ປະຫວັດສາດ​ເຂື່ອນ​ແຕກ​ຢ່າ​ໃຫ້​ຊ້ຳຮອຍ

- advert banner 728 90 728x90 - ປະຫວັດສາດ​ເຂື່ອນ​ແຕກ​ຢ່າ​ໃຫ້​ຊ້ຳຮອຍ

ໂດຍ: ທິດ​ກ່ຳ

- lattana 1 - ປະຫວັດສາດ​ເຂື່ອນ​ແຕກ​ຢ່າ​ໃຫ້​ຊ້ຳຮອຍ

ເວົ້າເລື່ອງການປ່ຽນ ແປງສະພາບດິນຟ້າອາກາດ ໃນແຕ່ລະປີບໍ່ມີໃຜຄາດເດົາ ໄດ້ຢ່າງແມ່ນຢຳ, ໃນເດືອນ ກໍລະກົດ 2017 ມີຝົນຕົກໜັກ ທົ່ວປະເທດຈົນເຮັດໃຫ້ຫລາຍບ້ານ, ຫລາຍເມືອງ ແລະ ຫລາຍແຂວງປະສົບບັນຫາ ໄພພິບັດນ້ຳຖ້ວມຊຸທັ່ງອັ່ງຂັງ ເຮັດໃຫ້ ຄົນເສຍຊີວິດ ແລະ ຊັບສິນກໍເສຍຫາຍໃນມູນ ຄ່າຫລາຍພັນຕື້ກີບ.

ອັນທີ່ຮ້າຍແຮງທີ່ສຸດ, ແມ່ນໄດ້ມີເຫດການເຂື່ອນ ເຊປຽນ-ເຊນ້ຳນ້ອຍແຕກພັງ ເຮັດໃຫ້ຄົນເສຍຊີວິດ ແລະ ສູນຫາຍ 30 ກວ່າຄົນ, ບ້ານ ເຮືອນຖືກພັງທະລາຍສູນ ຫາຍໄປ 6 ບ້ານ,  ສັດສາວາ ສິ່ງ, ໄຮ່ນາຮົ້ວສວນ, ເຄື່ອງ ປູກຂອງຝັງຂອງປະຊາຊົນ ຫລາຍບ້ານໃນເຂດເມືອງສະໜາມໄຊຖືກທຳລາຍແປນ ເອີດເຕີດ, ນີ້ຄືມະຫັນຕະ ໄພຢ່າງຮ້າຍກາດໃຫຍ່ຫລວງ ເຊ່ິງບໍ່ເຄີຍມີມາໃນປະຫວັດ ສາດຂອງຊາດລາວ, ຄົນລາວ ຈາກທີ່ມາຂອງຄຳວ່າເຂື່ອນແຕກພັງ.

ຈາກເຫດການທີ່ເກີດ ຂຶ້ນນີ້, ໃຜກໍບໍ່ເພິ່ງປາຖະໜາ ແຕ່ກໍບໍ່ສາມາດຕ້ານ ແລະ ປັດສະຈາກໄດ້ໃນເມື່ອເຫດ ສຸກເສີນໄດ້ມາທຳລາຍ ແລະ ຂັ້ນຕໍ່ໄປກໍຂໍຢ່າໃຫ້ພົບພໍ້ເຫດ ການມະຫັນຕະໄພຊ້ຳຮອຍ ນັ້ນອີກ, ລ້າສຸດທ່ານລັດຖະມົນຕີ ກະຊວງພະລັງງານ ແລະ ບໍ່ແຮ່ຄຳມະນີ ອິນທິລາດ ກໍໄດ້ອອກມາປະກາດສັກສີ ຕໍ່ ພີ່ນ້ອງຊາວລາວວ່າ “ຮັບ ປະກັນຈະບໍ່ໃຫ້ເກີດເຂື່ອນ ແຕກຊ້ຳຮອຍອີກ” ຕໍ່ຄຳປະກາດຢືນຢັນດັ່ງກ່າວໄດ້ມີ ຂຶ້ນໃນໂອກາດກອງປະຊຸມ ເປີດກວ້າງລັດຖະບານຄັ້ງທີ 1 ປະຈຳປີ 2019.

ຕໍ່ຄຳປະກາດດັ່ງກ່າວນີ້ກໍເຮັດໃຫ້ຊາວລາວມີຄວາມສະບາຍໃຈຫລາຍຂຶ້ນໂດຍ ສະເພາະແມ່ນປະຊາຊົນບັນ ດາເຜົ່າທີ່ທຳມາຫາກິນຢູ່ໃຕ້ເຂື່ອນໃຫ້ແຕ່ລະມື້ມື້ລະວັນພໍເຖິງຍາມຝົນມາຍາມ ໃດກໍຢ້ານມະຫັນຕະໄພເຂື່ອນແຕກພັງຈະພາກັນ ປົບໜີບໍ່ທັນ.

ແນວໃດກໍຕາມ, ໃນຄຳຢືນຢັນ ຂອງທ່ານລັດຖະມົນ ຕີ ກະຊວງພະລັງງານ ແລະ ບໍ່ແຮ່ຄັ້ງນີ້ເພິ່ນກໍບໍ່ໄດ້ເວົ້າ ຢ່າງເດັດຂາດກັບຕົນເອງວ່າ ຖ້າມີເຂື່ອນແຕກພັງຊ້ຳຮອຍອີກຕໍ່ໄປ ເຮົາຈະຂໍລາອອກຈາກຕຳແໜ່ງທັນທີ ຄືດັ່ງຮູ້ ນຳກັນແລ້ວວ່າ, ໃນປັດຈຸບັນ ແລະ ອານາຄົດ ສປປ ລາວ ເຮົາພວມກຳລັງ ແລະ ມີແຜນ ສ້າງເຂື່ອນພະລັງນ້ຳຫລາຍກວ່າ 60 ກວ່າໂຄງການ.

