ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ

ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ - advert banner 728 90 728x90 - ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ

ງານວາງສະແດງເຄື່ອງເຮືອນລາວຄັ້ງທີ 4 ປະຈໍາປີ 2019 ໄດ້ເປີດຂຶ້ນຢ່າງເປັນທາງການໃນວັນທີ 6-14 ກໍລະກົດນີ້ທີ່ສູນການຄ້າລາວ-ໄອເຕັກ, ນະຄອນຫລວງວຽງຈັນ, ໂດຍມີທ່ານຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ມີຜູ້ຕາງໜ້າຈາກສະພາການຄ້າ ແລະ ອຸດສາຫະກໍາແຫ່ງຊາດ, ສະມາຄົມເຟີນີເຈີລາວ ແລະ ຜູ້ປະກອບການເຂົ້າຮ່ວມເປັນຈໍານວນຫລາຍ.

ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ - new3 - ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ

  ທ່ານ ກອງມາລາ ພົມມາໄລ ຮອງປະທານສະມາຄົມເຟີນີເຈີລາວ ໃຫ້ຮູ້ວ່າ: ງານວາງສະແດງນີ້,​ ຈັດຂຶ້ນເພື່ອແນໃສ່ອະນຸລັກຮັກສາປ່າໄມ້,  ການນໍາໃຊ້ໄມ້ໃຫ້ເກີດປະໂຫຍດ ແລະ ມີໄວ້ໃຊ້ຢ່າງຍືນຍົງ, ໂດຍການປຸງແຕ່ງໃຫ້ເປັນຜະລິດຕະພັນສໍາເລັດຮູບມາຈາກໄມ້, ຫວາຍ ແລະ ໄມ້ປ່ອງ ໃຫ້ມີຫລາກຫລາຍຜະລິດຕະພັນຕາມຄວາມຕ້ອງການຂອງສັງຄົມ, ທັງເປັນການສົ່ງເສີມການປູກໄມ້ ແລະ ຫັນມານໍາໃຊ້ໄມ້ປູກທົດແທນໄມ້ທໍາມະຊາດ ເພື່ອການພັດທະນາສີຂຽວ. ນອກນີ້, ຍັງເປັນການສ້າງຄວາມເຂັ້ມແຂງໃຫ້ສະມາຄົມເຟີນີເຈີລາວ ແລະ ທັງເປັນເວທີສົ່ງເສີມການຜະລິດສິນຄ້າເຟີນີເຈີລາວໃຫ້ໂດດເດັ່ນມີຊື່ສຽງ ແລະ ເປັນທີ່ຮູ້ຈັກຂອງລູກຄ້າຫລາຍຂຶ້ນ, ສົ່ງເສີມສີໄມ້ລາຍມືຂອງຄົນລາວ ແລະ ຫົວໜ່ວຍທຸລະກິດເຟີນີເຈີໄມ້ລາວໃຫ້ຂະຫຍາຍຕົວ ແລະ ສາມາດເຊື່ອມໂຍງເຂົ້າສູ່ຕະຫລາດພາກພື້ນ ແລະ ສາກົນໄດ້, ພ້ອມນີ້ກໍເປັນກິດຈະກໍາຕ້ອນຮັບປີທ່ອງທ່ຽວລາວ-ຈີນ 2019 ໃຫ້ມີບັນຍາກາດຄືກຄື້ນ.

  ງານວາງສະແດງນີ້, ມີ 150 ຫ້ອງ, ໃນນັ້ນມີສິນຄ້າໜຶ່ງເມືອງໜຶ່ງຜະລິດຕະພັນ (ODOP) 20 ຫ້ອງ, ໂຮງຈັກ-ໂຮງງານຕ່າງໆ 47 ຫົວໜ່ວຍ ແລະ ຈາກຕ່າງແຂວງມີ 10 ຫົວໜ່ວຍ,​ ສີນຄ້າທີ່ນໍາມາວາງສະແດງ ແລະ ຂາຍສ່ວນໃຫຍ່ແມ່ນຜະລິດຕະພັນເຄື່ອງເຟີນີເຈີທີ່ຜະລິດດ້ວຍໄມ້, ຫວາຍ, ໄມ້ປ່ອງ ແລະ ຈາກວັດສະດຸເສດເຫລືອຕ່າງໆ, ຜະລິດຕະພັນຫັດຖະກໍາ ແລະ ເຄື່ອງແກະສະຫລັກ, ເຄື່ອງປະດັບ-ຕົບແຕ່ງໃນເຮືອນ, ເຄື່ອງຈັກຕ່າງໆທີ່ກ່ຽວຂ້ອງກັບການຜະລິດເຄື່ອງເຟີນີເຈີໄມ້, ເຄື່ອງຮັບໃຊ້ວຽກງານກໍ່ສ້າງ, ເຄື່ອງໄຟຟ້າ, ອາຫານ ແລະ ຢາ.

ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ - lattana 1 - ງານວາງສະແດງເຄື່ອງເຮືອນລາວປະຈໍາປີ 2019 ຈັດຂຶ້ນທີ່ສູນການຄ້າລາວ-ໄອເຕັກ

   ນອກນີ້ກໍມີກິດຈະກິດຫລາຫລາຍ ເປັນຕົ້ນ: ການຝຶກອົບຮົມອອກແບບເຄື່ອງເຟີນີເຈີໄມ້ ແລະ ແກະສະຫລັກໄມ້ເສດ, ການປະກວດຮ້ອງເພງເຍົາວະຊົນລຸ້ນອາຍຸ (8-15 ແລະ 16-25 ປີ), ການສະແດງຂອງສິລະປິນທັງພາຍໃນ ແລະ ຕ່າງປະເທດທີ່ໜ້າສົນໃຈອື່ນໆອີກ.

error: Content is protected !!