ການຄຸ້ມຄອງລາຄາສິນຄ້າຢູ່ປະເທດເຮົາຍັງມີຫຼາຍປັດໄຈທ້າທາຍ

- advert banner 728 90 728x90 - ການຄຸ້ມຄອງລາຄາສິນຄ້າຢູ່ປະເທດເຮົາຍັງມີຫຼາຍປັດໄຈທ້າທາຍ

ກະຊວງອຸດສາຫະກໍາ ແລະ ການຄ້າໃຫ້ຮູ້ວ່າ: ປັດຈຸບັນໄດ້ມີຫຼາຍນິຕິກໍາ ເພື່ອເປັນເຄື່ອງມືໃນການຄຸ້ມຄອງລາຄາສິນຄ້າຢູ່ໃນປະເທດເຮົາເພື່ອບໍ່ໃຫ້ເຫນັງຕີງຂຶ້ນແຮງ,ແຕ່ໃນຕົວຈິງແລ້ວເຫັນວ່າວຽກງານດັ່ງກ່າວຍັງມີຫຼາຍປັດໄຈທ້າທາຍ, ທັງບໍ່ສາມາດຄວບຄຸມໄດ້ຫມົດ.

- lattana 1 - ການຄຸ້ມຄອງລາຄາສິນຄ້າຢູ່ປະເທດເຮົາຍັງມີຫຼາຍປັດໄຈທ້າທາຍ

ກະຊວງດັ່ງກ່າວໃຫ້ຮູ້ວ່າ:ການຄຸ້ມຄອງລາຄາສິນຄ້າແມ່ນອີງໃສ່ 3 ຫຼັກການຄື: ລາຄາຢູ່ ສປປ ລາວຖືກກໍານົດດ້ວຍກົນໄກຕະຫຼາດທີ່ມີການຄຸ້ມຄອງດັດສົມຂອງລັດ, ລັດເຄົາລົບສິດໃນການກໍານົດລາຄາ ແລະ ການແຂ່ງຂັນດ້ານລາຄາຂອງຜູ້ດໍາເນີນທຸລະກິດຕາມລະບຽບກົດຫມາຍ ແລະລັດນໍາໃຊ້ມາດຕະການໃນການຄຸ້ມຄອງລາຄາຕາມຄວາມເປັນຈິງບົນພື້ນຖານຫຼັກການ ບໍ່ຈໍາແນກປະຕິບັດ ແລະຄວາມໂປ່ງໃສ.

ສະນັ້ນລັດຖະບານກໍຄືກະຊວງອຸດສາຫະກໍາ ແລະ ການຄ້າ ຈຶ່ງນໍາໃຊ້ມາດຕະການທີ່ເຫມາະສົມ ເພື່ອຄຸ້ມຄອງລາຄາສິນຄ້າໃຫ້ຢູ່ໃນເກນປົກກະຕິ ສົມເຫດສົມຜົນ ຕົວຢ່າງ: ການຄວບຄຸມລາຄາສິນຄ້າປະເພດ ເຂົ້າ, ຊີ້ນຫມູ, ປາກະຊັງ ລວມທັງສິນຄ້າອຸປະໂພກ-ບໍລິໂພກ ແລະ ພືດຜັກອື່ນໆຕາມການແບ່ງຂັ້ນຄຸ້ມຄອງຢ່າງລະອຽດຊັດເຈນ ເຊັ່ນ:ລາຄາຕົ້ນທຶນ, ລາຄາຂາຍົກ-ຂາຍຍ່ອຍ ແລະ ຂອດບໍລິການເພື່ອຫຼີກເວັ້ນປັດໄຈການສວຍໂອກາດຂຶ້ນລາຄາແບບບໍ່ສົມເຫດສົມຜົນ.

ນອກນີ້ ກໍໄດ້ເຮັດທົດລອງລາຄາຊີ້ນໍາປະເພດອາຫານຈານດ່ຽວຢູ່ຮ້ານອາຫານທົ່ວໄປໃນນະຄອນຫຼວງວຽງຈັນ ປະເພດເຝີ, ເຂົ້າປຽກ,ເຂົ້າຜັດ, ເຂົ້າລາດຫນ້າ ແລະ ອື່ນໆ ໃນລາຄາບໍ່ເກີນ 15.000 ກີບຕໍ່ຖ້ວຍ ຊຶ່ງເຫັນວ່າມີການຕອບຮັບດີຈາກສັງຄົມແລະ ຜູ້ປະກອບການໃນລະດັບດີສົມຄວນ.

