ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ

ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ - advert banner 728 90 728x90 - ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ


ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ - new3 - ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ

  ສປປ ລາວ ຈະສ້າງຫລາຍນິຕິກໍາຂຶ້ນຕື່ມໃນການຄຸ້ມຄອງການໃຫ້ບໍລິການລະບົບອິນເຕີເນັດ ກໍຄືການຄຸ້ມຄອງການນໍາໃຊ້ສື່ສັງຄົມອອນລາຍໃຫ້ມີປະສິດທິພາບ ເພື່ອແນໃສ່ອໍານວຍຄວາມສະດວກໃຫ້ຂະແໜງການພາກລັດ, ເອກະຊົນ, ຜູ້ປະກອບການ, ຫົວໜ່ວຍທຸລະກິດ ຕະຫລອດຮອດປະຊາຊົນທຸກຊັ້ນຄົນໃນສັງຄົມໄດ້ນໍາໃຊ້ອີນເຕີເນັດຢ່າງທົ່ວເຖິ່ງ ເພື່ອພັດທະນາຊີວິດການເປັນຢູ່ໃຫ້ມີຄວາມສະດວກ, ມີປະໂຫຍດ ແລະ ທັນສະໄໝ. 

  ບັນຫາດັ່ງກ່າວ, ໄດ້ມີການປຶກສາຫາລືຢູ່ກອງປະຊຸມຄະນະກຳມະການຄຸ້ມຄອງອິນເຕີເນັດແຫ່ງຊາດ (ຄຄອຊ) ທີ່ຈັດຂຶ້ນໃນວັນທີ 9 ກໍລະກົດນີ້ຢູ່ສຳນັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທັງເປັນປະທານ ຄຄອຊ, ໂດຍມີພາກສ່ວນກ່ຽວຂ້ອງຕ່າງໆເຂົ້າຮ່ວມ.

ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ - lattana 1 - ລາວຈະສ້າງນິຕິກໍາອອກຕື່ມເພື່ອຄຸ້ມຄອງການບໍລິການອິນເຕີເນັດໃຫ້ມີປະສິດທິພາບ

   ກອງປະຊຸມໄດ້ຍົກໃຫ້ເຫັນການຄຸ້ມຄອງວຽກງານອິນເຕີເນັດໃນໄລຍະ 6 ເດືອນຜ່ານມາວ່າ: ຄຄອຊ ໄດ້ຊີ້ນໍາຂະແໜງການກ່ຽວຂ້ອງເອົາໃຈໃສ່ຄຸ້ມຄອງ ແລະ ແກ້ໄຂບັນຫາການນໍາໃຊ້ອິນເຕີເນັດ ແລະ ສື່ສັງຄົມອອນລາຍ ດ້ວຍຮູບການຕ່າງໆຢ່າງມີປະສິດທິພາບ ເປັນຕົ້ນແມ່ນການສ້າງ ແລະ ນໍາໃຊ້ນິຕິກຳທີ່ກ່ຽວຂ້ອງຕ່າງໆໃນການຄຸ້ມຄອງອິນເຕີເນັດ, ໂດຍສະເພາະແມ່ນກົດໝາຍວ່າດ້ວຍການຕ້ານ ແລະ ສະກັດກັ້ນອາຊະຍາກຳທາງຄອມພິວເຕີ ແລະ ດຳລັດວ່າດ້ວຍການຄຸ້ມຄອງຂໍ້ມູນຂ່າວສານຜ່ານອິນເຕີເນັດ ເພື່ອເປັນເຄື່ອງມືຄຸ້ມຄອງ ແລະ ຈຳກັດການນຳໃຊ້ສື່ສັງຄົມອອນລາຍໄປໃນທາງທີ່ຂັດ ແລະ ຜິດລະບຽບກົດໝາຍ. ຂະນະດຽວກັນ ກໍເຫັນວ່າການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນວຽກງານບໍລິຫານລັດແມ່ນກວ້າງຂວາງ, ປັດຈຸບັນມີຫລາຍຂະແໜງການພາກລັດ ແລະ ເອກະຊົນ ໄດ້ນໍາໃຊ້ຊ່ອງທາງອອນລາຍເຂົ້າຊ່ວຍໃນລະບົບການບໍລິຫານ-ຈັດການ, ຄຸ້ມຄອງເສດຖະກິດ, ທຸລະກິດໃນຫລາຍລະດັບເພື່ອສ້າງຄວາມສະດວກ, ວ່ອງໄວ ແລະ ທັນສະໄໝ, ໂດຍແມ່ນກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ເປັນເຈົ້າການສະໜອງລະບົບອີເມວ, ລະບົບປະຊຸມທາງໄກ ແລະ ລະບົບເອກະສານເອເລັກໂຕຣນິກໃຫ້ລັດຖະບານ ກໍຄືບັນດາກະຊວງ ແລະ ອົງການຈັດຕັ້ງຕ່າງໆ, ອັນພົ້ນເດັ່ນແມ່ນໄດ້ນໍາໃຊ້ລະບົບອິນເຕີເນັດເຂົ້າມາຊ່ວຍໃນວຽກງານຈັດເກັບລາຍຮັບງົບປະມານລັດຂອງຂະແໜງການເງິນ, ຂະແໜງການທະນາຄານ ກໍນຳໃຊ້ເຕັກໂນໂລຊີຂໍ້ມູນຂ່າວສານ ເພື່ອແນໃສ່ຮັບປະກັນຄວາມໂປ່ງໃສ, ມີຄວາມສະດວກວ່ອງໄວ ແລະ ມີປະສິດທິຜົນສູງຂຶ້ນ. ດັ່ງນັ້ນໃນຕໍ່ໜ້ານີ້, ລັດຖະບານ ກໍຄືຄະນະກຳມະການຄຸ້ມຄອງອິນເຕີເນັດແຫ່ງຊາດ ຈະສືບຕໍ່ສ້າງນິຕິກຳ, ດຳລັດລຸ່ມກົດໝາຍ ເພື່ອຄຸ້ມຄອງວຽກງານເຕັກໂນໂລຊີຂໍ້ມູນຂ່າວສານ ແລະ ອິນເຕີເນັດ ທີ່ເຫັນວ່າຍັງເປັນຊ່ອງຫວ່າງ, ໂດຍສະເພາະນິຕິກຳຄຸ້ມຄອງ, ການຄ້າອອນລາຍ, ສື່ສັງຄົມອອນລາຍ ເພື່ອໃຫ້ສາມາດຄວບຄຸມບັນດາຊ່ອງທາງ ແລະ ວິທີການໃໝ່ໆທີ່ເກີດຂຶ້ນ ແລະ ຖືກນໍາໃຊ້ຫລາຍໃນສັງຄົມເປັນແຕ່ລະໄລຍະ, ສືບຕໍ່ຊຸກຍູ້ວຽກງານສ້າງຈິດສຳນຶກ, ການເຜີຍແຜ່ຕອບຕ້ານ, ກວດກາຕິດຕາມຫາງສຽງສັງຄົມຜ່ານສື່ຕ່າງໆ, ສືບຕໍ່ເຄື່ອນໄຫວຖອດຖອນບົດຮຽນ ແລະ ກໍ່ສ້າງບຸກຄະລາກອນ ໃຫ້ມີຄວາມສາມາດສູງຂຶ້ນໃນວຽກງານຄຸ້ມຄອງອິນເຕີເນັດ, ຊຸກຍູ້ໃຫ້ວຽກງານເຕັກນິກຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ມີຜົນສຳເລັດເທື່ອລະກ້າວ.

error: Content is protected !!