ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ

ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ - advert banner 728 90 728x90 - ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ

ພະແນກຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ໃນໄລຍະເດືອນມິຖຸນາຜ່ານມານີ້, ​ຢູ່ນະຄອນຫລວງວຽງຈັນ ມີອຸປະຕິເຫດເກີດຂຶ້ນທັງໝົດ 129 ກໍລະນີ, ມີພາຫະນະເປ່ເພເຫລັກໜ້ອຍ 112 ຄັນ, ເປ່ເພສົມຄວນ 147 ແລະ ໃຊ້ການບໍ່ໄດ້ 5 ຄັນ. ໃນນີ້ຜູ້ໄດ້ຮັບບາດເຈັບເລັກໜ້ອຍ 46 ຄົນ, ສົມຄວນ 132 ຄົນ, ສາຫັດ 27 ຄົນ ແລະ ເສຍຊີວິດ 29 ລາຍ, ທຽບໃສ່ເດືອນພຶດສະພາຜ່ານມາເຫັນວ່າຕົວເລກຜູ້ເສຍຊີວິດເພີ່ມຂຶ້ນເຖິງ 19 ຄົນ ແລະ ສະເພາະອາທິດສຸດທ້າຍຂອງເດືອນມິຖຸນາໄດ້ມີອຸປະຕິເຫດເກີດຂຶ້ນເຖິງ 30 ກໍລະນີ ແລະ ມີຜູ້ເສຍຊີວິດ 6 ຄົນ ຈາກກໍລະນີອຸປະຕິເຫດລົດໃຫຍ່ຕໍາຄົນຍ່າງຂ້າມທາງ 450 ປີເຂດບ້ານໂຊກໃຫຍ່, ເຫດລົດໃຫຍ່ຕໍາລົດໃຫຍ່ຢູ່ເສັ້ນທາງ 13 ເໜືອ ເຂດບ້ານໄຊມຸງຄຸນເມືອງນາຊາຍທອງ, ຈາກເຫດການລົດໃຫຍ່ພີກປີ້ນລົງຈາກຄູທາງລົດໄຟເຂດບ້ານນາງ່າເມືອງນາຊາຍທອງ, ເຫດລົດບັນທຸກຕໍາລົດຈັກຢູ່ບ້ານໃໝ່ເມືອງສັງທອງ, ເຫດລົດໃຫຍ່ຕໍາລົດຈັກຢູ່ເສັ້ນທາງດົງໂດກເມືອງໄຊທານີ ແລະ ເຫດລົດໃຫຍ່ຕໍາລົດຈັກຢູ່ບ້ານປາກທ້ອງເມືອງສີໂຄດຕະບອງ.

ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ - new3 - ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ

   ເຈົ້າໜ້າທີ່ ໃຫ້ຮູ້ວ່າ: ສາເຫດຕົ້ນຕໍທີ່ພາໃຫ້ເກີດອຸປະຕິເຫດນີ້ ແມ່ນການດື່ມສິ່ງມືນເມົາແລ້ວຂັບ, ຂັບຂີ່ດ້ວຍຄວາມໄວສູງ, ບໍ່ເຄົາລົບລະບຽບຈະລາຈອນ, ຂັບຂີ່ແບບປະໝາດ ແລະ ອື່ນໆ. ສະນັ້ນ ໃນໄລຍະລະດູຝົນນີ້ ຈຶ່ງຮຽກຮ້ອງໃຫ້ນັກຂັບຂີ່ຈົ່ງມີສະຕິລະວັງຫລາຍຂຶ້ນໃນການໃຊ້ລົດໃຊ້ຖະໜົນ, ໂດຍສະເພາະບໍ່ຂັບຂີ່ລົດໄວ, ເຄົາລົບກົດຈະລາຈອນ, ກວດເຊັກສະພາບເຕັກນິກພາຫະນະໃຫ້ຮັບປະກັນ, ພ້ອມທັງໃຫ້ກຽດເຊິ່ງກັນ ແລະ ກັນໃນການສັນຈອນບົນທ້ອງຖະໜົນ ແລະ ອັນສໍາຄັນເມື່ອດື່ມສິ່ງມືນເມົາແລ້ວບໍ່ຄວນຂັບລົດ, ເຊິ່ງນອກຈາກຈະສ່ຽງເກີດອຸປະຕິເຫດແລ້ວ, ອາດຈະຖືກເຈົ້າໜ້າທີ່ປັບໃໝ່ຫລາຍເທົ່າຕາມລະບຽບການອີກດ້ວຍ.

ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ - lattana 1 - ເດືອນມິຖຸນາຜ່ານມາຢູ່ນະຄອນຫລວງວຽງຈັນມີຜູ້ເສຍຊີວິດ 29 ຄົນຈາກອຸປະຕິເຫດບົນທ້ອງຖະໜົນ
error: Content is protected !!