ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

- advert banner 728 90 728x90 - ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

- 59245f54c461880e418b4595 - ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

- new3 - ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

 

ມາຣາວີ 25 ພຶດສະພາ: ກອງທັບ​ຟີ​ລິບ​ປິນສົ່ງ​ເຮ​ລິ​ກົບ​ແຕ ​ແລະ ລົດ​ຖັງ​ປະ​ທະ​ກຸ່ມ​ຕິດ​ອາວຸດ​ອິສລາມ ຢູ່​ເມືອງ​ມາຣາວີ ທາງ​ຕອນ​ໃຕ້​ຂອງ​ປະ​ເທດ ​ໃນ​ວັນ​ທີ 25 ພຶດສະພາ​ນີ້ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ເກືອບ 20 ຄົນ. ຂະນະ​ທີ່​ສື່​ທ້ອງ​ຖິ່ນ​ລາຍ​ງານ​ພົບ​ພົນລະ​ເຮືອນ​ຊາວ​ຄຣິສຖືກ​ຜູ້​ກໍ່​ຄວາມ​ບໍ່​ສະຫງົບ​ຈັບ​ກຸມ ​ແລະ ສັງຫານ​ຢ່າງ​ໂຫດຮ້າຍ.

 

ກອງທັບ​ຟີ​ລິບ​ປິນ​ເປີດ​ເຜີຍ​ວ່າ: ຜູ້​ເສຍ​ຊີວິດ​ຈາກ​ເຫດ​ປະ​ທະ​ຢູ່​ເມືອງ​ມາຣາວີ ປະກອບ​ມີ​ທະຫານ 5 ຄົນ, ຕຳຫລວດ 1 ຄົນ ​ແລະ ສະມາຊິກ​ກຸ່ມ​ຕິດ​ອາວຸດ 13 ຄົນ. ທັງ​ນີ້ ທາງ​ການ​ບໍ່ມີ​ການ​ລາຍ​ງານ​ພົນລະ​ເຮືອນ​ທີ່​ໄດ້​ຮັບ​ບາດ​ເຈັບ ຫລື ​ເສຍ​ຊີວິດ, ​ແຕ່​ເຄືອ​ຂ່າຍ​ວິທະຍຸ ​ແລະ ​ໂທລະພາບ​ທ້ອງ​ຖິ່ນ GMA ​ເຜີຍ​ແຜ່​ພາບ​ປະຊາຊົນ 9 ຄົນ​ຖືກ​ຍິງ​ເສຍ​ຊີວິດ​ໃນ​ສະພາບ​ຖືກ​ມັດ​ມື. ນັກ​ຂ່າວ GMA ລາຍ​ງານ​ວ່າ: ຜູ້​ໂຊກ​ຮ້າຍ​ເຫລົ່າ​ນີ້​ຖືກ​ກຸ່ມ​ຕິດ​ອາວຸດ​ຈັບ​ກຸມ ກ່ອນ​ຈະ​ຖື​ກສັງຫານ​ໃນ​ເວລາ​ຕໍ່​ມາ ພາຍຫລັງ​ມີ​ການ​ເປີດ​ເຜີຍ​ວ່າ​ພວກ​ເຂົາ​ເປັນ​ຊາວ​ຄຣິສ.

- lattana 1 - ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

 

​ເຫດ​ຄວາມ​ບໍ່​ສະຫງົບ​ຢູ່​ເມືອງ​ມາຣາວີ​ເລີ່​ມຂຶ້ນ​ໃນ​ວັນ​ທີ 23 ພຶດສະພາ ​ໂດຍ​ຝີ​ມື​ຂອງ​ກຸ່ມ​ຕິດ​ອາວຸດ​ທີ່​ຈົງ​ຮັກ​ພັກດີ​ຕໍ່​ກຸ່ມ​ລັດ​ອິສລາມ ຫລື IS. ​ເຫດການ​ດັ່ງກ່າວ​ສົ່ງ​ຜົນ​ໃຫ້​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ປະກາດ​ກົດ​ໄອ​ຍະ​ການ​ເສິກ​ໃນ​ຫລາຍ​ພື້ນທີ່​ທາງ​ຕອນ​ໃຕ້​ຂອງ​ຟີ​ລິບ​ປິນ.

error: Content is protected !!