ຄາດວ່າໃນຕໍ່ໜ້າ ແລະ ຍາວນານອາດເປັນໝໍ້ໄຟ ອາຊຽນຢ່າງແນ່ນອນ. ນອກ ຈາກມີເຂື່ອນພະລັງນ້ຳແລ້ວ, ຍັງມີໂຮງງານໄຟຟ້າພະລັງຖ່ານຫີນ ແລະ ພະລັງແສງ ອາທິດຕື່ມອີກ, ເມື່ອເປັນດ່ັງ ທີ່ວ່ານີ້, ປະເທດລາວຂອງ ພວກເຮົາໃນອານາຄົດຂ້າງໜ້າຈະເປັນປະເທດທີ່ຮັ່ງມີ ຍ້ອນການສົ່ງອອກກະແສໄຟຟ້າໄປສູ່ປະເທດອ້ອມຂ້າງ  ແລະ ໃນກຸ່ມອາຊຽນຫລາຍ ຂຶ້ນຍາມນັ້ນຄ່າກະແສໄຟຟ້າພາຍໃນປະເທດກໍຈະຫລຸດຜ່ອນລົງ.

ດ້ວຍຄວາມອຸດົມຮັ່ງມີ ຈາກຊັບພະຍາກອນທຳມະຊາດ, ໂດຍສະເພາະຈາກແຫລ່ງນ້ຳປະຊາຊົນ ລາວບັນດາເຜົ່າໃນທົ່ວປະເທດກໍຈະ ໄດ້ຊົມໃຊ້ໄຟຟ້າໃນທຸກຄົວເຮືອນ, ທຸກບ້ານ ແລະ ທຸກ ຂົງເຂດການຜະລິດນັບແຕ່ ຕົວເມືອງເຖິງຊົນນະບົດບ່ອນຫ່າງໄກສອກຫລີກ.

- Tiger Head 728x90 - ປະຫວັດສາດ​ເຂື່ອນ​ແຕກ​ຢ່າ​ໃຫ້​ຊ້ຳຮອຍ
- 1 1 - ປະຫວັດສາດ​ເຂື່ອນ​ແຕກ​ຢ່າ​ໃຫ້​ຊ້ຳຮອຍ

ໃນໂອກາດກອງປະຊຸມສະໄໝສາມັນເທື່ອທີ 7 ຂອງ ສະພາແຫ່ງຊາດຊຸດທີ VIII ລັດຖະບານເຮົາກໍໄດ້ພິຈາລະນາຫລຸດຄ່າໄຟຟ້າລົງສຳລັບຄອບຄົວ ທີ່ມີລາຍຮັບຕ່ຳແຕ່ ຜົນຂອງການຈັດຕັ້ງປະຕິບັດນັ້ນບໍ່ທັນອອກມາເປັນທາງການເທື່ອເພາະຍັງຄາຢູ່ນຳ ຂັ້ນຕອນການຄິດໄລ່ບໍ່ທັນ ຕົກແຕກ ແລະ ບໍ່ຮູ້ວ່າ ເວລາ ໃດຈຶ່ງຈະໄດ້ປະຕິບັດ.

ເຖິງຢ່າງໃດກໍດີ, ສິ່ງທີ່ ປະຊາຊົນເປັນຫວ່ງນັ້ນແມ່ນ ເລື່ອງຄວາມປອດໄພຕໍ່ຊີວິດ ແລະ ຊັບສິນ.ນອກຈາກນັ້ນ, ກໍແມ່ນບັນຫາການຍົກຍ້າຍ ຖິ່ນຖານຕໍ່ຜູ້ທີ່ມີຜົນກະທົບເພາະຈາກ ບ່ອນທີ່ມີພື້ນຖານ ການຜະລິດ, ຊີວິດການເປັນ ຢູ່ທີ່ໝັ້ນຄົງແໜ້ນໜາໄດ້  ຍ້າຍໄປຢູ່ບ່ອນໃໝ່ ມັນຕ້ອງ ໄດ້ໃຊ້ເວລາຫລາຍປີໃນຊີວິດຂອງຄົນເຮົາ.

ແຕ່ອັນສຳຄັນນັ້ນ, ພວກເຮົາຕ້ອງເຫັນວ່າການພັດທະນາປະເທດຊາດບ້ານເມືອງ ນັ້ນເປັນສິ່ງສຳຄັນກວ່າໝູ່ ໝົດ, ຖ້າບໍ່ດັ່ງນັ້ນປະເທດຊາດ ຂອງພວກເຮົາກໍຈະທຸກຍາກລຳບາກ ແລະ ດ້ອຍພັດທະ ນາ ໄປຕະຫລອດ. ຂໍພຽງແຕ່ ວ່າກໍ່ສ້າງເຂື່ອນໄປແລ້ວຕ້ອງ ຮັບປະກັນຕໍ່ຄວາມປອດໄພ ໃນຊີວິດ ແລະ ຊັບສິນຂອງ ປະຊາຊົນບໍ່ໃຫ້ເຂື່ອນແຕກຊ້ຳຮອຍອີກຕໍ່ໄປກໍເປັນອັນວ່າ “ໂທຍ”!./.

- 557 - ປະຫວັດສາດ​ເຂື່ອນ​ແຕກ​ຢ່າ​ໃຫ້​ຊ້ຳຮອຍ
error: Content is protected !!