ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ

ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ - advert banner 728 90 728x90 - ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ

ໂດຍ: ວິ​ເສດ ສະ​ແຫວ​ງສຶກສາ

ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ - new3 - ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ

ໃນຂະບວນປົກປັກຮັກ ສາສິ່ງແວດລ້ອມທີ່ປະເທດ ຕ່າງໆເອົາຈິງເອົາຈັງຢູ່ໃນ ປັດຈຸບັນນີ້ ເຫັນວ່າບັ້ນຮົບເພື່ອຈຳກັດ ແລະ ກຳຈັດຂີ້ ເຫຍື້ອປະລາສະຕິກ, ໂດຍສະ ເພາະແມ່ນປະເພດຖົງຢາງໃຊ້ສອຍ ທີ່ໃຊ້ເທື່ອດຽວແລ້ວ ຖິ້ມນັ້ນມາແຮງເປັນພິເສດ ເຖິງຂັ້ນຫລາຍໆປະເທດໄດ້ “ເຢິກ” ພ້ອມກັນເຊັ່ນບັນດາ ປະເທດສະມາຊິກສະຫະພາບເອີຣົບ ຫລື ອີຢູ (EU).

ໃນເດືອນມີນາປີນີ້, ລັດ ຖະສະພາເອີຣົບ (ອີພີ – EP) ໄດ້ເປັນເອກະພາບຮັບຮອງ ເອົາແຜນເກືອດຫ້າມການນຳໃຊ້ຜະລິດຕະພັນເຮັດດ້ວຍ ຢາງທີ່ໃຊ້ພຽງຄັ້ງດຽວທຸກ ຊະນິດ ນັບແຕ່ທໍ່ດູດຮອດຂອງ ແກະຂີ້ຫູ, ແຜນເກືອດຫ້າມນີ້ ມີກຳນົດປະຕິບັດໃຫ້ສຳເລັດ ພາຍໃນອີກສອງປີຂ້າງໜ້າ (2021).

ຂ່າວບອກວ່າ: ສຳລັບ ເຄື່ອງໃຊ້ອື່ນໆ ທີ່ເຮັດດ້ວຍ ຢາງ (ແຕ່ບໍ່ແມ່ນຖົງຢາງ) ນັ້ນອີຢູກໍໄດ້ຮຽກຮ້ອງໃຫ້ ບັນດາປະເທດສະມາຊິກໃຊ້ ວັດຖຸອື່ນໆ ທີ່ມີຄວາມຍືນຍົງ ຜະລິດ. ພາຍໃນປີ 2025 ອີຢູ ວາງເປົ້າໝາຍແປຮູບກະຕຸກປະລາສະຕິກ ເພື່ອນຳມາໃຊ້ ໃໝ່ (ຣີໄຊເຄີນ) ໃຫ້ໄດ້ 90% ເພາະວ່າຂີ້ເຫຍື້ອປະລາສະຕິກທີ່ສະສົມຢູ່ທ້ອງທະເລມະ ຫາສະໝຸດເຄິ່ງໜຶ່ງແມ່ນຕຸກ ຢາງນີ້ລະ.

ມາດຕະການເກືອດຫ້າມການນຳໃຊ້ຜະລິດຕະພັນ  ປະລາສະຕິກທີ່ໃຊ້ພຽງຄັ້ງດຽວນີ້ຈະເຮັດໃຫ້ ອີຢູ ຕ້ອງ ໄດ້ໃຊ້ງົບປະມານລະຫວ່າງ 259-695 ລ້ານເອີໂຣ ຫລື ລະຫວ່າງ 291-781 ລ້ານໂດລາສະຫະລັດ. ທັງນີ້ກໍເພາະ ວ່າຜະລິດຕະພັນທີ່ເຮັດດ້ວຍ ຢາງໃນປັດຈຸບັນນັ້ນມີຈຳ ນວນຫລາຍກວ່າຈຳນວນ ທີ່ຜະລິດໃນຊຸມປີ 1960  ກວ່າ 20 ເທົ່າ.

ທາງເບື້ອງປະເທດກາ ນາດາ ກໍມີຂ່າວອອກມາໃນ ຕົ້ນເດືອນມິຖຸນາຜ່ານມາວ່າ ລັດ ຖະບານຂອງປະເທດນີ້ ໄດ້ ອອກມາປະກາດເປ້ງໆວ່າ ຈະຕາມຮອຍສະຫະພາບ ເອີຣົບ ໃນການເກືອດຫ້າມ ການໃຊ້ຜະລິດຕະພັນຢາງ ທີ່ໃຊ້ພຽງເທື່ອດຽວໃຫ້ສຳ ເລັດພາຍໃນປີ 2021.

