ສອນ​ດີ ຮຽນ​ເກັ່ງ ​ເສັງ​ກໍ​ໄດ້​ຄາດໝາຍ

- advert banner 728 90 728x90 - ສອນ​ດີ ຮຽນ​ເກັ່ງ ​ເສັງ​ກໍ​ໄດ້​ຄາດໝາຍ

​ໂດຍ: ທິດ​ກ່ຳ

- lattana 1 - ສອນ​ດີ ຮຽນ​ເກັ່ງ ​ເສັງ​ກໍ​ໄດ້​ຄາດໝາຍ

ນັບແຕ່ເດືອນມິຖຸນາໄປຫາເດືອນສິງຫາຂອງປີ 2019 ນີ້, ບັນດາລູກຫລານ ນັກຮຽນນັບແຕ່ຊັ້ນປະຖົມ ຂຶ້ນໄປຮອດມັດທະຍົມ ກໍໄດ້ ມີການສອບເສັງຈົບຂັ້ນ,   ຈົບຊັ້ນປະຈຳສົກຮຽນປີ 2018-2019 ຢ່າງເປັນເອ ກະພາບ ໃນທົ່ວປະເທດ.

ການສອບເສັງ ເລີ່ມແລກ ແຮກໝານກ່ອນໝູ່ ກໍແມ່ນ ລູກຫລານນັກຮຽນຂັ້ນປະ ຖົມສຶກສານັບທັງພາກລັດ ແລະ ເອກະຊົນ, ຕໍ່ມາກໍແມ່ນ ຂັ້ນມັດທະຍົມກ້າວໄປຫາ ວິທະຍາໄລ, ມະຫາວິທະຍາ ໄລ ແລະ ອາຊີວະສຶກສາຕາມ ລຳດັບແຕ່ລະຊັ້ນ, ແຕ່ລະຂັ້ນ ກວ່າສຳເລັດບໍລິບູນ.

ໃນຄວາມຈິງແລ້ວ, ນັບ ແຕ່ພັກ ແລະ ລັດຖະບານ ເຮົາ ໄດ້ມີການປະຕິຮູບການສຶກ ສາມານີ້, ເຫັນວ່າລະບົບ ການຮຽນ-ການສອນຂອງ ຄູອາຈານ, ນັກຮຽນ-ນັກສຶກ ສາຢູ່ບ້ານເຮົາໄດ້ມີບາດກ້າວຂະຫຍາຍຕົວທາງດ້ານປະ ລິມານ ແລະ ຄຸນນະພາບຢ່າງ ຈະແຈ້ງ, ສິ່ງທີ່ສະແດງອອກ ໃຫ້ເຫັນຢ່າງເປັນຮູບ ປະທຳ ກໍຄືໃນເວລາສອບເສັງໃນ ແຕ່ລະຂັ້ນແຕ່ລະຊັ້ນສ່ວນ ໃຫຍ່ກໍເປັນໄປຕາມຄາດໝາຍ ແລະ ລະບຽບການທີ່ໄດ້ກໍາ ນົດເອົາໄວ້.

ນອກຈາກນັ້ນ, ໃນເວລາ ໄປສອບເສັງເພື່ອແຂ່ງຂັນ ໃນສາຂາ ຫລືພາກວິຊາໃດ ໜຶ່ງ ໃນຂົງເຂດອາຊຽນ, ລະ ດັບພາກພື້ນ ຫລືສາກົນນັກ ຮຽນ-ນັກສຶກສາຢູ່ບ້ານເຮົາ ກໍສາມາດຍາດໄດ້ຄະແນນດີ ທັງໄດ້ລາງວັນມາ ໃຫ້ຕົນເອງ ສ້າງບົດບາດຊື່ສຽງມາໃຫ້ພໍ່ ແມ່ຜູ້ປົກຄອງ ແລະ ປະເທດ ຊາດໄດ້ເປັນຢ່າງດີ.

ແນວໃດກໍດີ, ຕາມເຮົາ ວ່າ ເວົ້າເຖິງລະບົບການ ສຶກສາ ກໍຄືການຮຽນ-ການ ສອນໃນການສ້າງຊັບພະ ຍາກອນມະນຸດ ເພື່ອກາຍ  ເປັນ ທຶນຮອນຂອງຊາດໃນ ອະນາຄົດນັ້ນ ກໍຕ້ອງມີການ ປັບປຸງ ແລະ ປ່ຽນແປງໄປ ເລື່ອຍໆ ຈຶ່ງສາ ມາດທຽບເທົ່າ ແລ່ນທັນໝູ່  ຫລື ລື່ນໝູ່.