ແຕ່ແນວໃດກໍຕາມປາກົດວ່າຍັງມີການເຫນັງຕີງຂອງລາຄາສິນຄ້າຂຶ້ນ-ລົງເປັນປະຈໍາ ອັນເກີດຈາກປັດໄຈພາຍນອກ ແລະ ພາຍໃນ,ເຊິ່ງປັດໄຈພາຍນອກ ກໍເນື່ອງຈາກເສດຖະກິດລາວຍັງຕ້ອງເພິ່ງພາການນໍາເຂົ້າສິນຄ້າຈາກຕ່າງປະເທດເປັນຕົ້ນຕໍ,ຈຶ່ງຫຼີກລ່ຽງບໍ່ໄດ້ທີ່ລາຄາສິນຄ້າພາຍໃນຈະມີການຜັນປ່ຽນໄປຕາມສະພາບລາຄາຂອງຕະຫຼາດໂລກ ແລະ ການຫັນປ່ຽນຂອງເງິນຕາຕ່າງປະເທດ, ໂດຍສິນຄ້າອຸປະໂພກ-ບໍລິໂພກສ່ວນໃຫຍ່ແມ່ນນໍາເຂົ້າຈາກປະເທດໄທ, ດັ່ງນັ້ນ ການເຫນັງຕີງຂອງລາຄາສິນຄ້າໃນປະເທດດັ່ງກ່າວກໍຈະກະທົບໂດຍກົງຕໍ່ລະດັບສິນຄ່າໃນປະເທດເຮົາ ເຊິ່ງມັນພົວພັນກັນເຖິງລະດັບ 90% ຄຽງຄູ່ກັນນັ້ນ,ການທີ່ລະດັບສິນຄ້າອຸປະໂພກ-ບໍລິໂພກໃນປະເທດໄທຖືກກວ່າລາຄາສິນຄ້າໃນປະເທດເຮົາດັ່ງເປັນຢູ່ໃນປັດຈຸບັນ ກໍເປັນສາເຫດຫນຶ່ງ ເຮັດໃຫ້ປະຊາຊົນລາວຜູ້ມີລາຍຮັບປານກາງຫາສູງຂ້າມໄປຊື້ສິນຄ້າຢູ່ໄທຫຼາຍຂຶ້ນ ແລະ ມີບາງສ່ວນກໍນໍາສິນຄ້າເຫຼົ່ານັ້ນມາຂາຍໃນປະເທດ, ເຮັດໃຫ້ຜູ້ຜະລິດ ຫຼື ຜູ້ປະກອບການພາຍໃນບໍ່ສາມາດແຂ່ງຂັນໄດ້ຈົນເກີດມີປະກົດການຫຍໍ້ທໍ້ ແລະ ບໍ່ສາມາດເຕີບໂຕໄດ້.

ສ່ວນປັດໄຈພາຍໃນ ແມ່ນເສດຖະກິດລາວຍັງອ່ອນນ້ອຍ, ຜູ້ຜະລິດຂະຫນາດນ້ອຍມີຫຼາຍ ແຕ່ຍັງຂາດຄວາມເປັນຜູ້ປະກອບການ, ການນໍາໃຊ້ເຕັກນິກ-ເຕັກໂນໂລຊີຍັງບໍ່ທັນສູງ, ໂດຍສະເພາະໃນຂະແຫນງກະສິກໍາທີ່ມີປະສິດທິພາບການຜະລິດຕໍ່າ ແລະ ບໍ່ທັນຕອບສະຫນອງໄດ້ພຽງພໍກັບຄວາມຕ້ອງການຂອງສັງຄົມ, ພ້ອມນັ້ນບັນດານະໂຍບາຍເສດຖະກິດມະຫາພາກຍັງບໍ່ທັນມີລັກສະນະສົ່ງເສີມການຜະລິດພາຍໃນຢ່າງແທ້ຈິງສະແດງອອກຄື: ອັດຕາດອກເບ້ຍທະນາຄານຢູ່ໃນລະດັບສູງ, ການເຂົ້າເຖິງແຫຼ່ງທຶນມີຄວາມຫຍຸ້ງຍາກ, ອັດຕາພາສີ-ອາກອນຢູ່ໃນລະດັບສູງ.

