ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ

ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ - advert banner 728 90 728x90 - ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ

ແຫຼ່ງຂ່າວທ້ອງຖິ່ນລາຍງານໃຫ້ຮູ້ວ່າ: ປັດຈຸບັນ ອໍານາດການປົກຄອງທ້ອງຖິ່ນແລະ ຂະແຫນງການກ່ຽວຂ້ອງໄດ້ປະຕິບັດມາດຕະການກວດກາ ແລະ ຄວບຄຸມພະຍາດອະຫິວາຫມູອາຟຣິທີ່ລະບາດຢູ່ເມືອງຕຸ້ມລານ ແຂວງສາລະວັນ, ຫຼັງຈາກມີຫມຕາຍແລ້ວກວ່າ 2.500 ໂຕຈາກການຕິດເຊື້ອພະຍາດດັ່ງກ່າວ.

ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ - new3 - ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ

ຫ້ອງການກະສິກໍາ-ປ່າໄມ້ເມືອງດັ່ງກ່າວ ໃຫ້ຮູ້ວ່າ: ພາຍຫຼັງພົບການລະບາດຂອງພະຍາດດັ່ງກ່າວຢູ່ 7ບ້ານຄື: ສາມັກຄີໄຊ, ດິນດາກ,ໂພນງາມ, ແກ້ງຮັງ, ນາລະຈາງ, ຫ້ວຍຫວ້າ ແລະ ບ້ານຮ່ອງໃຫຍ່ ແຕ່ວັນທີ 5-24ມິຖຸນາ 2019 ແມ່ນມີຫມູຕາຍຈໍານວນ 1.180 ໂຕ.

ຈາກນັ້ນມາຮອດວັນທີ 25 ມິຖຸນາ (ພຽງວັນດຽວ) ເຈົ້າຫນ້າທີ່ຫນ່ວຍງານເຝົ້າລະວັງພົບການລະບາດຢ່າງໄວວາຂອງພະຍາດດັ່ງກ່າວ ຈາກ 7 ບ້ານເພີ່ມຂຶ້ນເປັນ 22 ບ້ານ ແລະມີຫມູຕາຍເພີ່ມຂຶ້ນເປັນ 2.500ໂຕແລ້ວ. ຈາກສະພາບການດັ່ງກ່າວ ອໍານາດການປົກຄອງເມືອງ ໄດ້ດໍາເນີນມາດຕະການຄວບຄຸມ ແລະ ສະກັດກັ້ນຢ່າງເຂັ້ມງວດ, ໂດຍສະເພາະຕັ້ງຈຸດພົ່ນຢາຂ້າເຊື້ອພາຫະນະທຸກປະເພດ ທີ່ຜ່ານເຂົ້າ-ອອກເມືອງ 6 ຈຸດຄື: ຈຸດບ້ານນາກະຕ້າວ, ຖໍ້າມະລິ, ຕະເບ່ງ, ທົ່ງໄກ່ຂວາ, ຕະເວີບ ແລະ ບ້ານດອນຂະຍຸງ, ນອກນີ້ ເຈົ້າເມືອງຕຸ້ມລານໄດ້ອອກແຈ້ງການເຖິງພາກສ່ວນກ່ຽວຂ້ອງຕ່າງໆທົ່ວເມືອງ ເພີ່ມທະວີການສະກັດກັ້ນ ແລະ ຕອບໂຕ້ບໍ່ໃຫ້ເຊື້ອພະຍາດດັ່ງກ່າວແຜ່ລາມອອກສູ່ວົງກວ້າງ ແລະ ສົ່ງຜົນກະທົບຮ້າຍແຮງຕໍ່ການຜະລິດຫມູ ກໍຄືເສດຖະກິດໂດຍລວມຂອງເມືອງ, ໂດຍເນັ້ນໃຫ້ປະຊາຊົນຫ້າມບໍ່ໃຫ້ນໍາເອົາສັດ(ຫມູ) ທີ່ລ້ຽງຢູ່ຕາມໄຮ່ນາຍ້າຍເຂົ້າມາລ້ຽງຢູ່ບ້ານເດັດຂາດ ແລະ ຫ້າມຜູ້ປະກອບການ,ຫົວຫນ່ວຍທຸລະກິດນໍາເຂົ້າ-ສົ່ງອອກ ແລະ ເຄື່ອນຍ້າຍຫມູຢ່າງເດັດຂາດ.

ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ - lattana 1 - ໝູຕາຍກວ່າ 2.500 ໂຕ ຈາກພະຍາອະຫິວາໝູຢູ່ເມືອງຕຸ້ມລານ ແຂວງສາລະວັນ
error: Content is protected !!