6 ເດືອນຕົ້ນປີ 2019 ນະຄອນຫຼວງວຽງຈັນ ມີຜູ້ເປັນໄຂ້ຍຸງລາຍເກືອບ 2 ພັນຄົນ ແລະ ເສຍຊີວິດແລ້ວ 6 ຄົນ

- advert banner 728 90 728x90 - 6 ເດືອນຕົ້ນປີ 2019 ນະຄອນຫຼວງວຽງຈັນ ມີຜູ້ເປັນໄຂ້ຍຸງລາຍເກືອບ 2 ພັນຄົນ ແລະ ເສຍຊີວິດແລ້ວ 6 ຄົນ

ເນື່ອງຈາກປັດຈຸບັນເປັນລະດູຝົນ ຈຶ່ງເຮັດໃຫ້ພະຍາດໄຂ້ຍຸງລາຍມີການລະບາດຮຸນແຮງໃນຫຼາຍແຂວງ, ນັບຕັ້ງແຕ່ເດືອນ ມັງກອນ ເຖິງວັນທີ 3 ກໍລະກົດ  2019 ນີ້, ທົ່ວປະເທດມີຜູ້ຕິດເຊື້ອໄຂ້ຍຸງລາຍສູງເຖິງ 10.787 ຄົນ ແລະ ມີຜູ້ເສຍຊີວິດແລ້ວ 25 ຄົນ ແລະ ເຫັນວ່າການລະບາດຂອງພະຍາດດັ່ງກ່າວ ຍັງມີທ່າອ່ຽງຮ້າຍແຮງຂຶ້ນ. ໂດຍສະເພາະຢູ່ນະຄອນຫຼວງວຽງຈັນ ໄດ້ມີຜູ້ເປັນພະຍາດໄຂ້ຍຸງລາຍສູງເຖິງ 1.970 ກ່າວຄົນ ແລະ ເສຍຊີວິດແລ້ວ 6 ຄົນ ແລະ ໃນ 18 ແຂວງທົ່ວປະເທດ, ມີພຽງ 2 ແຂວງທີ່ບໍ່ພົບການລະບາດຂອງພະຍາດດັ່ງກ່າວ ຄື: ແຂວງ ຫົວພັນ ແລະ ຜົ້ງສາລີ.

- lattana 1 - 6 ເດືອນຕົ້ນປີ 2019 ນະຄອນຫຼວງວຽງຈັນ ມີຜູ້ເປັນໄຂ້ຍຸງລາຍເກືອບ 2 ພັນຄົນ ແລະ ເສຍຊີວິດແລ້ວ 6 ຄົນ

ທ່ານນາງ ຄໍາຫຼ້າ ຈຸນນີວົງ ຮອງອໍານວຍການ ໂຮງໝໍເສດຖາທິຣາດ ໃຫ້ຮູ້ວ່າ: ໃນ 6 ເດືອນຕົ້ນປີ 2019 ນີ້, ມີຜູ້ເປັນພະຍາດໄຂ້ຍຸງລາຍເຂົ້າມາປິ່ນປົວຢູ່ໂຮງໝໍດັ່ງກ່າວແລ້ວ 298 ຄົນ ແລະ ຍັງບໍ່ມີຜູ້ເສຍຊີວິດ. ແຕ່ເຫັນວ່າໃນໄລຍະ 2 ອາທິດຜ່ານມານີ້, ມີຄົນເຈັບເຂົ້າມາປິ່ນປົວສູງເຖິງ 253 ຄົນ, ໃນນັ້ນ, ຄົນເຈັບກວດເຂດນອກ 55 ຄົນ, ກວດສຸກເສີນ 37 ຄົນ, ຄົນເຈັບທີ່ເຂົ້າມານອນຢູ່ພະແນກເດັກນ້ອຍ 26 ຄົນ ແລະ ຄົນເຈັບເຂົ້ານອນຢູ່ພະແນກພາຍໃນມີ 135 ຄົນ.

ເພື່ອຮັບມືກັບສະພາບດັ່ງກ່າວ, ທາງໂຮງໝໍໄດ້ມີການກະກຽມຄວາມພ້ອມ ເປັນຕົ້ນແມ່ນ ດ້ານບຸກຄະລາກອນ ໂດຍໄດ້ມີການແບ່ງຈຸເວນຍາມຂອງແພດໝໍ ແລະ ພະຍາບານ, ມີທີມງານເສີມ ຂອງນັກສຶກສາປີສຸດທ້າຍຈາກ ມະຫາວິທະຍາໄລ ວິທະຍາສາດ ສຸຂະພາບ ລົງມາສົມທົບຕື່ມ ເພື່ອຊ່ວຍຕິດຕາມ ໃນກໍລະນີທີ່ມີຄົນເຈັບມາຫຼາຍ ແລະ ນອກນີ້, ທາງໂຮງໝໍຍັງໄດ້ມີການກະກຽມສະຖານທີ່ເພື່ອຮອງຮັບ ແລະ ກຽມພ້ອມໃນການເສີມຕຽງນອນຂອງຄົນເຈັບ, ຢາ ແລະ ເຄື່ອງມືການແພດຕ່າງໆ ເພື່ອປິ່ນປົວຜູ້ຕິດເຊື້ອພະຍາດດັ່ງກ່າວໃຫ້ທົ່ວເຖິງ ແລະ ປອດໄພ.

- 1 1 - 6 ເດືອນຕົ້ນປີ 2019 ນະຄອນຫຼວງວຽງຈັນ ມີຜູ້ເປັນໄຂ້ຍຸງລາຍເກືອບ 2 ພັນຄົນ ແລະ ເສຍຊີວິດແລ້ວ 6 ຄົນ
- Tiger Head 728x90 - 6 ເດືອນຕົ້ນປີ 2019 ນະຄອນຫຼວງວຽງຈັນ ມີຜູ້ເປັນໄຂ້ຍຸງລາຍເກືອບ 2 ພັນຄົນ ແລະ ເສຍຊີວິດແລ້ວ 6 ຄົນ
error: Content is protected !!