ລັດຖະມົນຕີ ກະຊວງສາທາອອກຄໍາສັ່ງ ເພີ່ມທະວີສະກັດກັ້ນພະຍາດໄຂ້ຍຸງລາຍ

- advert banner 728 90 728x90 - ລັດຖະມົນຕີ ກະຊວງສາທາອອກຄໍາສັ່ງ ເພີ່ມທະວີສະກັດກັ້ນພະຍາດໄຂ້ຍຸງລາຍ

ເນື່ອງຈາກ ປັດຈຸບັນພະຍາດໄຂ້ຍຸງລາຍໄດ້ມີການລະບາດຮຸນແຮງໃນຫຼາຍແຂວງ, ນັບຕັ້ງແຕ່ເດືອນ ມັງກອນ 2019 ມາເຖິງປັດຈຸບັນ ມີຜູ້ເປັນໄຂ້ຍຸງລາຍເກືອບ 10 ພັນຄົນ ແລະ ມີຜູ້ເສຍຊີວິດເຖິງ 25 ຄົນ ແລະ ເຫັນວ່າການລະບາດຂອງພະຍາດດັ່ງກ່າວ ໃນປີນີ້ມີທ່າອ່ຽງຈະຮ້າຍແຮງຂຶ້ນ ຈຶ່ງຈໍາເປັນຕ້ອງມີມາດຕະການເດັດຂາດ ເພື່ອເຮັດໃຫ້ຂະບວນການຕ້ານການລະບາດຂອງພະຍາດໄຂ້ຍຸງລາຍ ມີປະສິດທິຜົນ ເພື່ອຄວບຄຸມ ແລະ ສະກັດກັັ້ນການເຈັບເປັນ ແລະ ການເສຍຊີວິດຂອງປະຊາຊົນ. ດັ່ງນັ້ນ, ລັດຖະມົນຕີ ກະຊວງສາທາລະນະສຸກ ຈຶ່ງໄດ້ອອກຄໍາສັ່ງ ໃຫ້ຮີບຮ້ອນຫັນພະນັກງານລົງຊ່ວຍເຫຼືືອໂຮງໝໍນ້ອຍ (ສຸກສາລາ) ແລະ ໂຮງໝໍເມືອງ ເພື່ອຕອບໂຕ້ໄຂ້ຍຸງລາຍ ດັ່ງນີ້:

- lattana 1 - ລັດຖະມົນຕີ ກະຊວງສາທາອອກຄໍາສັ່ງ ເພີ່ມທະວີສະກັດກັ້ນພະຍາດໄຂ້ຍຸງລາຍ

    ມອບໃຫ້ກົມຄວບຄຸມພະຍາດຕິດຕໍ່ ແລະ ການປິ່ນປົວ-ຟື້ນຟູໜ້າທີ່ການ ຈັດຕັ້ງທີມແພດລົງຊ່ວຍເຫຼືອສຸກສາລາຢູ່ເຂດທີ່ກໍາລັງມີການລະບາດຂອງພະຍາດໄຂ້ຍຸງລາຍ, ໃຫ້ພະແນກສາທາລະນະສຸກແຂວງ ແລະ ນະຄອນຫຼວງ ສົມທົບກັບອໍານາດການປົກຄອງ ເພື່ອຈັດຕັ້ງນໍາພາປະຊາຊົນສ້າງຂະບວນການທໍາລາຍແຫຼ່ງເພາະພັນຍຸງລາຍ ແລະ ປະຕິບັດ 5ປ ປະຈໍາທຸກໆອາທິດ, ໃຫ້ສູນຂໍ້ມູນຂ່າວສານ-ສຸຂະສຶກສາ ສົມທົບພາກສ່ວນສື່ມວນຊົນຂອງກະຊວງ ຖະແຫຼງຂ່າວ, ວັດທະນະທໍາ ແລະ ການທ່ອງທ່ຽວ ລົງໂຄສະນາສຸຂະສຶກສາ ຜ່ານວິທະຍຸ, ໂທລະພາບ, ໜັງສືພິມເປັນລາຍວັນຢ່າງລຽນຕິດ, ພ້ອມທັງແຈ້ງໃຫ້ປະຊາຊົນ ຜູ້ທີ່ມີອາການໄຂ້ໃຫ້ໄປພົບແພດໝໍຢູ່ສຸກສາລາ, ໂຮງໝໍເມືອງ, ແຂວງ ຫຼືໂຮງໝໍສູນກາງບ່ອນໃກ້ຄຽງ ບໍ່ຄວນປິ່ນປົວດ້ວຍຕົນເອງ, ໃຫ້ກົມປິ່ນປົວ ແລະ ຟື້ນຟູໜ້າທີ່ການ ປະສານໄປຍັງບັນດາສະຖານທີ່ບໍລິການສາທາລະນະສຸກ ໃຫ້ມີແພດປິ່ນປົວ ແລະ ພະຍາບານ ໃຫ້ການບໍລິການປິ່ນປົວຕະຫຼອດ 24 ຊົ່ວໂມງ, ໃຫ້ ມະຫາວິທະຍາໄລ ວິທະຍາສາດ ສຸຂະພາບ ຈັດທີມນັກສຶກສາແພດປີສຸດທ້າຍ ເພື່ອລົງສົມທົບກັບທີມແພດຢູ່ໂຮງໝໍ ແລະ ສຸກສາລາ ເພື່ອປະກອບສ່ວນໃນການສ້າງຂະບວນການທໍາລາຍແຫຼ່ງເພາະພັນຍຸງລາຍ ແລະ ຮັບມືກັບຜູ້ທີ່ເຈັບເປັນ, ນໍາໃຊ້ນັກຮຽນຊັ້ນປະຖົມ, ມັດທະຍົມເຂົ້າໃນຂະບວນການທໍາລາຍແຫຼ່ງເພາະພັນຍຸງລາຍ ແລະ ຕິດຕາມໜອນນໍ້າໃນແຕ່ລະຄອບຄົວຂອງແຕ່ລະບ້ານ, ໃຫ້ແຕ່ລະພາກສ່ວນນໍາໃຊ້ງົບປະມານ ບົນພື້ນຖານປະຢັດມັດທະຍັດຕາມລະບຽບການເງິນ ທີ່ກໍານົດໄວ້ ແລະ ໃຫ້ສະຫຼຸບລາຍງານການໃຊ້ຈ່າຍຕ່າງໆເປັນໄລຍະໃຫ້ຈະແຈ້ງ ແລະ ໃຫ້ແຕ່ລະພາກສ່ວນ ປະຕິບັດແຈ້ງການສະບັບນີ້ຢ່າງຮີບດ່ວນ.

- Tiger Head 728x90 - ລັດຖະມົນຕີ ກະຊວງສາທາອອກຄໍາສັ່ງ ເພີ່ມທະວີສະກັດກັ້ນພະຍາດໄຂ້ຍຸງລາຍ
- 1 1 - ລັດຖະມົນຕີ ກະຊວງສາທາອອກຄໍາສັ່ງ ເພີ່ມທະວີສະກັດກັ້ນພະຍາດໄຂ້ຍຸງລາຍ
error: Content is protected !!