ສ່ວນວ່າຜະລິດຕະພັນ ຊະນິດໃດຈະນອນຢູ່ໃນບັນ ຊີເກືອດຫ້າມນັ້ນ ທາງການ ການາດາ ຈະອີງໃສ່ພື້ນຖານ ການວິໄຈທາງວິທະຍາສາດກ່ອນ ແຕ່ກໍຄົງຈະເປັນພວກ ຕຸກນ້ຳດື່ມ, ຖົງຢາງໃຊ້ສອຍ ແລະ  ທໍ່ດູດເຄື່ອງດື່ມ. ບັດນີ້ ລອງຫັນໄປເບິ່ງອິນໂດເນເຊຍ ເຊິ່ງເປັນ 1 ໃນ 5 ປະເທດ ອາ ຊຽນທີ່ສ້າງຂີ້ເຫຍື້ອປະລາ ສະຕິກຫລາຍທີ່ສຸດ (ໄທ, ອິນໂດເນເຊຍ, ຟີລິບປິນ, ມາເລເຊຍ ແລະ ຫວຽດ ນາມ) ໂດຍສະເພາະແມ່ນຂີ້ ເຫຍື້ອທີ່ໄປກອງກັນຢູ່ຕາມ ທ້ອງທະເລ.

ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ - lattana 1 - ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ

ຂໍຍົກເອົາສະເພາະບາ ຫລີ ນະຄອນເກາະແຫລ່ງ ທ່ອງທ່ຽວຂັ້ນຫົວແຖວຂອງອິນໂດເນເຊຍ ທີ່ໄດ້ປະກາດ ອອກມາໃນຕົ້ນປີນີ້ວ່າ ຈະ ຜະເດັດເສິກກັບຂີ້ເຫຍື້ອ ປະລາສະຕິກຕາມທ້ອງທະ ເລໃຫ້ໄດ້ ປະມານປີລະ 70% ພາຍໃນປີນີ້ເອງ, ຜະລິດ ຕະພັນດ້ວຍຢາງທີ່ເປັນເປົ້າຈຳກັດ ແລະ ກຳຈັດນັ້ນກວມ ເອົາປະເພດຖົງຢາງປະເພດ ໃຊ້ເທື່ອດຽວ, ຕຸກນ້ຳດື່ມ, ຫລອດດູດ ເຄື່ອງດື່ມ ແລະ ຜະລິດຕະພັນເຮັດ ດ້ວຍໂຟມ ທຸກໆແນວ.

ມາດຕະການຫ້າມຂອງນະຄອນບາຫລີນີ້ ຄວບ ຄູ່ກັບ ບົດລົງໂທດດ້ວຍການປັບໄໝຜູ້ລະເມີດ,ໜັກໄປກວ່ານັ້ນ   ກໍຄື ຢຶດໃບອະນຸຍາດປະກອບ ການຜະລິດ, ຈຳໜ່າຍ ຫລື ຊົມໃຊ້ວັດຖຸ ປະລາສະຕິກ ທີ່ ຕ້ອງຫ້າມ.

ບັນຫາຂີ້ເຫຍື້ອ ປະລາສະ ຕິກ ທີ່ທົ່ວໂລກວາງເປົ້າໝາຍ ຈຳກັດ ແລະ ກຳຈັດນັ້ນ ແມ່ນ ຈຳພວກທີ່ໄປຄ້າງອັ່ງຢູ່ຕາມພື້ນທະເລມະຫາສະໝຸດ ເພາະ ມັນເປັນໄພຂົ່ມຂູ່ສະເພາະໜ້າ ທີ່ບໍ່ພຽງແຕ່ກະທົບຕໍ່ ສິ່ງແວດ ລ້ອມ ແຕ່ຍັງເປັນອັນຕະລາຍ ຕໍ່ສັດທະເລປະເພດທີ່ເປັນ ແຫລ່ງອາຫານຕົ້ນຕໍລ້ຽງ ປາກລ້ຽງທ້ອງມະນຸດ.

ບ້ານເຮົາບໍ່ມີທະເລ ແຕ່ມີ ແມ່ນ້ຳລຳທານທີ່ອຸດົມສົມບູນ ແຕ່ຄວາມສົມບູນດັ່ງກ່າວ ກໍອາດສູນໄປຍ້ອນຂີ້ເຫຍື້ອ ປະລາສະຕິກເຊັ່ນກັນ ດັ່ງນັ້ນ ຈຶ່ງຢາກໃຫ້ສຶກສາເລື່ອງຂີ້ ເຫຍື້ອ ປະລາສະຕິກໃນແມ່ ນ້ຳສາຍຕ່າງໆ ຢູ່ປະເທດ ເຮົາ ຢ່າງຈິງຈັງ ເພື່ອກຳນົດແຜນ ແກ້ໄຂບັນຫາໄວ້ລ່ວງໜ້າແຕ່ ຫົວທີໂລດ.

ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ - 36 - ຂີ້​ເຫຍື້ອປະລາສະຕິກຕົວ​ອັນຕະລາຍ​ສຳລັບ​ສິ່ງ​ແວດ​ລ້ອມ
error: Content is protected !!