ອະດີດ​ເອກ​ອັກຄະ​ລັດຖະທູດ ສປປ ​ເກົາຫລີ ປະຈຳ​ຢູ່​ຫວຽດນາມ ອາດ​ຈະ​ໄດ້​ເປັນ​ຫົວໜ້າ​ຄະ​ເຈ​ລະ​ນາ​ກັບ​ສະຫະລັດ

- advert banner 728 90 728x90 - ອະດີດ​ເອກ​ອັກຄະ​ລັດຖະທູດ ສປປ ​ເກົາຫລີ ປະຈຳ​ຢູ່​ຫວຽດນາມ ອາດ​ຈະ​ໄດ້​ເປັນ​ຫົວໜ້າ​ຄະ​ເຈ​ລະ​ນາ​ກັບ​ສະຫະລັດ

ທ່ານ Kim Myong-gil ອາດຈະຖືກແຕ່ງຕັ້ງໃຫ້ເປັນ ຫົວໜ້າຄະນະຝ່າຍ ສປປ. ເກົາຫຼີ ເຂົ້າຮ່ວມເຈລະຈາ ການຍົກເລີກນິວເຄຼຍກັບສະຫະລັດອາເມລິກາ.

- lattana 1 - ອະດີດ​ເອກ​ອັກຄະ​ລັດຖະທູດ ສປປ ​ເກົາຫລີ ປະຈຳ​ຢູ່​ຫວຽດນາມ ອາດ​ຈະ​ໄດ້​ເປັນ​ຫົວໜ້າ​ຄະ​ເຈ​ລະ​ນາ​ກັບ​ສະຫະລັດ

ອີງຕາມຂ່າວຈາກຕ່າງປະເທດ ທີ່ບໍ່ປະສົງອອກຊື່ ຂອງ ສ. ເກົາຫຼີ ໃນມື້ວານນີ້ ທີ 4 ກໍລະກົດວ່າ: “ສປປ. ເກົາຫຼີ ແລະ ສະຫະລັດອາເມລິກາ ໄດ້ແຈ້ງຫົວໜ້າຄະນະເຈລະ ຈາຂອງແຕ່ລະຝ່າຍໃຫ້ກັນ  ຊາບ” ພາຍຫຼັງການພົບປະ ຂອງປະທານາທິບໍດີ ທຼຳ ແລະ ປະທານ ກີມຈອງອຸນ ທີ່ເຂດ ຊາຍແດນສອງພາກເກົາຫຼີ ເຂດປອດທະຫານ (DMZ) ໃນວັນທີ 30 ມິຖຸນາຜ່ານມາ.

ໃນການພົບຄັ້ງປະຫວັດສາດລະຫວ່າງ ທຣຳ ແລະ ກີມຈອງອຸນຢູ່ທີ່ເຂດປອດທະຫານຂອງສອງພາກເກົາ ຫຼີນັ້ນ, ໄດ້ເອກະພາບກັນໃຫ້ ມີການເຈລະຈາກັບຄືນມາ ພາຍຫຼັງຖືກຢຸດສະງັກມາ ຕັ້ງແຕ່ກອງປະຊຸມສຸດຍອດເທື່ອທີສອງທີ່ ຮ່າໂນ້ຍ ຫວຽດ ນາມໃນເດືອນກຸມພາ ບໍ່ໄດ້ຮັບ ຜົນສຳເລັດ. ລັດຖະມົນຕີ ກະຊວງການຕ່າງປະເທດສະຫະລັດອາເມລິກາ Mike Pompeo ຄາດຄະເນວ່າ ການເຈລະຈາຈະໄດ້ຈັດຂຶ້ນຢູ່ໃນກາງເດືອນນີ້.

ຫົວໜ້າຄະນະເຈລະຈາຂອງຝ່າຍສະຫະລັດຍັງແມ່ນຜູ້ຮັບຜິດຊອບ ສປປ. ເກົາຫຼີ Stephen Biegun ເປັນ ຫົວໜ້າຄືເກົ່າ, ສ່ວນທ່ານ Pompeo ຈະຮັບຜິດຊອບ ລວມ. ສ່ວນຝ່າຍຂອງ ສປປ. ເກົາຫຼີ ອາດຈະແມ່ນທ່ານ Kim Myong-gil ອະດີດເອກອັກ ຄະລັດຖະທູດ ສປປ. ເກົາຫຼີ  ປະຈຳ ຢູ່ຫວຽດນາມ ເປັນຫົວ ໜ້າຄະນະເຈລະຈາໃນຄັ້ງນີ້.

