ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ

ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ - advert banner 728 90 728x90 - ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ

ປັດຈຸບັນ,​ ຊາວກະສິກອນໃນຫລາຍທ້ອງຖິ່ນພວມຂຸ້ນຂ້ຽວປັກດໍານາປີໃຫ້ທ່ວງທັນຕາມລະດູການ, ເຊິ່ງຕາມການລາຍງານຂອງກະຊວງກະສິກໍາ-ປ່າໄມ້ ໃຫ້ຮູ້ວ່າ: ມາຮອດດຽວນີ້, ການປັກດໍານາປີຂອງຊາວນາໃນທົ່ວປະເທດປະຕິບັດໄດ້ແລ້ວກວ່າ 10% ຂອງແຜນການປີໃນເນື້ອທີ່ 850.000 ເຮັກຕາ ແລະ ຜົນຜະລິດໃຫ້ໄດ້ 3,6 ລ້ານໂຕນ.

ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ - new3 - ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ

  ຕາມການລາຍງານຂອງຂະແໜງປູກຝັງພະແນກກະສິກຳ ແລະ ປ່າໄມ້ແຂວງບໍລິຄຳໄຊ ໃຫ້ຮູ້ວ່າ: ການຜະລິດລະດູຝົນຂອງຊາວກະສິກອນປີນີ້ ມີເນື້ອທີ່ທັງໝົດ 37.470 ເຮັກຕາ, ສະມັດຕະພາບ 3,8 ໂຕນຕໍ່ເຮັກຕາ, ຜົນຜະລິດໃຫ້ໄດ້ 142 ພັນກວ່າໂຕນ, ມາຮອດປັດຈຸບັນການຕົກກ້າໄດ້ສຳເລັດແລ້ວ 100% ແລະ ໄດ້ລົງມືປັກດຳໄດ້ແລ້ວກວ່າ 36% ເທົ່າກັບ 11 ພັນກວ່າ ເຮັກຕາ. ໃນນີ້ນາຫວ່ານ 5.630 ເຮັກຕາ.

  ຫົວໜ້າຂະແໜງດັ່ງກ່າວ ໃຫ້ຮູ້ວ່າ: ການປັກດຳເຂົ້ານາປີນີ້ຂອງຊາວກະສິກອນໃນທົ່ວແຂວງແມ່ນວ່ອງໄວ ຍ້ອນວ່າສະພາບດິນຟ້າອາກາດເອື້ອອໍານວຍແລະ ຄາດວ່າການປັກດຳນາປີຈະສຳເລັດໃນທ້າຍເດືອນກໍລະກົດນີ້.

ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ - lattana 1 - ຫລາຍທ້ອງຖິ່ນເລັ່ງປັກດຳນາປີໃຫ້ທັນລະດູການ

   ສ່ວນຢູ່ເມືອງໄຊຍະບູລີ, ທ່ານຫົວໜ້າຫ້ອງການກະສິກຳ ແລະ ປ່າໄມ້ ເມືອງ ໃຫ້ຮູ້ວ່າ: ການຜະລິດລະດູຝົນປີນີ້, ທົ່ວເມືອງວາງຄາດໝາຍສູ້ຊົນປູກພືດໃຫ້ໄດ້ໃນເນື້ອທີ່ທັງໝົດ 22.300 ເຮັກຕາ. ມາຮອດປັດຈຸບັນປະຕິບັດໄດ້ 19 ພັນເຮັກຕາ. ໃນນັ້ນປູກເຂົ້ານາປີມີເນື້ອທີ່ 4.350 ເຮັກຕາ, ປັດຈຸບັນຕົກກ້າສຳເລັດແລ້ວ 95%, ການກຽມດິນໄຖຮູດສຳເລັດ 70%, ເຮັດນາຢອດມີ 6 ຄອບຄົວ, ຢອດເຂົ້າສຳເລັດ 4 ເຮັກຕາ ແລະ ປັກດຳສຳເລັດ 58 ເຮັກຕາ ລວມເປັນ 62 ກວ່າເຮັກຕາເທົ່າກັບ 1,44% ຂອງເນື້ອທີ່ແຜນການວາງໄວ້, ຊຶ່ງເຂດທີ່ມີການປັກດຳແລ້ວແມ່ນເຂດທີ່ໄດ້ຮັບນໍ້າຊົນລະປະທານພຽງພໍເຊັ່ນ: ເຂດນາຫລາ, ນາລາ ແລະ ທົ່ງນາໄໝ, ສ່ວນເຂດນອກຊົນລະປະທານແມ່ນປັກດຳໄດ້ພຽງເລັກໜ້ອຍ, ເນື່ອງຈາກເກີດໄພແຫ້ງແລ້ງ, ຊະນິດແນວພັນເຂົ້າທີ່ຊາວນາປູກສ່ວນຫລາຍແມ່ນແນວພັນປັບປຸງ ຄື: ແນວພັນເຂົ້າທ່າດອກຄຳ, ຖິ່ນແກ້ວ 17, ເຂົ້າ 450 ປີ, ຈ້າວມະລິ 105 ແລະ ເຂົ້າພັນພື້ນເມືອງອີກຈຳນວນໜຶ່ງ. ສ່ວນການຜະລິດເຂົ້າໄຮ່ ມີເນື້ອທີ່ 2.250 ເຮັກຕາ, ມາຮອດປັດຈຸບັນປະຕິບັດໄດ້ 2.245 ເຮັກຕາເທົ່າກັບ 99%.

error: Content is protected !!