ຕ້ອງຮ່ວມກັນຕ້ານຂ່າວປອມຢ່າງຈິງຈັງ

ຕ້ອງຮ່ວມກັນຕ້ານຂ່າວປອມຢ່າງຈິງຈັງ - advert banner 728 90 728x90 - ຕ້ອງຮ່ວມກັນຕ້ານຂ່າວປອມຢ່າງຈິງຈັງ

ໂດຍ: ລູກເມືອງພວນ

ຕ້ອງຮ່ວມກັນຕ້ານຂ່າວປອມຢ່າງຈິງຈັງ - new3 - ຕ້ອງຮ່ວມກັນຕ້ານຂ່າວປອມຢ່າງຈິງຈັງ

ດັ່ງທີ່ພວກເຮົາຮູ້ແລ້ວວ່າ, ຂ່າວປອມເປັນຂ່າວທີ່ມີເນື້ອໃນບໍ່ຖືກຕ້ອງຕາມຄວາມເປັນຈິງ ຫຼື ອາດຈະເອີ້ນວ່າຂ່າວ “ຂີ້ຕົວະ”, ຂ່າວ “ເສກສັນປັ້ນແຕ່ງ” ຊຶ່ງມີຄວາມອັນຕະລາຍມະຫາສານຕໍ່ຊັບສິນ ແລະ ຊີວິດອິນຊີຂອງຄົນເຮົາ. ຍິ່ງໄປກ່ວານັ້ນ, ຍັງສົ່ງຜົນກະທົບເຖິງຄວາມໝັ້ນຄົງແຫ່ງຊາດອີກດ້ວຍ. ຂ່າວ “ປອມ” ໄດ້ກາຍເປັນບັນຫາໃຫ່ຍ ແລະ ເປັນບັນຫາຮ້ອນທີ່ສຸດຂອງໂລກໃນປັດຈຸບັນ, ໄດ້ກາຍເປັນບັນຫາກວມລວມຂອງທຸກໆຊາດໃນໂລກ, ບໍ່ແມ່ນສະເພາະຂອງຊາດໃດຊາດໜຶ່ງ. ດັ່ງນັ້ນ, ການຕ້ານຂ່າວປອມ ຈຶ່ງມີຄວາມຈຳເປັນຕ້ອງມີການຮ່ວມມືກັນໃນລະດັບໂລກ ຄືກັນກັບບັນຫາອາຊະຍາກຳກໍ່ການຮ້າຍ, ບັນຫາສະພາບແວດລ້ອມ, ບັນຫາການປ່ຽນແປງດິນຟ້າອາກາດ, ບັນຫາພາວະເຮືອນແກ້ວ, ບັນຫາມະນຸດສະທຳ ແລະ ອື່ນໆ. ແຕ່ໃນຄວາມເປັນຈິງແລ້ວ, ບັນຫາຕ້ານຂ່າວປອມໃນໂລກປັດຈຸບັນບໍ່ທັນໄດ້ມີອົງກອນ ຫຼື ອົງການກ່ຽວກັບການຕ້ານຂ່າວປອມລະດັບໂລກ ຄືກັນກັບບັນຫາອື່ນໆທີ່ກ່າວມາ. ເຖິງຢ່າງໃດກໍ່ດີ, ໄດ້ເລີ່ມມີປະເທດຈຳນວນໜຶ່ງໄດ້ຮ່າງກົດໝາຍຕ້ານຂ່າວປອມອອກມາແລ້ວ ແລະ ເລີ່ມມີການລົງໂທດຢ່າງໜັກໜ່ວງຕໍ່ຜູ້ທີ່ອອກຂ່າວປອມ ຫຼື ສຳນັກຂ່າວໃດຫາກສ້າງຕັ້ງສື່ປອມຂຶ້ນມາ, ໃນນັ້ນບັນດາປະເທດໃນອາຊີ​ ໂດຍສະເພາະແມ່ນບັນດາປະເທດອາຊີຕາເວັນອອກສ່ຽງໃຕ້ເຊັ່ນ: ສິງກະໂປ, ມາເລເຊຍ, ຟີລິບປິນ, ໄທ ແລະ ອີນໂດເນເຊຍ ໄດ້ມີກົດວ່າດ້ວຍການຕ້ານຂ່າວປອມ ແລະ ຄວບຄຸບເຄືອຂ່າຍສື່ຕາງໆ ຢ່າງເຂັ້ມງວດກວດຂັນ, ສ່ວນປະເທດໃນຕາເວັນຕົກບໍ່ທັນເຫັນຫຼາຍເທົ່າທີ່ຄວນ ແຕ່ກໍ່ປະກົດມີບາງປະເທດທີ່ເອົາຈິງກັບການຄວບຄຸ່ມສື່ ແລະ ຂ່າວປອມ ເຊັ່ນ: ຝຣັ່ງ, ລັດເຊຍ…

