ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ

ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ - advert banner 728 90 728x90 - ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ

(ວັນທີ 26 ມິຖຸນາ 2019 (ວັນທີ 26/06/1987-26/06/2019)

ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ - new3 - ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ

       ພີ່ນ້ອງຮ່ວມຊາດ ທີ່ຮັກແພງ ທັງຫລາຍ,​ ຢາເສບຕິດ ເປັນໄພອັນຕະລາຍທີ່ຮ້າຍແຮງຕໍ່ຊາດ ກໍ່ຄື ຕໍ່ມວນມະນຸດ, ເປັນສາເຫດຂອງປະກົດການຫຍໍ້ທໍ້ຕ່າງໆໃນສັງຄົມ ເປັນຕົ້ນ: ການກໍ່ອາຊະຍາກໍາ, ການປຸ້ນຈີ້ຊີງຊັບ, ການຂີ້ລັກງັດແງະ, ການຫລິ້ນກິນຟຸມເຟືອຍ ແລະ ອື່ນໆ ຕະຫລອດຮອດການປະລະການຮຽນ ແລະ ການເຄື່ອນໄຫວຜິດລະບຽບກົດໝາຍ ຂອງຊາວໜຸ່ມ-ເຍົາວະຊົນ ທີ່ເປັນຜູ້ສືບທອດອະນາຄົດຂອງຊາດ ໃຫ້ກາຍເປັນຄົນເສຍທາດຂາດຄຸນ. ຢາເສບຕິດຍັງເປັນເຄື່ອງມື ຫລື ຊ່ອງທາງໃຫ້ກຸ່ມຄົນບໍ່ດີສວຍໃຊ້ຫາເງິນ, ຟອກເງິນ ແລະ ຂະຫຍາຍເຄື່ອຂ່າຍ ການເຄື່ອນໄຫວທີ່ຜິດກົດໝາຍ ເຊິ່ງໄດ້ສ້າງຄວາມບໍ່ສະຫງົບໃຫ້ແກ່ສັງຄົມ ທັງເປັນການກົດໜ່ວງຖ່ວງດຶງການພັດທະນາເສດຖະກິດ-ສັງຄົມ ແລະ ສ້າງຄວາມເສຍຫາຍຢ່າງໃຫຍ່ຫລວງຕໍ່ຊາດ ກໍ່ຄືຕໍ່ບຸກຄົນ ແລະ ຄອບຄົວຜູ້ທີ່ຕົກເປັນທາດຂອງຢາເສບຕິດ. ພັກ, ລັດຖະບານ ແລະ ປະຊາຊົນລາວ ກໍ່ຄືປະຊາຊາດ ໃນທົ່ວໂລກລ້ວນແຕ່ເປັນເອກະພາບກັນ ສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ຢ່າງກວ້າງຂວາງທົ່ວໂລກ. ຍ້ອນເຫັນໄດ້ອັນຕະລາຍ ແລະ ຮັບຮູ້ວ່າບັນຫາຢາເສບຕິດ ຍັງເປັນໄພຄຸກຄາມຕໍ່ສັງຄົມລາວ​ ພັກ ແລະ ລັດຖະບານ ຈຶ່ງໄດ້ຖືເອົາການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ເປັນວຽກງານສຳຄັນ. ລັດຖະບານໄດ້ປະກາດສົງຄາມ ຕ້ານກັບເຄື່ອຄ່າຍຄ້າຂາຍຢາເສບຕິດ, ໄດ້ຈັບກຸມຄຸມຄັງ ຫົວໂປ່ຕົວການ ຄ້າຂາຍຢາເສບຕິດລາຍໃຫຍ່ຈຳນວນໜຶ່ງ ແລະ ດຳເນີນຄະດີຕາມກົດໝາຍ ແລະ ລະບຽບການ. ຄຽງຄູ່ກັນນັ້ນ, ລັດຖະບານ ກໍ່ໄດ້ໂຄສະນະ, ສຶກສາອົບຮົມ ແລະ ສ້າງຈິດສຳນຶກໃຫ້ປະຊາຊົນ ແລະ ຊັ້ນຄົນຕ່າງໆ ເປັນຕົ້ນແມ່ນ ຊາວໜຸ່ມ-ເຍົາວະຊົນ ໃຫ້ຮັບຮູ້ ແລະ ເຂົ້າໃຈກວ້າງ ຂວາງ ກ່ຽວກັບພິດໄພ ແລະ ຜົນກະທົບຂອງຢາເສບຕິດ ພ້ອມທັງໄດ້ພົວພັນຮ່ວມມືຢ່າງໃກ້ຊິດ ກັບບັນດາປະເທດເພື່ອນມິດ ໂດຍສະເພາະກັບປະເທດບ້ານໃກ້ເຮືອນຄຽງ ແລະ ອົງການຈັດຕັ້ງສາກົນ ທີ່ກ່ຽວຂ້ອງ ເພື່ອສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດຢ່າງຈິງຈັງ.

ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 32 ປີ ໃນປີນີ້, ຕາງໜ້າໃຫ້ການນຳພັກ ແລະ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍສະແດງຄວາມຂອບໃຈ ແລະ ຊົມເຊີຍທຸກພາກສ່ວນທີ່ກ່ຽວຂ້ອງ, ໂດຍສະເພາະກໍ່ແມ່ນເຈົ້າໜ້າທີ່ປ້ອງກັນຊາດ, ປ້ອງກັນຄວາມສະຫງົບ ແລະ ພະນັກງານ ຢູ່ຂັ້ນສູນກາງ ແລະ ທ້ອງຖິ່ນ ຕະຫລອດຮອດພໍ່ແມ່ພີ່ນ້ອງ ປະຊາຊົນບັນດາຊັ້ນຄົນໃນທົ່ວປະເທດ ທີ່ໄດ້ປະຕິບັດໜ້າທີ່ ທີ່ຫຍຸ້ງຍາກ-ສ່ຽງໄພນີ້ ແລະ ປະ ກອບສ່ວນຢ່າງຕັ້ງໜ້າເຂົ້າໃນວຽກງານສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ. ຂໍຖືໂອກາດນີ້, ສະແດງຄວາມຂອບໃຈ ແລະ ຮູ້ບຸນຄຸນມາຍັງບັນດາປະເທດເພື່ອນມິດ, ອົງການຈັດຕັ້ງສາກົນ, ສະຖາບັນການເງິນລະຫວ່າງປະເທດ, ອົງການບໍ່ສັງກັດລັດຖະບານ ແລະ ພາກທຸ ລະກິດທັງພາຍໃນ ແລະ ຕ່າງປະເທດ ທີ່ໄດ້ໃຫ້ການຮ່ວມມື, ສະໜັບສະໜູນຊ່ວຍເຫລືອລັດຖະບານ ແລະ ປະຊາຊົນລາວ ໃນການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ເຮັດໃຫ້ການປະຕິບັດວຽກງານໃນດ້ານນີ້ ມີຄວາມຄືບໜ້າ ແລະ ໄດ້ຮັບໝາກຜົນເປັນຂັ້ນໆມາ.

ເພື່ອນຮ່ວມຊາດທີ່ຮັກແພງ,

ເຖິງແມ່ນວ່າ ພັກ, ລັດຖະບານ, ປະຊາຊົນລາວບັນດາເຜົ່າ ແລະ ເພື່ອນມິດສາກົນ ທັງໃກ້ ແລະ ໄກ ຈະເປັນເອກະພາບກ່ຽວກັບພິດໄພ ແລະ ຜົນກະທົບຂອງຢາເສບຕິດ, ເຫັນໄດ້ຄວາມຈຳ ເປັນຕ້ອງໄດ້ສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ແລະ ກໍ່ໄດ້ພ້ອມກັນດຳເນີນວຽກງານດ້ານນີ້ຢ່າງຈິງຈັງ ແລະ ມີໝາກຜົນກໍ່ຕາມ, ແຕ່ບັນຫາຢາເສບຕິດຢູ່ປະເທດເຮົາ ກໍຄື ຢູ່ປະເທດຕ່າງໆໃນໂລກ ກໍ່ຍັງບໍ່ໝົດສິ້ນໄປ ແລະ ຍັງຈະສືບຕໍ່ເປັນໄພຄຸກຄາມຕໍ່ຄວາມສະຫງົບ, ຈອບທຳລາຍຊາວໜຸ່ມ-ເຍົາວະຊົນ ແລະ ສ້າງຄວາມເສຍຫາຍແກ່ສັງຄົມ. ດັ່ງນັ້ນ, ໃນນາມລັດຖະບານ, ຂ້າພະເຈົ້າ ຂໍຮຽກຮ້ອງມາຍັງ ພະນັກງານ, ທະຫານ, ຕຳຫລວດ ແລະ ປະຊາຊົນບັນດາເຜົ່າ ທຸກຊັ້ນຄົນ, ທຸກເພດໄວໃນທົ່ວສັງຄົມ ຕະຫລອດຮອດບັນດາອົງການຈັດຕັ້ງພັກ-ລັດ, ອົງການປົກຄອງທ້ອງຖິ່ນ, ສະຖາບັນການສຶກສາ, ອົງການພຸດທະສາສະໜາ ແລະ ສະຖາບັນຄອບຄົວ ຈົ່ງໄດ້ພ້ອມກັນເອົາໃຈໃສ່ເປັນເຈົ້າການ ແລະ ປະກອບສ່ວນຢ່າງແຂງແຮງເຂົ້າໃນການສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ໃຫ້ຫລຸດໜ້ອຍຖອຍລົງ ແລະ ໝົດສິ້ນໄປຈາກສັງຄົມລາວ.

ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ - lattana 1 - ສານທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 32 ປີ

ຂ້າພະເຈົ້າຫວັງຢ່າງຍິ່ງວ່າ ບັນດາປະເທດເພື່ອນມິດ, ອົງການຈັດຕັ້ງສາກົນ, ສະຖາບັນການເງິນລະຫວ່າງປະເທດ, ອົງການທີ່ບໍ່ສັງກັດລັດຖະບານ ແລະ ພາກທຸລະກິດທັງພາຍໃນ ແລະ ຕ່າງ ປະເທດ ຈະສືບຕໍ່ໃຫ້ການຮ່ວມມື, ສະໜັບສະໜູນ ແລະ ຊ່ວຍເຫລືອດ້ານທຶນຮອນ, ບົດຮຽນ ແລະ ປະສົບການແກ່ລັດຖະບານ ແລະ ປະຊາຊົນລາວ ກໍ່ຄື ອົງການທີ່ເຮັດໜ້າທີ່ສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ເພື່ອໃຫ້ສາມາດເຄື່ອນໄຫວ ແລະ ແກ້ໄຂບັນຫາຢາເສບຕິດໄດ້ຢ່າງມີປະສິດ ທິຜົນ ທັງປະກອບສ່ວນເຂົ້າໃນຂະບວນການລວມຂອງພາກພື້ນ ແລະ ສາກົນໃນການຕໍ່ສູ້, ສະກັດກັ້ນ, ຕ້ານ ແລະ ແກ້ໄຂບັນຫາຢາເສບຕິດ ໃຫ້ສູນຫາຍຈາກໂລກທີ່ສວຍງາມຂອງພວກເຮົາ.

ຂໍຂອບໃຈ

error: Content is protected !!