ຄະດີເສດຖະກິດນັບມື້ເພີ່ມຂຶ້ນ

ຄະດີເສດຖະກິດນັບມື້ເພີ່ມຂຶ້ນ - 11 9 - ຄະດີເສດຖະກິດນັບມື້ເພີ່ມຂຶ້ນ
ຄະດີເສດຖະກິດນັບມື້ເພີ່ມຂຶ້ນ - Untitled design - ຄະດີເສດຖະກິດນັບມື້ເພີ່ມຂຶ້ນ

ເຈົ້າໜ້າທີ່ຕໍາຫລວດເສດຖະກິດ ໃຫ້ຮູ້ວ່າ: ປັດຈຸບັນ,​ ການຂັດແຍ່ງຕ່າງໆ ໃນດ້ານເສດຖະກິດຢູ່ປະເທດເຮົາເຫັນວ່ານັບມື້ເພີ່ມຂຶ້ນ, ຊຶ່ງເກີດຈາກຜົນກະທົບ ທາງລົບໃນການຂະຫຍາຍຕົວໄວຂອງເສດຖະກິດ-ສັງຄົມ ອັນໄດ້ສ້າງຄວາມເສຍຫາຍແກ່ຊັບສີນຂອງລັດ, ລວມໝູ່ ແລະ ບຸກຄົນ ເປັນຈໍານວນຫລວງຫລາຍ ດັ່ງຕົວເລກ 6 ເດືອນຕົ້ນປີ 2019 ຜ່ານມານີ້, ທົ່ວປະເທດມີຄໍາຮ້ອງຄະດີດ້ານເສດຖະກິດເກີດຂຶ້ນໃໝ່ 336 ເລື່ອງ ແລະ ຄ້າງມາແຕ່ເກົ່າ 547 ເລື່ອງ ລວມເປັນ 883 ເລື່ອງ. ມາຮອດປັດຈຸບັນສາມາດແກ້ໄຂໄດ້ພຽງ 332 ເລື່ອງ. ໃນນີ້, ສ່ວນໃຫຍ່ແມ່ນຄະດີສໍ້ໂກງ ແລະ ຍັກຍອກຊັບພົນລະເມືອງ, ຍັກຍອກຊັບຂອງລັດ-ລວມໝູ່, ປອມແປງເອກະສານ, ນໍາໃຊ້ແຊກປອມ, ເງິນປອມ, ສໍ້ລາດບັງຫລວງ, ປອມແປງກາປະທັບ, ລະເມີດພາສີ, ຊື້-ຂາຍສັດປ່າ ແລະ ການພະນັນຕ່າງໆ. ສາມາດກັກຕົວຜູ້ກະທໍາຜິດໄດ້ 100 ກວ່າຄົນ (ຍິງ 27 ຄົນ), ຢຶດຂອງກາງໄດ້ຄື: ໄມ້ຂະຍຸງ  20 ພັນກວ່າແມັດກ້ອນ, ໄມ້ດູ່ 1 ພັນກວ່າແມັດກ້ອນ, ໄມ້ປະດົງ 14 ພັນກວ່າແມັດກ້ອນ, ໄມ້ແຕ້ 5.450 ກວ່າແມັດກ້ອນ, ໄມ້ຍາງ 1 ພັນກວ່າແມັດກ້ອນ ແລະ ໄມ້ຊະນິດອື່ນໆ ທັງແບບປະເພດໄມ້ຕັບ ແລະ ແປຮູບອີກຈໍານວນໜຶ່ງ. ພ້ອມນີ້ ສາມາດຢຶດເງິນປອມໄດ້ 59 ລ້ານກວ່າກີບ, 30 ພັນກວ່າບາດ ແລະ 15 ພັນກວ່າໂດລາ, ຢຶດໃບຕາດິນ 5 ໃບ, ລົດໃຫຍ່ 10 ຄັນ,​ ລົດຈັກ 2 ຄັນ, ແຮ່ທາດຕ່າງໆ 3,5 ໂຕນ ແລະ ເຄື່ອງອຸປະກອນໄອທີຈໍານວນໜຶ່ງ.      

ຄະດີເສດຖະກິດນັບມື້ເພີ່ມຂຶ້ນ - Wave100S AD to Website 2020 0 - ຄະດີເສດຖະກິດນັບມື້ເພີ່ມຂຶ້ນ
ຄະດີເສດຖະກິດນັບມື້ເພີ່ມຂຶ້ນ - WhatsApp Image 2020 05 27 at 5 - ຄະດີເສດຖະກິດນັບມື້ເພີ່ມຂຶ້ນ
ຄະດີເສດຖະກິດນັບມື້ເພີ່ມຂຶ້ນ - WhatsApp Image 2020 05 27 at 5 - ຄະດີເສດຖະກິດນັບມື້ເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!