ດ້ານຕົ້ນທຶນການຜະລິດເວົ້າລວມແລ້ວການຜະລິດສິນຄ້ານັບແຕ່ຂອດຜະລິດຈົນຮອດຂອດຈໍາຫນ່າຍສິນຄ້າໃຫ້ຜູ້ບໍລິໂພກ ຍັງມີຕົ້ນທຶນສູງຍ້ອນວ່າວັດຖຸເພື່ອຮັບໃຊ້ການຜະລິດສ່ວນໃຫຍ່ແມ່ນນໍາເຂົ້າຈາກຕ່າງປະເທດ ເຊິ່ງມີທັງຕົ້ນທຶນຄ່າຂົນສົ່ງ ແລະ ຄວາມສ່ຽງທາງດ້ານອັດຕາການແລກປ່ຽນ.

- 1 1 - ການຄຸ້ມຄອງລາຄາສິນຄ້າຢູ່ປະເທດເຮົາຍັງມີຫຼາຍປັດໄຈທ້າທາຍ
- Tiger Head 728x90 - ການຄຸ້ມຄອງລາຄາສິນຄ້າຢູ່ປະເທດເຮົາຍັງມີຫຼາຍປັດໄຈທ້າທາຍ

ນອກນີ້, ຕົ້ນທຶນດ້ານພາສີ-ອາກອນ ແລະ ຄ່າທໍານຽມຕ່າງໆກໍຍັງສູງ. ດ້ານສ່ວນຕ່າງລາຄາລະຫວ່າງຂອດຈໍາຫນ່າຍ ລາຄາສິນຄ້າໃນຕ່ອງໂສ້ການສະຫນອງຈາກຜູ້ຜະລິດ ຫາຜູ້ບໍລິໂພກ ມີຄວາມແຕກໂຕນກັນສູງຫຼາຍເຊິ່ງສ່ວນ ຫນຶ່ງເກີດຈາກຕົ້ນທຶນທີ່ມາຈາກຄ່າໃຊ້ຈ່າຍບໍລິການພາຍໃນ.

ການສວຍໂອກາດຂອງຜູ້ປະກອບການ: ປັດໄຈຫນຶ່ງທີ່ເຮັດໃຫ້ລາຄາສິນຄ້າໃນຕະຫຼາດມີການເຫນັງຕີງຂຶ້ນນັ້ນແມ່ນປັດໄຈທາງດ້ານຈິດຕະສາດ ທີ່ຕິດພັນກັບການສວຍໂອກາດເຂົ້າລາຄາເກີນຈິງຕາມລໍາພັງໃຈ.

ຕົວຢ່າງ: ໃນໄລຍະເທສະການບຸນປະເພນີສໍາຄັນຂອງຊາດຕ່າງໆ, ລາຄາສິນຄ້າ ແລະ ຄ່າບໍລິການຕ່າງໆແມ່ນຈະປັບຕົວສູງຂຶ້ນ,ລັກສະນະທາງດ້ານທຸລະກິດ: ລາຄາສິນຄ້າບາງປະເພດໂດຍສະເພາະແມ່ນພືດຜັກຕ່າງໆມີການເຫນັງຕີງຕາມລະດູການ ເຊັ່ນ: ລາຄາຜັກສົດຈະສູງໃນໄລຍະຕົ້ນເດືອນ 4 ຫາເດືອນ 6 ຂອງປີ ແລະ ລາຄາເຂົ້າຈະສູງໃນໄລຍະເດືອນ 6ຫາເດືອນ 9 ຂອງປີ ຍ້ອນແມ່ນລະດູການເກັບກ່ຽວຜົນຜະລິດ.

error: Content is protected !!