ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ

ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ - advert banner 728 90 728x90 - ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ

     ການເຮັດວຽກທຸກໆຢ່າງ ຫລື ແມ່ນແຕ່ການໃຊ້ຊີວິດຂອງເຮົານັ້ນ ມັກຈະເກີດບັນຫາ, ເກີດຄວາມຜິດພາດ ແລະ ບໍ່ໄດ້ເປັນໄປຕາມທີ່ຫວັງໄວ້ຢູ່ຕະຫລອດ ເຊິ່ງມັນກໍຄົງບໍ່ໄດ້ແປກຫຍັງປານໃດ ເພາະຄົນເຮົາກໍບໍ່ໄດ້ສົມບູນແບບ, ແຕ່ສິ່ງທີ່ເຮົາຄວນຈະຄິດຕໍ່ຈາກຄວາມຜິດພາດເຫລົ່ານີ້ກໍຄື ເຮົາຈະສາມາດປັບປຸງໃຫ້ມັນດີຂຶ້ນເພື່ອໃຫ້ໄດ້ຜົນອອກມາດັ່ງທີ່ໂຕເຮົາຫວັງໄວ້ໄດ້ແນວໃດ.

ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ - new3 - ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ
ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ - 051106 2019 - ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ

     ຄວາມຈິງນັ້ນ ການຮຽນຮູ້ຈາກຄວາມຜິດພາດກໍເປັນຄຳເວົ້າຕິດປາກຂອງຄົນທີ່ປະສົບຄວາມສຳເລັດ ຫລື ຕຳລາພັດທະນາຕົນເອງ ເຊິ່ງເຮົາກໍໄດ້ຍິນຕະຫລອດ ແລະ ທຸກຄົນຮູ້, ແຕ່ເປັນຫຍັງຫລາຍຄົນຈຶ່ງບໍ່ສາມາດເຮັດໄດ້.

     ຈຸດປ່ຽນສຳຄັນເວລາພົບບັນຫາ ຫລື ວຽກບໍ່ໄດ້ດັ່ງໃຈແລ້ວເຮັດໃຫ້ກ້າວໄປຂ້າງໜ້າໄດ້ ແມ່ນການຕັ້ງຄຳຖາມໃຫ້ກັບໂຕເອງ ເພາະຄຳຖາມແມ່ນການສຳຫລວດລົງໄປໃນເຫດການເພື່ອຫາຄຳຕອບທີ່ທ່ານຈະສາມາດຮຽນຮູ້ກັບມັນໄດ້ ແລະ ຄຳຖາມນີ້ແມ່ນຫົວໃຈສຳຄັນ ປະເພດຖ້າທ່ານຖາມຖືກ ທ່ານກໍໄດ້ຮຽນຮູ້ໃນສິ່ງທີ່ຖືກຕ້ອງ, ແຕ່ຖ້າທ່ານຖາມຜິດໆ ຫລື ໄປຖາມໃນດ້ານທີ່ບໍ່ໄດ້ເກີດປະໂຫຍດກໍຄົງຈະເອົາການພັດທະນາຫຍັງບໍ່ໄດ້ ເຊິ່ງສຳລັບພວກເຮົາແລ້ວມັນຈະມີຄຳຖາມສຳຄັນທີ່ຄວນຖາມໂຕເອງຢູ່ ທຸກໆເທື່ອຄື :

     – ຂ້ອຍເຮັດຫຍັງຜິດພາດທີ່ເຮັດໃຫ້ເກີດເລື່ອງນີ້ຂຶ້ນ ?

     ຟັງແລ້ວອາດຈຳເປັນຄຳຖາມກາງໆ ບໍ່ໄດ້ມີຫຍັງເປັນພິເສດ ແຕ່ໃຈຄວາມສຳຄັນແມ່ນຄຳວ່າ ຂ້ອຍ ກໍຈະເນັ້ນເປັນຈຸດສຳຄັນທີ່ສຸດ.

ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ - lattana 1 - ໜຶ່ງຄຳຖາມສຳຄັນທີ່ຄວນຖາມໂຕເອງເວລາເກີດຄວາມຜິດພາດ

    ທີ່ເປັນແນວນັ້ນ ເພາະເວລາເກີດບັນຫາຕ່າງໆນັ້ນ ໂດຍທຳມະຊາດເຮົາມັກຈະພະຍາຍາມປົກປ້ອງໂຕເອງໂດຍບໍ່ຮູ້ໂຕ ປະເພດການຫາວ່າປັດໄຈພາຍນອກທີ່ເຮັດໃຫ້ເກີດຄວາມຜິດພາດນັ້ນແມ່ນຫຍັງ ? ໃຜເປັນຄົນທີ່ເຮັດໃຫ້ເກີດເລື່ອງນີ້?  ເປັນຕົ້ນ. ທັງນີ້ຍ້ອນເຮົາລ້ວນແຕ່ຮູ້ສຶກຢູ່ເລິກໆວ່າບໍ່ຢາກຕ້ອງຮັບຜິດຊອບ, ບໍ່ຢາກຕ້ອງຮັບຄວາມຮູ້ສຶກຜິດ, ແຕ່ຖ້າເຮົາເບິ່ງເລື່ອງນີ້ ຜູ້ນຳເກັ່ງໆ ແລະ ເປັນທີ່ເຄົາລົບຈາກຄົນອື່ນໆແລ້ວ ສິ່ງທີ່ພວກເຂົາມັກຈະເຮັດເປັນອັນດັບຕົ້ນໆເມື່ອເກີດມີຄວາມຜິດພາດຂຶ້ນ ແມ່ນການຮັບ ຜິດຊອບໃນສິ່ງທີ່ເກີດຂຶ້ນ ທັງນີ້ຍ້ອນມັນເກີດຈາກທັດສະນະຄະຕິທີ່ວ່າໂຕເຮົາເອງລ້ວນມີສ່ວນໃນຄວາມຜິດພາດບໍ່ຫລາຍກໍໜ້ອຍ ແລະ ຈະປະຕິເສດວ່າບໍ່ກ່ຽວຂ້ອງເລີຍຄົງບໍ່ໄດ້.

     ການຕັ້ງຄຳຖາມແບບນີ້ອາດຈະຟັງເບິ່ງເປັນການຕັ້ງທັດສະນະຄະຕິດ້ານລົບໃຫ້ກັບໂຕເອງສ່ວນໜຶ່ງ, ແຕ່ສຳລັບພວກເຮົາແລ້ວ ແງ່ຄິດນີ້ເຮັດໃຫ້ເຮົາຫັນມາເບິ່ງໂຕເອງຫລາຍຂຶ້ນ ແລະ ພະຍາຍາມຫາຈຸດທີ່ເຮົາສາມາດເລີ່ມແກ້ໄຂໄດ້ດ້ວຍໂຕເອງ, ຫາດ້ານພັດທະນາໃຫ້ໂຕເອງ ແທນການຈະໄປຫວັງເພິ່ງຄົນອື່ນ, ຫວັງໃຫ້ຄົນອື່ນແກ້ໄຂ ຫລື ລໍຖ້າໃຫ້ລະບົບມັນດີຂຶ້ນ (ເຊິ່ງມັນບໍ່ ແມ່ນເລື່ອງທີ່ເກີດຂຶ້ນງ່າຍໆ) ນອກຈາກນີ້ແລ້ວຍັງເປັນການຫລຸດພາລະ ໂທດຄົນອື່ນ ເຊິ່ງເປັນພືດຕິກຳທີ່ສ້າງຄວາມເບື່ອໜ່າຍໃຫ້ກັບຄົນອ້ອມຂ້າງໄດ້ງ່າຍໆ ທັງຍັງທຳລາຍພາບລັກຂອງໂຕເອງຕື່ມອີກ.

  ມັນຈຶ່ງເປັນທີ່ມາຂອງຄຳເວົ້າທີ່ຫລາຍໆຄົນມັກເຕືອນສະເໝີວ່າ ໃຫ້ໂທດໂຕເອງກ່ອນທີ່ຈະໂທດຄົນອື່ນ ເພາະຖ້າທ່ານເບິ່ງວ່າໂຕເອງບໍ່ຜິດພາດຫຍັງເລີຍ ມັນກໍຍາກທີ່ທ່ານຈະສາມາດພັດທະນາ ແລະ ຮຽນຮູ້ສິ່ງໃໝ່ໆໃຫ້ກັບໂຕເອງ.

error: Content is protected !!