ສຳລັບຢູ່ລາວເຮົາ, ຂ່າວປອມກໍເລີ່ມກໍ່ຮ່າງສ້າງຕົວຂຶ້ນມາແລ້ວ, ດັ່ງທີ່ພວກເຮົາຮູ້ ເຫັນນຳກັນຜ່ານມາວ່າ: ທ່ານນາຍົກລາວຖືກຍິງ(ລອບສັງຫານ), ໜ້າສື່ອອນລາຍມີຊື່ວ່າ: “Support Prime Minister Thongloun Sisoulith” , ເຂື່ອນໄຟຟ້າເຊປຽນ-ເຊນໍ້ານ້ອຍ ເມືອງສະໜາມໄຊ ແຂວງອັດຕະປື ແຕກພັງ ແມ່ນຍ້ອນ “ສີມື” ຂອງລັດຖະບານລາວ, ອື່ນໆ ແລະ ອື່ນໆ. ອັນໄດ້ສົ່ງຜົນກະທົບກະເທືອນເຖິງຈິດໃຈຂອງປະຊາຊົນ ແລະ ສັງຄົມທົ່ວໄປ ບໍ່ມີຄວາມເຊື່ອໝັ້ນຕໍ່ລັດຖະບານ, ເຮັດໃຫ້ປະຊາຊົນເກີດຄວາມສັບສົນ ກະວົນກະວາຍ ແລະ ບໍ່ຮູ້ວ່າຈະເຊື່ອຂາວໃດກັນແທ້, ຂ່າວໃດຖືກ ຂ່າວໃດປອມ ສັບສົນໄປໝົດ. ນອກຈາກນີ້, ຍັງມີຂ່າວໃສ່ຮ້າຍປ້າຍສີພັກ ແລະ ລັດຖະບານວ່າ: ລັດຖະບານບໍ່ໃຫ້ສິດອຳນາດ ແລະ ຄວາມເສລີພາບຕໍ່ປະຊາຊົນ, ລັດຖະບານລາວປ່ອຍປະໃຫ້ຈີນ ແລະ ຫວຽດນາມມາຄວບຄຸມລາວ, ລາວເປັນປະເທດຈີນ ແລະ ຫວຽດນາມໝົດແລ້ວ…ສິ່ງເຫຼົ່ານີ້ ມັນໄດ້ສັ່ນຄອນຈິດໃຈປະຊາຊົນທີ່ຮູ້ບໍ່ເທົ່າເຖິງການ ແລະ ພະນັກງານຈຳນວນໜຶ່ງທີ່ມີທັດສະນະຫຼັກໝັ້ນບໍ່ໜັກແໜ້ນ, ກຳແນວທາງ ແຜນນະໂຍບາຍຂອງລັດຖະບານບໍ່ເລິກເຊິ່ງ. ຖ້າພວກເຮົາຫາກບໍ່ມີວິທີການ ຫຼື ມາດຕະການທີ່ເດັດຂາດແຕ່ຫົວທີ ຈັກໜ້ອຍຈະເອົາມັນບໍ່ຢູ່. ເຖິງເວລາແລ້ວທີ່ຍັງບໍ່ທັນສວາຍເກີນແກ້, ຕ້ອງມີມາດຕະການ ຫຼື ມີລະບົບກົດໝາຍຄວບຄຸມ ແລະ ສະກັດກັ້ນຂ່າວປອມໂດຍສະເພາະ, ພ້ອມທັງຮ່ວມມືກັບສາກົນປາບຂ່າວປອມ ປຽບສະເໝືອນພະຍາດທີ່ເປັນອັນຕະລາຍຮ້າຍແຮງຊະນິດໜຶ່ງ ຫຼື ອາດຈະເວົ້າວ່າ ແມ່ນພະຍາດມະເຮັງກໍ່ວ່າໄດ້.

ຕ້ອງຮ່ວມກັນຕ້ານຂ່າວປອມຢ່າງຈິງຈັງ - lattana 1 - ຕ້ອງຮ່ວມກັນຕ້ານຂ່າວປອມຢ່າງຈິງຈັງ

ລາວເຮົາເປັນປະເທດນ້ອຍດ້ອຍພັດທະນາ, ທັດສະນະຫຼັກໝັ້ນການເມືອງຂອງປະຊາຊົນສ່ວນຫຼາຍບໍ່ທັນສູງເທົ່າທີ່ຄວນ, ການເສບສື່ບໍ່ທັນມີການເລືອກເຟັ້ນ, ໂດຍສະເພາະແມ່ນໄວລຸ່ນທີ່ບໍ່ທັນມີວິຈາລະຍານທີ່ເລິກເຊິງ ກໍ່ຈະເສບສື່ທີ່ບໍ່ຖືກຕ້ອງ ແລະ ກະທຳຜິດກົດໝາຍຢ່າງຫຼວງຫຼາຍໃນທຸກວັນນີ້. ນັບທັງອຸປະຕິເຫດ, ນັບທັງຂີ້ລັກມັກສົກ, ເສບຢາເສບຕິດ, ຄ້າຂາຍອາວຸດເຖື່ອນ, ຄາດຕະກຳ, ຂ້າເຈົ້າເອົາຂອງ. ນີ້ເປັນສ່ວນໜຶ່ງແມ່ນຮຽນຫຼອກແບບມາຈາກສື່ສັງຄົມອອນລາຍ, ຈາກຂ່າວຕົວະຍົວະຫຼອກລວງ, ຂ່າວບິດເບືອນຄວາມຈິງ, ຊວນເຊື່ອໄວລຸ່ນແລ່ນນຳສັງຄົມຫຼີ້ນກິນຟູມເຟືອຍ. ເຖິງເວລາແລ້ວທີ່ພວກເຮົາຈະຕ້ອງມີສະຕິລັວັງຕົວຕ້ານ ແລະ ສະກັດກັ້ນຂ່າວປອມແຕ່ຫົວທີ, ມອດໄຟແຕ່ຕົ້ນລົມ, ກ່ອນທີ່ຈະສວາຍເກີນແກ້. ພວກເຮົາຕ້ອງເຂົ້າໃຈວ່າ: “ປ້ອງກັນດີກກວ່າແກ້” .

error: Content is protected !!