ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ

ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ - advert banner 728 90 728x90 - ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ

ໂດຍ: ທິດກ່ຳ

ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ - new3 - ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ

​ ປີ​ກ່ອນໆ ທິດ​ກ່ຳ ​ໄດ້​ໄປ​ແຖວ​ເມືອງ​ວິລະ​ບູລີ, ​ເຊ​ໂປ​ນ ​ໄປ​ເຫັນ​ສະພາບ​ເສັ້ນທາງ​ໄປ​ຂົນ​ເອົາ​ຄຳຈົນ​ໜ້າ​ວິຕົກ, ​ເບິ່ງ​ລົດ​ມັນ​ແລ່ນ​ໄປ​ຄື​ເຕົ່າ​ຜ່ານ​ບວກ​ຂຸມ​ຂົນ​ຫົວ​ງັກຫົວ​ແງ້ນ, ​ໂງກ​ເງະ​ໂງ​ເງ ມັນ​ບໍ່​ສົມ​ກັບວ່າ​ເສັ້ນທາງ​ໄປ​ຂົນ​ເອົາ​ຄຳ​ຕ້ອງ​ດີ​ແໜ້ນໜາ​ ທັງ​ຮັບປະກັນ​ນ້ຳໜັກ​ເປັນ​ສິບ​ໂຕນ​ຊາວ​ໂຕນ​ແລ່ນ​ໄປ​ມາສະດວກ​ສະບາຍ​ສົມ​ກັບ​ວ່າ​ເສັ້ນທາງ​ໄປ​ຂົນ​ເອົາ​ຄຳ.

   ມາ​ຮອດ​ປີ​ນີ້, ​ເສັ້ນທາງ​ແຖວ​ນັ້ນດີ ຫລືຍັງ​ຄື​ເກົ່າ ທິດ​ກ່ຳ ກໍ​ບໍ່​ທັນ​ໄດ້​ມີ​ໂອ

ກາດ​ໄປ​ອີກ ​ຈັກ​ວ່າ​ເພິ່ນ​ເຮັດ​ດີ​ເຮັດ​ຄັກ ຫລືວ່າ​ຍັງ​ຄື​ເກົ່າ ​ແລະ ຫລືຂີ້ຮ້າຍ​ກວ່າ​ເກົ່າ​ກໍ​ບໍ່​ຮູ້, ຕໍ່​ມາ​ຫວ່າງ​ທິດ​ຫລັງ​ນີ້ ​ກໍ​ມີ​ໂອກາດ​ໄດ້​ໄປ​ບ້ານນ້ຳຍອນ, ​ເມືອງ​ອານຸວົງແຂວງ​ໄຊ​ສົມບູນ, ​ເຊິ່ງ​ບ້ານ​ດັ່ງກ່າວ​ຢູ່​ໃກ້ໆ​ຕິດ​ກັບ​ບ່ອນ​ຮ່ອນ​ເອົາ​ຄຳ​ ເຫັນ​ສະພາບ​ເສັ້ນທາງ​ກໍ​ເປັນ​ໜ້າ​ສັງ​ເວດ​ເໝືອນ​ກັນ.

   ຍານ​ທີ່​ປຸກ​ກວ່າ​ໝູ່ ​ກໍ​ແມ່ນ​ແຕ່​ຄ່າ​ກາຍ​ບ້ານ​ປ່າ​ໄລ​ ໄປ​ບໍ່ພໍ​ເທົ່າ​ໃດ​ຫລັກ​ກໍ​ເປັນ​ສະພາບ​ທາງ​ແດງ​ເປັນ​ລຸບ​ເປັນ​ໂນນ​, ຂຶ້ນພູລົງ​ຄ້ອຍ, ລົດ​ບືນ​ໄປ​ຕາມ​ຄື້ນ​ໂກກ​ໂວກ​ເກ​ກ​ເວ​ກ ​ເຈີດ​ຊ້າຍ​ເຈີດ​ຂວາ ​ກ່ອນ​ຈະ​ຮອດລ້ອງ​ຊານ​ຈິດ​ໃຈ​ມັນ​ຫຍໍ້​ທໍ້​ຫົດ​ຫູ່ ​ລົດ​ແລ່ນ​ເຕັ້ນ​ເດາະ​ເຕັ້ນດ່ອງປວດ​ຫລັງ​ປວດ​ແອວ​ ທັງ​ເປັນ​ຫວ່ງ​ຢ້ານອຸ ປະຕິ​ເຫດ​ໃນ​ເວລາ​ຂຶ້ນພູ​ລົງ​ຫ້ວຍ. ນີ້​ລະ​ຄື​ເສັ້ນທາງ​ໄປ​ຂົນ​ເອົາ​ຄຳ​ໃນ​ບາງ​ບໍ່, ສ່ວນ​ບໍ່​ຄຳ​ຢູ່​ແສນ​ອຸດົມ ທິດ​ກ່ຳ​ໄດ້​ໄປ​ຕອນ​ເລີ່​ມຂຸດ​ຄົ້ນ​ໃໝ່ໆມາ​ຮອດ​ດຽວ​ນີ້​ກໍ​ຫລາຍ​ປີ​ແລ້ວ.

