ຄວາມຄິດໃໝ່ໃນການຕ້ານຂ່າວປອມ

- advert banner 728 90 728x90 - ຄວາມຄິດໃໝ່ໃນການຕ້ານຂ່າວປອມ

ເພື່ອຕ້ານກັບຜົນກະທົບທີ່ມາຈາກຂ່າວປອມ, ຄົນລຸ່ນໜຸ່ມຂອງຫວຽດນາມຄວນໄດ້ປະກອບຄວາມສຳນານໃນການອ່ານໃຫ້ເຂົ້າໃນເພື່ອປົກປ້ອງຕົນເອງ ທີ່ຈະຖືກເປັນເຫຍື່ອຂອງຂ່າວປອມ.

- lattana 1 - ຄວາມຄິດໃໝ່ໃນການຕ້ານຂ່າວປອມ

ຂ່າວປອມ (fake news) ນັບມື້ນັບແຜ່ຫຼາຍທົ່ວໄປຢູ່ໃນສັງຄົມ ຍ້ອນບໍ່ມີການຄວບຄຸມ ແລະ ຍ້ອນຄວາມຮັບຮູ້ບໍ່ເທົ່າເຖິງການຂອງຜູ້ເສບສື່ສັງຄົມອອນລາຍ. ການປ່ອຍຂ່າວປອມອອກໄປບາງເທື່ອກໍ່ແມ່ນເພື່ອຈຸດປະສົງຂອງບຸກຄົນ ຫຼື ອາດຈະມີການພົວພັນເຖິງບັນຫາການເມືອງ ແລະ ວັດທະນະທຳ. ຜົນງານການຄົ້ນຄ້ວາຊິ້ນໜຶ່ງຂອງສະຖາບັນຄົ້ນຄ້ວາເທັກໂນໂລຢີ Massachusetts ໄດ້ພິສູດໃຫ້ເຫັນພະລັງດຶງດູດຂອງຂ່າວປອມທຽບໃສ່ຂ່າວຈິງເຫັນວ່າ: ຂ່າວປອມຖືກແບ່ງປັນອອກໄປ(ແຜ່ຂ່າວອອກໄປ) ສູງກ່ວາ 70% ແລະ ຄວາມໄວຂອງການແຜ່ຂ່າໄວກ່ວາທົບ 6 ເທື່ອ.

ການອ່ານໃຫ້ເຂົ້າໃຈແມ່ນວິຊາໜຶ່ງຊ່ວຍໃຫ້ຜູ້ຮຽນສາມາດຮັບຮູ້ໄດ້ຜົນກະທົບຂອງຂໍ້ມູນຂ່າວສານຂອງສື່ມວນຊົນຕໍ່ກັບການດຳລົງຊີວິດຢູ່ໃນສັງຄົມ. ວິຊາອ່ານໃຫ້ເຂົ້າໃຈຈະຊ່ວຍເສີມຂະຫຍາຍຈີນຕະນາການວິເຄາະຕໍ່ກັບຂໍ້ມູຂ່າວສານ

ຈາກພາຫະນະສື່ມວນຊົນ. ຈາກນັ້ນກໍ່ຈະມີການຕັດສິນໃຈຮັບເອົາ ຫຼື ປະຕິເສດ. ຄົນທີ່ດຳລົງຊີວິດຢູ່ໃນຍຸກອີນເຕີແນັດ ອາດຈະຜູກພັນກັນໄດ້ດ້ວຍຫຼາຍຊ່ອງທາງ. ຜູ້ໜຶ່ງໆ ທັງເປັນຜູ້ຮັບຂໍ້ມູນຂ່າວສານ ທັງເປັນຜູ້ແຜ່ຂ່າວອອກໄປ ແລະ ທັງເປັນຜູ້ສ້າງຂ່າວ. ໃນສະຕະວັດທີ 21 ນີ້, ການອ່ານໃຫ້ເຂົ້າໃຈຂໍ້ມູນຂ່າວສານແມ່ນຄວາມຊຳນິຊຳນານທີ່ຈຳເປັນ ແລະ ມີບົດບາດປຽບສະເໝືອນກັບວ່າ, ເປັນແຜນກຳບັງເພື່ອປ້ອງກັນໃຫ້ພວກເຮົາລຸດພົ້ນອອກຈາກຂໍ້ມູນຂ່າວສານທີ່ບໍ່ມີມູນຄວາມຈິງ.

