ເອີຣົບປະເຊີນກັບອາກາດຮ້ອນ ບໍ່ເຄີຍມີມາກ່ອນ

- advert banner 728 90 728x90 - ເອີຣົບປະເຊີນກັບອາກາດຮ້ອນ ບໍ່ເຄີຍມີມາກ່ອນ

ອາກາດຮ້ອນສູງກ່ວາ 40 ອົງສາເຊ ຈະເກີດຂຶ້ນຢູ່ເອີຣົບໃນທ້າຍເດືອນນີ້, ເນື່ອງມາຈາກຜົນກະທົບອາກາດຮ້ອນໃນທົ່ວໂລກ.

- lattana 1 - ເອີຣົບປະເຊີນກັບອາກາດຮ້ອນ ບໍ່ເຄີຍມີມາກ່ອນ

ອົງກອນອຸຕຸນິຍົມ ຂອງ ຝຼັ່ງ (Meteo-France) ວັນທີ 27 ມິຖຸນາ ໄດ້ອອກແຈ້ງການເຕືອນວ່າ: ບັນດາຕົວເມືອງໃຫ່ຍໆ ທຸກຕົວເມືອງໃນເອີຣົບ ຈະປະເຊີນກັບອຸນຫະພູມສູງກ່ວາ 40 ອົງສາເຊ ໃນສອງສາມວັນຂ້າງໜ້ານີ້. ພ້ອມທັງຢືນຢັນວ່າ: ໃນທົ່ວໂລກຈະປະເຊີນກັບອາກາດຮ້ອນຕັ້ງຫຼາຍເທົ່າໃນປີ 2050. ຊຶ່ງຈະເປັນການກະທົບເຖິງການປ່ຽນແປງດິນຟ້າອາກາດຂອງໂລກ.

ອີງຕາມຂ່າວຈາກ Meteo-France ໃຫຮູ້ວ່າ: ອາກາດຮ້ອນຢູ່ ຝຼັ່ງ ໃນຄັ້ງນີ້ ຈະກາຍຂີດຂັ້ນຂອງອາກາດຮ້ອນທີ່ຜ່ານມາ, ລື່ນກາຍຄວາມຮ້ອນອົບເອົ້າໃນປີ 2003 ຕື່ມອີກ, ເຊີ່ງໃນປີນັ້ນມີຜູ້ເສຍຊີວິດເຖິງ 14.000 ຄົນ. ນັກອຸຕຸນິຍົມ Brandon Miller ເວົ້າວ່າ: “ ລະດັບຄວາມຮ້ອນໃນປີນັ້ນ ແມ່ນເກີນຂີດຂັ້ນຄວາມຮ້ອນໃນລະດັບທຳມະດາ ຊຶ່ງແຜ່ລາມໄປທົ່ວ ຕາເວັນຕົກກາງ ແລະ ທິດຕາເວັນຕົກຂອງເອີຣົບ ແລະ ຍັງສູງກ່ວາຄວາມຮ້ອນທີ່ໄດ້ແຈ້ງການອີກດ້ວຍ ”

ອົງກອນອຸຕຸນິຍົມຂອງປະເທດ ເຊັກ, ຝຼັ່ງ, ເຢຍລະມັນ, ອີຕາລີ, ເບນຢຽມ, ສະເປນ, ເຊີວິດເຊີແລນ ລ້ວນແຕ່ອອກແຈ້ງການເຕືອນກ່ຽວກັບອາກາດຮ້ອນໃນຄັ້ງນີ້. ເຕືອນປະຊາຊົນບໍ່ໃຫ້ອອກແຮງງານໜັກເກີນໄປໃນຕອນທ່ຽງ ແລະ ຕອນແລງ, ໃຫ້ດື່ມນໍ້າຫຼາຍໆ ແລະ ບໍ່ຕາກແດດ.

ເຈົ້າໜ້າທີ່ຂອງ Paris ມີແຜນຈະຕິດຕັ້ງຫົວບົວຂະໜາດໃຫ່ຍໃສ່ 48 ຈຸດໃນທົ່ວຕົວມືອງ, ຈະເປີດບໍລິການອ່າງອາບນໍ້າແຫ່ງຕ່າງໆ ເກີນໂມງກຳນົດ, ຈະເປີດປະຕູສວນສາທາລະນະຕະຫຼອດຄືນ ແລະ ຈະຕິດຕັ້ງເພີ່ມເຕີມຫ້ອງແອໃນອາຄານຕ່າງໆ.

ລັດຖະມົນຕີກະຊວງສຶກສາ ຂອງ ຝຼັ່ງ Jean-Michel Blanquer ໃຫ້ຮູ້ວ່າ: ການສອບເສັງລະດັບຊາດໃນອາທິດນີ້ກໍຈະຖືກໂຈະ. Blanquer ເວົ້າວ່າ: “ ບັນຫາຄືແນວນີ້ບໍ່ທັນມີມາກ່ອນ, ແດດບໍ່ເຄີຍຮ້ອນໃນລະດູສອບເສັງເຖິງຂະໜາດນີ້ຈັກເທື່ອ ”

ອົງກອນອຸຕຸນິຍົມ AEMET ຂອງ ສະເປນ ໃຫ້ຮູ້ວ່າ: ອາກາດຮ້ອນແບບນີ້ ເລີ່ມມີຂຶ້ນແຕ່ວັນທີ 25 ມິຖຸນາເປັນຕົ້ນມາ ແລະ ຍັງຈະແກ່ຍາວໄປເຖິງອາທິດໜ້າ. ຢູ່ເຢຍລະມັນອາກາດຮ້ອນຈົນເຖິງຂັ້ນວ່າ, ຢາງປູທາງຈົນເປື່ອຍ ແລະ ເຕືອນວ່າ: ການຂັບລົດຕ້ອງລະມັດລະວັງ.

- 1 1 - ເອີຣົບປະເຊີນກັບອາກາດຮ້ອນ ບໍ່ເຄີຍມີມາກ່ອນ
- Tiger Head 728x90 - ເອີຣົບປະເຊີນກັບອາກາດຮ້ອນ ບໍ່ເຄີຍມີມາກ່ອນ

ອົງການແພດສາກົນຍອມຮັບວ່າ: ເອີຣົບ ມີຄວາມພະຍາຍາມສະກັດກັ້ນ “ ບໍ່ໃຫ້ປະຫວັດສາດຊໍ້າຮອຍ ”. ອາກດຮ້ອນໃນປີກາຍນີ້, ໄດ້ເຮັດໃຫ້ປະຊາຊົນຫຼາຍສິບຄົນໃນ ສະເປນ ແລະ ປອກຕຸຍເກດ ເສຍຊີວິດ ແລະ ເຮັດໃຫ້ ເຢຍລະມັນ ແລະ ເຊີວິດເຊີແລນເກີດໄພແຫ້ງແລ້ງຢ່າງຮ້າຍແຮງ ແລະ ຕ້ອງປະເຊີນກັບອາກາດຮ້ອນເຖິງ 8 ເດືອນໃນປີກາຍນີ້.

ຮຽບຮຽງໂດຍ: ລູກເມືອງພວນ

- 247 - ເອີຣົບປະເຊີນກັບອາກາດຮ້ອນ ບໍ່ເຄີຍມີມາກ່ອນ

————————–

error: Content is protected !!