​  ໃນ​ຂະນະ​ທີ່​ເດີນທາງ ​ທິດ​ກ່ຳ​ນັ່ງ​ຄິດ​ວ່າ​ຂຸດ​ເອົາ​ຄຳ​ມາເປັນ​ເວລາ 10 ກວ່າ​ປີ​ຈົນ​ຈະ​ເອົາ​ແຮ່​ຄຳ​ມາ​ເທ​ປູ​ທາງ​ກະ​ຍັງ​ໄດ້, ແຕ່ມາ​ຮອດ​ປັດຈຸບັນ​ນີ້, ຄຳ​ກໍ​ນັບ​ມື້ຈະ​ໝົດ, ອາຍຸ​ສຳ​ປະທານ​ກໍ​ນັບ​ມື້​ໄລ່​ຢ້ອນຫລັງ, ​ເສັ້ນທາງ​ກໍ​ນັບ​ມື້​ເພ ຄຳ​ກໍ​ນັບ​ມື້ກຸດ​ຫ້ຽນ ​ມັນ​ລະ​ປຸກ​ປານ​ຢາ​ບ້ານ​ຫອມ.

  ປັດຈຸບັນ​ບໍ່​ຄຳ​ຢູ່​ປະ​ເທດ​ລາວ​ຂຸດ​ໄປ​ແລ້ວ 3 ບໍ່​ຄື: ບໍ່​ຄຳ​ເຊ​ໂປ​ນ ຢູ່ແຂວງ​ສະ

ຫວັນ​ນະ​ເຂດ, ບໍ່​ຄຳ​ແສນ​ອຸດົມທີ່​ເມືອງ​ຄຳ​ເກີດ, ​ແຂວງ​ບໍລິ​ຄຳ​ໄຊ ​ແລະ ບໍ່​ຄຳ​ພູ​ເບ້ຍ​ແຂວງ​ໄຊ​ສົມບູນ. ຕາມຊ່າ​ລື​ໃນ​ສາມ​ບໍ່​ນີ້ມີ​ຄຳ​ຫລາຍ ​ພະນັກງານ​ຜູ້​ທີ່​ມີ​ສ່ວນ​ຮັບ​ຮູ້​ສະ​ເພາະ​ບໍ່​ຄຳ​ພູ​ເບ້ຍ​ທັງ​ຫີນ​ທັງ​ແຮ່​ບົດ​ໃສ່​ລົດ​ແກ່​ແຮ່​ຄື​ເຮົາ​ເຫັນ​ແລ່ນຜ່ານ​ໄປ​ມາ​ລົດ​ໜຶ່ງ​ຈະ​ໄດ້​ຄຳ​ສົດ​ຢູ່ 3 ກິ​ໂລ​ປາຍ ວ່າ​ຊັ້ນ! ນອກຈາກ​ສະກັດ​ອອກ​ມາ​ເປັນ​ຄຳ​ສົດ​ແລ້ວ ​ກໍ​ສາມາດ​ສະກັດ​ອອກ​ເປັນ​ທາດ​ອື່ນໆ​ໄດ້​ອີກ​ດ້ວຍ.

ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ - lattana 1 - ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ

​    ໃນ​ຊ່ວງ​ໄລຍະ​ບໍ່​ດົນ​ມາ​ນີ້, ວ່າ​ມີ​ການ​ຕົກລົງ​ກັນ​ບໍ່​ໃຫ້​ຂົນ​ແຮ່-​ແກ່​ແຮ່​ໄປ​ໃນ​ຍາມ​ກາງຄືນ​ ແຕ່​ເປັນ​ຫຍັງ​ຄື​ມາ​ແກ່​ຢູ່​ເນາະ ພະນັກງານ​ຜູ້​ນັ່ງ​ຢູ່​ຂ້າງ​ຫລັງ​ທິດ​ກ່ຳ​ຈົ່ມ​ສູ່​ກັນ​ຟັງ. ສຳລັບ​ມື້ທິດ​ກ່ຳ​ໄປ​ເຫັນ​ເຂົາພວມ​ແກ່​ແມ່ນ​ຊ່ວງ​ຕອນ​ເດິກ​ລະຫວ່າງ 1-3 ​ໂມງ​ເຊົ້າ ​ເຫັນ​ລົດ​ແກ່​ແຮ່ 5-6 ຄັນ ​ແລ່ນ​ບືນ​ຂຶ້ນພູ​ລົງ​ຫ້ວຍ​ເບັດ​ໜ້າ​ໃສ່​ຈຸດ​ໝາຍ​ຄື​ທ່າ​ຂ້າມ​ຂອງ​ແຖວ​ເມືອງ​ທ່າ​ພະຍາດ ຂອງ​ແນວ​ວ່າ​ແກ່​ກາງຄືນ​ໃຜ​ບໍ່​ເຫັນ​ພວກ​ເຈົ້າໜ້າ​ທີ່​ພາກັນ​ນອນ​ໂກນ​ກຶກໆ ຫລັບ​ແຈບ​ເພາະ​ແຖວ​ຊົນນະບົດ 8-9 ​ໂມງ​ກາງຄືນ​ເຂົາ​ພາກັນ​ນອນ​ມິດ​ງຽບ​ແລ້ວ.