ຂ່າວໃຫ້ຮູ້ອີກວ່າ, ຄະນະ ເຈລະຈາຂອງ ສປປ. ເກົາຫຼີ ໃນຄັ້ງນີ້, ສ່ວນຫຼາຍຈະແມ່ນ ເຈົ້າໜ້າທີ່ການຕ່າງປະເທດ ເປັນສ່ວນໃຫຍ່ ເຊິ່ງແຕກຕ່າງ ກັບຄະນະເຈລະຈາເທື່ອກ່ອນ ຊຶ່ງຈະແມ່ນເຈົ້າໜ້າທີ່ຈາກອົງການແນວໂຮມເອກະພາບ ສປປ. ເກົາຫຼີ, ເຊິ່ງເປັນອົງ ການຕົ້ນຕໍຂອງພັກກ່ຽວກັບຄວາມສຳພັນຂອງສອງພາກເກົາຫຼີ.

ລັດຖະມົນຕີກະຊວງ ການຕ່າງປະເທດ ສປປ. ເກົາຫຼີ Ri Yong-ho, ຄາດ ວ່າຈະຖືກ ຈັບຄູ່ກັບ Pompeo ໃນການ ເຈລະຈາຕໍ່ລອງກັນ. ຄາດ ວ່າສອງທ່ານນີ້, ຈະພົບ ກັນນອກຮອບຂອງກອງປະ ຊຸມສາມັນຂອງພາກພື້ນທີ່ ຈະຈັດຂຶ້ນຢູ່ໄທໃນຕົ້ນເດືອນໜ້ານີ້.

ທ່ານ  Kim Myong-gil ເປັນຮອງຫົວໜ້າຄະນະຂອງຝ່າຍ ສປປ. ເກົາຫຼີຢູ່ທີ່ສະ     ຫະ ປະຊາຊາດແຕ່ປີ 2006-2009. ຖືວ່າທ່ານເປັນຜູ້ ໜຶ່ງທີ່ມີຄວາມຊ່ຽວຊານກ່ຽວກັບ ສະຫະລັດອາເມລິກາ ເພາະທ່ານເຄີຍເຮັດວຽກຢູ່ ສະຖາບັນການຄົ້ນຄ້ວາສັນ ຕີພາບທີ່ຂຶ້ນກັບກະຊວງການຕ່າງປະເທດ.

- 1 1 - ອະດີດ​ເອກ​ອັກຄະ​ລັດຖະທູດ ສປປ ​ເກົາຫລີ ປະຈຳ​ຢູ່​ຫວຽດນາມ ອາດ​ຈະ​ໄດ້​ເປັນ​ຫົວໜ້າ​ຄະ​ເຈ​ລະ​ນາ​ກັບ​ສະຫະລັດ
- Tiger Head 728x90 - ອະດີດ​ເອກ​ອັກຄະ​ລັດຖະທູດ ສປປ ​ເກົາຫລີ ປະຈຳ​ຢູ່​ຫວຽດນາມ ອາດ​ຈະ​ໄດ້​ເປັນ​ຫົວໜ້າ​ຄະ​ເຈ​ລະ​ນາ​ກັບ​ສະຫະລັດ

ໃນເດືອນສິງຫາ 2015, ທ່ານຖືກແຕ່ງຕັ້ງໃຫ້ດຳລົງຕຳແໜ່ງເປັນເອກອັກຄະລັດຖະທູດ ຜູ້ມີອຳນາດເຕັມແຫ່ງ ສປປ. ເກົາຫຼີ ປະຈຳຢູ່ຫວຽດນາມ. ໃນກອງປະຊຸມສຸດຍອດອາເມລິກາ – ສປປ. ເກົາ ຫຼີ ທີ່ ຮ່າໂນ້ຍ ໃນເດືອນກຸມພາ ທີ່ຜານມາ, ທ່ານເປັນຜູ້ໜຶ່ງ ທີ່ເຄື່ອນໄຫວຕິດພັນໄປຄຽງຂ້າງກັບທ່ານ ກີມຈອງ ອຸນຕະຫຼອດ, ໝາຍຄວາມວ່າ ທ່ານ ໄດ້ຮູ້ໄດ້ເຫັນ ແລະ ພິສູດຕົວ ຈິງຂອງການພົບປະເຈລະຈາໃນຄັ້ງນັ້ນທັງໝົດ. ທ່ານ ເປັນເອກອັກຄະລັດຖະທູດ  ປະຈຳຢູ່ຫວຽດນາມເກືອບ   4 ປີ ແລະ ຫາກໍໝົດວາລະ ແລະ ກັບປະເທດໃນລະຫວ່າງ ເດືອນເມສາຜ່ານມານີ້.

ຮຽບຮຽງໂດຍ: ລູກເມືອງພວນ

- 658 - ອະດີດ​ເອກ​ອັກຄະ​ລັດຖະທູດ ສປປ ​ເກົາຫລີ ປະຈຳ​ຢູ່​ຫວຽດນາມ ອາດ​ຈະ​ໄດ້​ເປັນ​ຫົວໜ້າ​ຄະ​ເຈ​ລະ​ນາ​ກັບ​ສະຫະລັດ
error: Content is protected !!