູ ​ແລະ ຜະລິດ​ຕະພັນ​ຫມູ ທີ່​ເຄື່ອນ​ຍ້າຍ​ຈາກ​ເຂດ​ລະບາດ ພ້ອມ​ທັງ​ຈັດ​ຕັ້ງ​ສີດ​ພົ່ນ​ຢາຂ້າ​ເຊື້ອພາຫະນະ​ທີ່​ອອກ​ຈາກ​ເຂດ​ດັ່ງກ່າວ ​ເພື່ອ​ປ້ອງ​ກັນ​ບໍ່​ໃຫ້​ພະຍາດ​ແຜ່​ລາມ​ໄປ​ສູ່​ບ້ານ​ອື່ນ ຫລື ສະຖານ​ທີ່​ອື່ນ.
  4. ຈັດ​ຕັ້ງ​ລົງ​ໂຄສະນາ​ເຜີຍ​ແຜ່​ໃຫ້​ຄວາມ​ຮູ້ ຄວາມ​ເຂົ້າ​ໃຈ ກ່ຽວກັບ​ຄວາມ​ອັນຕະລາຍ​ຮ້າຍ​ແຮງ​ຂອງ​ພະຍາດ ​ໃຫ້​ແກ່​ປະຊາຊົນ​ພາຍ​ໃນ​ບ້ານ ​ແລະ ບ້ານ​ອ້ອມ​ຂ້າງ ພ້ອມ​ທັງ​ຊຸກຍູ້ ລະດົມ​ໃຫ້​ເຂົາ​ເຈົ້າ​ສະຫມັກ​ໃຈ ​ເຂົ້າ​ຮ່ວມ​ປະຕິບັດ​ມາດ​ຕະການ​ຕອບ​ໂຕ້​ພະຍາດ​ທີ່​ລັດ​ວາງ​ອອກ​ຢ່າງ​ພ້ອມພຽງ
  5. ​ສ້າງ​ແຜນ​ສະ​ເຫ​ນີ ຂໍ​ອຸປະກອນ​ເຊັ່ນ: ​ເຄື່ອງນຸ່ງ​ປ້ອງ​ກັນ PPE, ຢ້າຂ້າ​ເຊື້ອ, ສົບ​ມື, ​ເກີບ​ໂບກ, ນຳ​ກົມ​ລ້ຽງສັດ ​ແລະ ການ​ປະມົງ​ເພື່ອ​ໄປ​ຮັບ​ໃຊ້​ໃນ​ການ​ຕອບ​ໂຕ້​ພະຍາດ​ໂດຍ​ດ່ວນ.
  6. ໃຫ້​ຊຸກຍູ້​ລະດົມ​ປະຊາຊົນ ​ແລະ ນຳພາ​ຂ້າ​ທຳລາຍ​ຫມູ​ຕິດ​ເຊື້ອ ຫລື ສ່ຽງຕໍ່ການ​ຕິດ​ເຊື້ອ ​ເປັນ​ວົງ​ແຄບ​ຢູ່​ຄອບຄົວ​ຂອງ​ເຂົາ​ເຈົ້າ ຫລື ຄອບຄົວ​ໃກ້​ຄຽງທີ່​ສ່ຽງ ຫລື ​ໄດ້​ຮັບ​ຜົນ​ກະທົບ​ດ້ວຍ​ຄວາມສະໝັກ​ໃຈ ​ເພື່ອ​ຕັດ​ວົງ​ຈອນ​ຂອງ​ເຊື້ອພະຍາດ ​ແລະ ກຳຈັດ​ຫມູ​ຕາຍ ​ແລະ ຫມູ​ຖືກ​ຂ້າ​ດ້ວຍ​ການ​ເຜົາ ຫລື​ ຝັງ ​ໃຫ້​ຖືກຕ້ອງ​ຕາມ​ຫລັກ​ວິຊາ​ການ, ບໍ່​ໃຫ້​ນຳ​ເອົາ​ຫມູ​ທີ່​ເຈັບ ຫລື ຕາຍ ​ໄປ​ບໍລິ​ໂພ​ກ ຫລື ຖີ້ມລົງ​ຫ້ວຍ​ນ້ຳ ລຳ​ເຊ ຫລື ຕາມ​ທຳ​ມະ​ຊາດ​ຢ່າງ​ເດັດຂາດ
  7. ນຳພາ ປະຊາຊົນ​ເຮັດ​ອານາ​ໄມ ​ແລະ ຂ້າ​ເຊື້ອຄອກ​ສັດ ສິດ​ພົ່ນ ດ້ວຍ​ຢາຂ້າເຊື້ອ ຫລື ​ໂຮຍ​ດ້ວຍ​ປູນ​ຂາວ ​ໃຫ້​ທົ່ວ​ເຖິງ​ໃນ​ບໍລິ​ເວນ​ບ້ານ ທີ່​ຫມູ​ອາ​ໃສ​ຢູ່ ຫລື ບ່ອນ​ທີ່​ຫມູ ຍ່າງ​ໄປມາ​ແຕ່​ລະມື້
  8. ​ໃຫ້​ລາຍງານ​ສະພາບ​ການລະບາດ​ຂອງ​ພະຍາດ ​ແລະ ຄວາມ​ຄືບໜ້າການ​ປະຕິບັດ​ມາດ​ຕະການ​ໂຕ້​ຕອບ​ພະຍາດ ​ໃຫ້​ຂັ້ນ​ເທິງ​ຖັດຕົນ, ກົມ​ລ້ຽງສັດ ​ແລະ ການ​ປະມົງ ​ເປັນ​ແຕ່​ລະ​ວັນ.
  9. ປະຕິບັດ​ມາດ​ຕະການ​ອື່ນ​ຕາມ​ກົດໝາຍ, ລະບຽບການ, ມາດ​ຕະຖານ ​ແລະ ຂັ້ນ​ຕອນ​ການ​ປະຕິບັດ​ທາງ​ດ້ານ​ເຕັກນິກ​ທີ່​ເຫມາະ​ສົມ.
- lattana 1 - ລາວ​ເຝົ້າລະວັງ​ເຂັ້ມ​ງວດ​ປ້ອງ​ກັນ​ພະຍາດ​ອາ​ຫິວາ​ຫມູ່​ອາ​ຟຣິກກາ ບໍ່​ໃຫ້​ແຜ່​ລະບາດ​ເປັນ​ວົງ​ກ້ວາງ
error: Content is protected !!