ຍ້ອນເຫດຜົນດັ່ງກ່າວ, ປັດຈຸບັນໄດ້ມີຫຼາຍຊາດໄດ້ເອົາວິຊາອ່ານໃຫ້ເຂົ້າໃນເຂົ້າຢູ່ໃນຫຼັກສູດການສຶກສາຂອງຕົນ. Australia ເປັນປະເທດທຳອິດທີ່ໄດ້ນຳເອົາວິຊາອ່ານໃຫ້ເຂົ້າໃຈເຂົ້າໃນຫຼັກສູດການຮຽນ-ການສອນແຕ່ຂັ້ນອະນຸບານຈົນເຖິງ ມ.7. ຢູ່ ສະວິດເດັນ, ນັກຮຽນແຕ່ ມ.2 – ມ.4 ໄດ້ໄດ້ຮຽນວິຊາ ຈັດການ ກັບຂ່າວປອມ, ໃນຂະນະດຽວກັນ ບັນດາມະຫາວິທະຍາໄລຂອງ ອັງກິດ ໄດ້ໃຫ້ນັກຮຽນຮຽນເພີ່ມວິຊາ ອອນລາຍ ( online ) ບໍ່ໄດ້ເສຍຄ່າ. ຢູ່ ອາຊີ ແມ່ນປະເທດ ຟີລິບປິນ ເປັນປະເທດທຳອິດທີ່ໄດ້ນຳເອົາວິຊາ ອ່ານໃຫ້ເຂົ້າໃຈ ແລະ ວີຊາ online ເຂົ້າຢູ່ໃນຫຼັກສູດການຮຽນ-ການສອນ.

ລະບົບການສຶກສາຂອງ ສິງກະໂປ ກໍ່ໄດ້ມີຄວາມພະຍາຍາມຈະນຳເອົາວິຊາ ອ່ານໃຫ້ເຂົ້າໃຈ ເຂົ້າຢູ່ໃນຫຼັກສູດການຮຽນ-ການສອນຂອງຕົນ. ໃນເດືອນ ມີນາຜ່ານມານີ້, ລັດຖະບານສິງກະໂປໄດ້ປະກາດວ່າ ຈະນຳໃຊ້ຫຼັກສູດການສິດສອນແບບໃໝ່ ເພື່ອປະກອບຄວາມຮູ້ໃຫ້ນັກຮຽນຊັ້ນມັດທະຍົມຕົ້ນ ມີຄວາມຮູ້ກ່ຽວກັບຂ່າວປອມ ແລະ ໃຫ້ ເຂົາເຈົ້າຮູ້ຈຳແນກຂ່າວເຫດການ ກັບຂ່າວ ບົດຄວາມ. ອັນນັ້ນ, ແມ່ນຄວາມພະຍາຍາມຂອງລັດຖະບານສິງກະໂປ ເພື່ອຕ້ານຂ່າວປອມ ແລະ ສ້າງສັງຄົມໃຫ້ສີວິໄລ.

ຫຼັກສູດ ອ່ານໃຫ້ເຂົ້າໃຈ ແມ່ນແນໃສ່ນັກຮຽນ, ຄົນລຸ່ນໜຸ່ມເປັນຕົ້ນຕໍ ເພາະຈຳພວກຄົນເຫຼົ່ານີ້, ແມ່ນລຸ່ນຄົນທີ່ໄດ້ຮັບຜົນກະທົບຫຼາຍກ່ວາໝູ່ຈາກສື່ສັງຄົມ ແລະ ການພັດທະນາເທັກໂນໂລຢີຍຸກປັດຈຸບັນ.

- Tiger Head 728x90 - ຄວາມຄິດໃໝ່ໃນການຕ້ານຂ່າວປອມ
- 1 1 - ຄວາມຄິດໃໝ່ໃນການຕ້ານຂ່າວປອມ

ຮຽບຮຽງໂດຍ: ລູກເມືອງພວນ

- 336444 - ຄວາມຄິດໃໝ່ໃນການຕ້ານຂ່າວປອມ

error: Content is protected !!