ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ

ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ - advert banner 728 90 728x90 - ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ

(ຂປລ) ໃນວັນທີ 8 ກໍລະກົດນີ້, ທ່ານນາງ ຍອດແກ້ວມະນີ ສຸພານຸວົງ ຮອງປະທານສູນກາງແນວລາວສ້າງຊາດ ໄດ້ເລົ່າຄືນເຖິງມູນເຊື້ອຜົນງານ ແລະ ຄຸນງາມຄວາມດີຂອງປະທານ ສຸພານຸວົງ ເນື່ອງໃນໂອກາດວັນຄ້າຍວັນເກີດຂອງເພີ່ນຄົບຮອບ 110 ປີ (13 ກໍລະກົດ 1909-13 ກໍລະກົດ 2019).

  ທ່ານນາງ ຍອດແກ້ວມະນີ ສຸພານຸວົງ, ຊຶ່ງເປັນບຸດຄົນທີ 5 ຂອງປະທານ ສຸພານຸວົງ ໄດ້ເລົ່າບາງຕອນສຳຄັນວ່າ: ຮູ້ສຶກເປັນກຽດ ແລະ ມີຄວາມພາກ ພູມໃຈທີ່ສຸດທີ່ໄດ້ເກີດເປັນລູກຂອງເພີ່ນ, ຊຶ່ງເປັນພໍ່ທີ່ດີມີຄວາມເອົາໃຈໃສ່ເບິ່ງແຍງ ແລະ ຮັກຫອມຄອບຄົວ, ເປັນຄົນເວົ້າແທ້ທຳຈິງ, ດຸໝັ່ນຂະຫຍັນພຽນ, ຊື່ສັດ ແລະ ມີຄວາມເສຍສະຫລະສະເໝີຕົ້ນສະເໝີປາຍຕະຫລອດມາ​.​​ “ເປັນເວລາ 20 ກວ່າປີແລ້ວ ທີ່ພໍ່ໄດ້ຈາກໄປ,​ ແຕ່ຄຸນງາມຄວາມດີທີ່ພໍ່ໄດ້ສ້າງໄວ້ ແລະ ຖະນຸຖະໜອມມາຕະຫລອດທັງຊີວິດ ຈະຢູ່ໃນຄວາມຊົງຈຳຂອງລູກຂອງຫລານ ຕະຫລອດຊົ່ວກາລະນານ”. ທັງນີ້, ເພື່ອໃຫ້ລູກຫລານ ແລະ ຄົນຮຸ່ນຫລັງໄດ້ສຶກສາຄົ້ນຄວ້າຮ່ຳຮຽນ ແລະ ເອົາເປັນແບບຢ່າງ ເຊັ່ນ: ຄວາມຮັກຊາດອັນດູດດື່ມເລິກເຊິ່ງ, ຄວາມເສຍສະຫລະ ເພື່ອຊ່ວຍເຫລືອປະຊາຊົນລາວບັນດາເຜົ່າ, ປົກປັກຮັກສາຜືນແຜ່ນດິນລາວ, ມີຄວາມຈົງຮັກພັກດີສະເໝີຕົ້ນສະເໝີປາຍ, ມີແນວຄິດມັກສຶກສາຄົ້ນຄວ້າຮ່ຳຮຽນ ສະແຫວງຫາຄວາມຮູ້ ຄວາມກ້າວໜ້າຢູ່ຕະຫລອດເວລາ, ມີແນວຄິດຖະໜອມຖ່ອມຕົວ, ບໍ່ອວດອົ່ງທະນົງຕົວ, ບໍ່ເຄີຍຖືໂຕສູງເໜືອຄົນອື່ນ, ມີຄວາມຊື່ສັດສຸດຈະລິດ, ບໍ່ເຄີຍສໍ້ລາດບັງຫລວງ ແລະ ບໍ່ເຄີຍຖືກຊື້ຈ້າງ ທຸກຢ່າງແມ່ນເຮັດດ້ວຍຕົນເອງ ເພິ່ງຕົນເອງ ແລະ ກຸ້ມຕົນເອງ.

ທ່ານ ນາງ ຍອດແກ້ວມະນີ ຍັງໄດ້ເລົ່ງເຖິງຜົນງານທີ່ຍິ່ງໃຫຍ່ຂອງປະທານ ສຸພານຸວົງ ໃນໄລຍະການປະຕິວັດ, ເຊິ່ງທ່ານໄດ້ສຸມສະຕິປັນຍາເຫື່ອແຮງ ເພື່ອຊີ້ນໍາຂະບວນການປະຕິ ວັດລາວ ຍາດເອົາໄຊຊະນະອັນຍິ່ງໃຫຍ່ມາສູ່ປະເທດຊາດ. ຊື່ສຽງປະທານ ສຸພານຸວົງ ໄດ້ພົ້ນເດັ່ນຂຶ້ນໃນຂະນະທີ່ເປັນນັກຮົບຮັກຊາດຮຸ່ນທຳອິດ ທີ່ໄດ້ເອົາຊີວິດຜູກພັນກັບການປະຕິວັດ ຕະຫລອດມາ, ໂດຍບໍ່ຫວັ່ນໄຫວ ຕໍ່ກັບຄວາມຫຍຸ້ງຍາກລຳບາກ, ມີຄວາມເສຍສະຫລະ, ບໍ່ຫວາດຫວັ່ນຕໍ່ການຈັບກຸມຄຸມຂັງຂອງສັດຕູ, ຍາມໃດກໍຕໍ່ສູ້ເພື່ອອຸດົມຄະຕິປະຕິວັດອັນສູງສົ່ງ ເພື່ອຄວາມເປັນເອກະລາດ, ຄວາມວັດທະນາຖາວອນ, ເພື່ອອິດສະຫລະພາບ ແລະ ຄວາມຢູ່ດີກິນດີຂອງປະຊາຊົນ.

ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ - 1 1 - ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ
ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ - lattana 1 - ຜົນງານ ແລະ ຄຸນງາມຄວາມດີຂອງປະທານ ສຸພານຸວົງ

ຫລັງຈາກປະເທດຊາດໄດ້ຮັບການປົດປ່ອຍປີ 1975-1995 ປະທານສຸພານຸວົງ ໄດ້ນຳພາ ປະຊາຊົນລາວ ຜ່ານຜ່າອຸປະສັກຕ່າງໆໃນໄລຍະຂ້າມຜ່ານ, ນຳພາປະຊາຊົນດຳເນີນພາລະກິດປ່ຽນ ແປງໃໝ່ ແລະ ນຳພາປະຊາຊົນ ສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງເທື່ອລະກ້າວ.

error: Content is protected !!