ເວົ້າແຈ້ງ ຖ້າຈະປຽບ ທຽບໃສ່ບັນດາປະເທດໃນ ຄອບຄົວໃຫຍ່ອາຊຽນເຮົາ ກໍຕ້ອງຈັດໃຫ້ປະເທດສິງກະ ໂປເປັນອັນດັບໜຶ່ງ, ບໍ່ພຽງ ແຕ່ເທົ່ານັ້ນ ລະບົບການສຶກ ສາຂອງສິງກະໂປ ຍັງຈັດ ຢູ່ໃນລະດັບໂລກອີກດ້ວຍ. ເພາະສະນັ້ນ, ບັນດານັກສຶກ ສາ, ນັກຄົ້ນຄວ້າ ທີ່ຮຽນຈົບມາຈາກສິງກະໂປສ່ວນ ຫລາຍ ຈຶ່ງບໍ່ຄ່ອຍໄດ້ຫວ່າງ ງານ, ເຊິ່ງສົມຄວນແລ້ວທີ່ ພວກເຮົາຈະຕ້ອງໄດ້ເບິ່ງ ກວ້າງເຫັນໄກ ເພື່ອນຳເອົາສິ່ງ ຍອດຍິ່ງຈາກເພື່ອນມິດມາ ໝູນໃຊ້ເພື່ອພາລະກິດສ້າງ  ສາ ແລະ ພັດທະນາປະເທດ ຊາດໃນອະນາຄົດ.

ຕາມແຫລ່ງຂ່າວຢ່າງ ເປັນ ທາງການໃນມໍ່ໆມານີ້, ພາຍ ໃຕ້ການຊ່ວຍເຫລືອ ແລະ ຮ່ວມມີຈາກປະເທດ ອົດສະຕາລີ, ສະຫະພາບ ເອີຣົບ ແລະ ສະຫະລັດ ອາເມລິກາໃນສົກສຶກສາ 2019-2020 ນີ້, ຊັ້ນ ປ1 ຈະ ໄດ້ຮຽນລະບົບຫລັກສູດ ປັບປຸງໃໝ່ໂດຍຈະເອົາຊັ້ນປ1 ສະເພາະກ່ອນ, ຈາກນັ້ນ ໃນປີ 2023-2024 ຈຶ່ງສືບ ຕໍ່ ຊັ້ນ ປ5 ຕາມລຳດັບ.

- Tiger Head 728x90 - ສອນ​ດີ ຮຽນ​ເກັ່ງ ​ເສັງ​ກໍ​ໄດ້​ຄາດໝາຍ
- 1 1 - ສອນ​ດີ ຮຽນ​ເກັ່ງ ​ເສັງ​ກໍ​ໄດ້​ຄາດໝາຍ

ນີ້ກໍເປັນໂຄງການ ທີ່ໜ້າ ພາກພູມໃຈຂອງຊາດລາວ, ຄົນລາວ, ເຊິ່ງຍາມໃດທາງ ເພື່ອນມິດ ແລະ ສາກົນ ກໍໄດ້ ໃຫ້ການຊ່ວຍເຫລືອໃກ້ຊິດ ຕິດແທດຢ່າງຈິງຈັງຈິງໃຈ ເປົ້າໝາຍກໍເພື່ອເຮັດປະເທດ ຊາດບ້ານເມືອງຂອງພວກ ເຮົາໄດ້ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດ ທະນາ.

ເຖິງຢ່າງໃດກໍດີ, ມາ ຮອດປັດຈຸບັນນີ້ ຄວາມເອົາ ໃຈໃສ່ຕໍ່ການສ້າງຊັບພະຍາ ກອນມະນຸດໃນຂົງເຂດການສຶກສາທຸກລະດັບ ຖືວ່າພັກ ແລະ ລັດຖະບານເຮົາໄດ້ໃຫ້ ຄວາມສຳຄັນເປັນພິເສດ. ນອກຈາກມີການປັບໂຄງ ການໄປແຕ່ລະໄລຍະແລ້ວ ລະບົບການຮຽນ-ການສອນຂອງຄູອາຈານ, ນັກຮຽນ- ນັກສຶກສາ ກໍມີການພັດ       ທະນາໄປເລື້ອຍໆ.

ນອກຈາກມີການ ປັບ ປຸງທາງວິຊາສະເພາະແລ້ວ, ທາງດ້ານຊີວິດການເປັນຢູ່ ຂອງພະນັກງານບໍລິຫານ ການສຶກສາ, ຄູອາຈານ ກໍ ເຫັນວ່າໄດ້ຍົກລະດັບດີຂຶ້ນ ເລື້ອຍໆຖ້າທຽບໃສ່ຫລາຍ ຂະແໜງການຢູ່ບ້ານເຮົາໃນປັດຈຸບັນ ສິ່ງດັ່ງກ່າວ ກໍເພື່ອ ຊຸກຍູ້ສົ່ງເສີມໃຫ້ຂົງເຂດ     ການສຶກສາກໍຄືການຮຽນ- ການສອນ ຂອງຄູອາຈານ ແລະ ນັກຮຽນ-ນັກສຶກສາ ຮຽນດີ ສອນເກັ່ງ ເວລາສອບ ເສັງຈຶ່ງເປັນໄປຕາມຄາດ ໝາຍ.

- 9 - ສອນ​ດີ ຮຽນ​ເກັ່ງ ​ເສັງ​ກໍ​ໄດ້​ຄາດໝາຍ
error: Content is protected !!