ຝົນຕົກ​ລົງ​ມາ ນ້ຳ​ເຕັມ​ທົ່ງ​ນາ ພາກັນ​ເຢີ​ກ​ເຮັດ​ນາປີ

- advert banner 728 90 728x90 - ຝົນຕົກ​ລົງ​ມາ ນ້ຳ​ເຕັມ​ທົ່ງ​ນາ ພາກັນ​ເຢີ​ກ​ເຮັດ​ນາປີ

ໂດຍ: ທິດ​ກ່ຳ

- lattana 1 - ຝົນຕົກ​ລົງ​ມາ ນ້ຳ​ເຕັມ​ທົ່ງ​ນາ ພາກັນ​ເຢີ​ກ​ເຮັດ​ນາປີ

ອຸຕຸນິຍົມໄດ້ແຈ້ງເຕືອນ ຢ່າງລຽນຕິດວ່າໃນຊ່ວງນີ້ຈະມີຝົນຕົກໜັກໃນທຸກພາກ ຂອງປະເທດ, ຢູ່ນະຄອນ ຫລວງວຽງຈັນເຮົາປີນີ້ ເບິ່ງ ຄືວ່າຟ້າຝົນອຸດົມສົມບູນ ເໝາະເຈາະກັບລະດູການ, ແຕ່ຢູ່ພາກກາງແຖວເຂດ ເມືອງຈຳພອນແຂວງສະ ຫວັນນະເຂດ ໃນໄລຍະຜ່ານ ມາມີຫລາຍບ້ານຝົນຍັງບໍ່ທັນຕົກພໍເມັດ ຫລືຖ້າຕົກກໍ ອາດຈະແມ່ນຊ່ວງນີ້.

ຈາກສະພາບດັ່ງກ່າວ ກໍເດືອດຮ້ອນໄປຮອດທ່ານ ເຈົ້າແຂວງ ສັນຕິພາບ ພົມວິຫານ ພ້ອມໜ່ວຍງານກ່ຽວ ຂ້ອງຕ້ອງໄດ້ລົງໄປກວດ ກາ-ຊີ້ນຳ ເພື່ອຫາວິທີຕ້ານ ແລ້ງ-ຕ້ານຖ້ວມ, ກົງກັນຂ້າມແຖວເມືອງໄຊພູທອງພັດໄດ້ ລົງມືຕົກກ້າດຳນາໄປແດ່ ແລ້ວຫລາຍບ້ານ. ຕາມການ ຄາດຄະເນປີນີ້ເມືອງໄຊພູທອງຈະທຳການຜະລິດປັກ ດຳນາປີໃຫ້ໄດ້ເຖິງ 13 ພັນ ກວ່າເຮັກຕາວ່າຊັ້ນ!.

ໃນຄວາມຈິງແລ້ວ, ສຳລັບປະເທດເຮົາ ບໍ່ວ່າປີໃດ ຟ້າຝົນມັກຕົກດີແມ່ນແຕ່ຄ່າ ແຂວງຄຳມ່ວນຂຶ້ນມາຫາ ບໍລິຄຳໄຊແລ້ວເລາະຂຶ້ນໄປ ຈົນຈຳພາກເໜືອ ສາເຫດກໍ ຍ້ອນວ່າເຂດນີ້ມີພູຜາປ່າໄມ້ ດົກໜາ ແລະ ອາກາດສົດຊື່ນ, ກົງກັນຂ້າມເຂດໃດບໍ່ມີ ປ່າຕຶບດົງໜາ, ພູຜາປ່າໄມ້ ຝົນມັນກໍບໍ່ຕົກເປັນປົກກະຕິ ຫລືຖ້າຕົກຫລາຍຈົນເກີນເຫດກາຍເປັນໄພພິບັດນ້ຳ ຖ້ວມທຳລາຍບ້ານເຮືອນ ແລະ ຜົນລະປູກຂອງປະຊາຊົນ, ດັ່ງໃນອາທິດຜ່ານມາ ນ້ຳຫ້ວຍລົນອັ່ງຖ້ວມບ້ານເຮືອນປະຊາຊົນແຖວບ້ານ ແທ, ບ້ານທ່າ, ບ້ານມ່ວງ, ບ້ານບົກ ແລະ ບ້ານໂຄກກ່ອງ ເມືອງສະໜາມໄຊແຂວງອັດຕະປື ແລະ ແຖວເມືອງ ວິລະ ບູລີ ແຂວງສະຫວັນນະເຂດ.

ແນວໃດກໍດີ, ຕາມທິດ ກ່ຳໄດ້ຕິດຕາມຂ່າວ ມີຫລາຍ ບ້ານຫລາຍທ້ອງຖິ່ນຂອງ ແຂວງຄຳມ່ວນ ໄດ້ພາກັນປັກ ດຳນາປີສຳເລັດເປັນທີ່ຮຽບຮ້ອຍແລ້ວ ເຊັ່ນ: ແຖວເມືອງ ຄູນຄຳ, ຍົມມະລາດ ເລາະລົງ ໄປແຖວໄຊບົວທອງ, ບົວລະ ພາ ແລະ ເມືອງອື່ນໆ. ສ່ວນນະຄອນຫລວງວຽງຈັນ ກໍ ພວມເລັ່ງປັກດຳ ແລະ ມີ ຫລາຍບ້ານຫລາຍເມືອງ ຂ້ອນຂ້າງສຳເລັດເປັນສ່ວນຫລາຍ.