   ນີ້​ຄື​ສິ່ງ​ທີ່​ທິດ​ກ່ຳ​ໄດ້​ເຫັນ​ກັບ​ຕາ​ແລ້ວ​ເອົາ​ມາ​ພັນ​ລະ​ນາ​ສູ່​ກັນ​ຟັງ. ສ່ວນວ່າ​ໃຜ​ຈະ​ມີ​ຂໍ້​ຄິດ​ເຫັນ​ແນວ​ໃດ​ນັ້ນ ກໍ​ຂໍ​ໃຫ້ພິຈາລະນາ​ເອົາ​ເອງ. ​ໃນ​ໄລຍະ​ຫລາຍ​ສິບ​ປີຜ່ານມາ ​ເວົ້າ​ເຖິງ​ຜົນ​ປະ​ໂຫຍ​ດ​ເບື້ອງປະຊາຊົນ​ບ່ອນ​​ໃກ້​ຄຽງ​ກໍ​ແມ່ນ​ມີ​ວຽກ​ເຮັດ​ງານ​ທຳ, ຊົນນະບົດ​ມີ​ການ​ພັດທະນາ, ມີ​ການ​ຊ່ວຍ​ເຫລືອ​ສ້າງ​ໂຮງ​ໝໍ​ໂຮງຮຽນ, ຂຸດ​ນ້ຳບໍ່​ກໍ​ສາລາ ນັບ​ທັງ​ບໍລິການ​ຂາຍ​ຜົນ​ຜະລິດ​ກະສິກຳ​​ໃຫ້​ໂຄງການ​ເຮັດ​ໃຫ້​ປະຊາຊົນ​ມີ​ລາຍ​ຮັບ​ໃນ​ຄອບຄົວ, ສ່ວນວ່າ​ຜົນ​ປະ​ໂຫຍດ​ເບື້ອງລັດ​ກໍ​ໄດ້​ພັນທະ​ອາກອນ​ຕ່າງໆ ຕາມ​ລະບຽບ​ກົດໝາຍ​ຫລາຍ​ແສນ​ໂດ​ລາ​ຕໍ່​ປີ.

​  ແນວ​ໃດກໍ​ດີ, ສິ່ງ​ພວກ​ເຮົາ​ຕ້ອງການ​ຢາກ​ເຫັນ​ນັ້ນຄື​ເສັ້ນທາງ​ໄປມາ​ເພື່ອ​ໄປ​ຂົນ​ເອົາ​ຄຳ​ຕ້ອງ​ດີ, ທັງ​ຮັບປະກັນ​ຄຸນ​ະພາ​ບ, ປະຊາຊົນ​ທຽວ​ໄປ​ມາ​ກໍ​ໃຫ້​ສະດວກວ່ອງ​ໄວ​ທັນ​ໃຈ, ຂຸດ​ເອົາ​ຄຳ​ໄປ​ໝົດ​ແລ້ວ​ທາງ​ກໍ​ເພ, ຄຳ​ກໍ​ໝົດ ​ກາຍ​ເປັນ​ໂຊກ​ຕ່າງ​ລ່າງ ​ຂຸມ​ຂີ້ຍາງ​ຕ່າງ​ລ່າງ ​ເໝືອນ​ດັ່ງ​ເປັນ​ວັດ​ຮ້າງ​ແນວ​ນັ້ນ​ແມ່ນ​ບໍ່​ຄວນ​ເຈົ້າ​ເອີຍ ສາທຸ ອາ​ເມດ​ຕາ​ພຸດ.

ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ - 2235 - ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ

ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ - 996 - ເສັ້ນທາງ​ໄປ​ຂົນ​ເອົາ​ຄຳ​ລຳບາກ​ກາກກຳ
(ພາບປະກອບ)
error: Content is protected !!