ນັບແຕ່ແຖວພາກ ກາງຂຶ້ນໄປຫາພາກເໜືອໃນຊ່ວງ ເດືອນມິຖຸນາຫາເດືອນກໍລະ ກົດ ຕາມແຫລ່ງຂ່າວ ເຫັນ ວ່າປີນີ້ຟ້າຝົນອຳນວຍແຕ່ຫົວປີ ແລະ ຕ້ອງໄດ້ຕິດຕາມເບິ່ງວ່າຊ່ວງກາງເກົ້າ ກາງສິບມັນຈະຕົກຫລາຍ ຫລືໜ້ອຍ. ສ່ວນວ່າ  ໝາກຜົນຜະລິດເຂົ້ານາໃນປີ 2019 ນີ້ຈະບຸກທະລຸໄດ້ສ່ຳໃດນັ້ນ ຕ້ອງໄປວັດກັນໃນຕອນເກັບ ກ່ຽວເຂົ້າຂຶ້ນເລົ້າຂຶ້ນສາງ.

ສຳລັບຟ້າຝົນໃນປີ 2019 ອີງຕາມຜູ້ສັນທັດ ທາງດ້ານໂຫລາສາດ, ໂດຍສະເພາະນັກໂຫລາສາດ ຊື່ ດັງຂອງໂລກແມ່ເຖົ້າ ບາບາ ວັງກາ ຄົນບູນກາລີ ໄດ້ທຳນາຍທວາຍທັກວ່າໃນປີ 2019 ນີ້ ນ້ຳຈະຖ້ວມຄົນ ຕາຍຫລາຍທີ່ສຸດວ່າຊັ້ນ! ອັນສາເຫດກໍຍ້ອນວ່າໂລກ ທຳມະຊາດຂອງພວກເຮົາມີການປ່ຽນແປງໄປຫລາຍ ການໂຫລາສາດໄດ້ມຸ່ງເປົ້າ ໄປໃສ່ບາງປະເທດຄື: ປາກິ ສະຖານ, ຍີ່ປຸ່ນ, ຈີນ, ອິນໂດ ເນເຊຍ, ອາລາສະກາ ແລະ ອີກຫລາຍປະເທດໃນເຂດ ອາຊີ, ຕໍ່ຄຳທຳນາຍຂອງ ໝໍດູເອກຂອງໂລກຄົນນີ້ ໃຜບໍ່ເຊື່ອກໍຢ່າຟ້າວລົບລູ່,  ຕາມທິດກ່ຳວ່າຜູ້ບໍ່ທັນເຊື່ອ ເວລາເກີດເຫດມາຜູ້ນັ້ນ ລະຈະເປີດອາດຫລາດກ່ອນໝູ່, ເທົ່າທີ່ເຄີຍຕິດຕາມມາ ຫລາຍປີ ຄື້ນສຶນາມິມັນເກີດ ຂຶ້ນຫລັງຈາກແຜ່ນດິນໄຫວ ບໍ່ພໍເທົ່າໃດວັນກໍເກີດປະຕິກິ ລິຍາຂຶ້ນມາທັນທີ.

- 1 1 - ຝົນຕົກ​ລົງ​ມາ ນ້ຳ​ເຕັມ​ທົ່ງ​ນາ ພາກັນ​ເຢີ​ກ​ເຮັດ​ນາປີ
- Tiger Head 728x90 - ຝົນຕົກ​ລົງ​ມາ ນ້ຳ​ເຕັມ​ທົ່ງ​ນາ ພາກັນ​ເຢີ​ກ​ເຮັດ​ນາປີ

ສ່ວນປະເທດລາວເຮົາທີ່ ບໍ່ມີທະເລ, ບໍ່ມີຊາຍແດນໃດຕິດກັບທະເລ ແລະ ຫ່າງຈາກທະເລຫລາຍພັນລີ້ກໍຢ່າຟ້າວ ປະໝາດເພາະມະຫັນຕະໄພມັນເກີດໄດ້ທຸກເມື່ອທຸກເວລາບົດຮຽນອັນເຈັບແສບເຂື່ອນເຊປຽນ-ເຊນ້ຳນ້ອຍແຕກໄດ້ສັ່ງສອນພວກ ເຮົາໃນທ້າຍປີ 2018 ຜ່ານ ມາແລ້ວ.

ເຖິງຢ່າງໃດກໍດີ, ຕາມ ທິດກ່ຳວ່າປີ 2019 ກໍຄືປີ ຕໍ່ໆໄປ ມັນເປັນໄລຍະທີ່ສຳ ຄັນ, ເຊິ່ງພວກເຮົາຈະຕ້ອງ ໄດ້ກູ້ເອົາຜົນຜະລິດທີ່ມັນ ໄດ້ເສຍໄປໃນປີ 2017 ຄືນ ມາ, ອັນສຳຄັນທີ່ສຸດແມ່ນ ພ້ອມກັນປະຕິບັດ 8 ມາດຕະ ການກະຕຸ້ນເສດຖະກິດທີ່ ລັດຖະບານວາງອອກໃຫ້  ສຳເລັດຜົນໃນປີນີ້ຢ່າງເພິ່ງພໍໃຈ.

- 687 - ຝົນຕົກ​ລົງ​ມາ ນ້ຳ​ເຕັມ​ທົ່ງ​ນາ ພາກັນ​ເຢີ​ກ​ເຮັດ​ນາປີ
(ພາບປະກອບ)

error: Content is protected !!