ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ

ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ - advert banner 728 90 728x90 - ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ

ວິທະຍາ​ໄລ ລາວ​ນາໆຊາດ​ ​ເປັນ​ສະຖາບັນການສຶກສາເອກະ​ຊົນ​ທີ່​ມີ​ຊື່ສຽງ ​ແລະ ​ເປັນ​ທີ່​ຮູ້ຈັກ​ກັນ​ດີ​ຂອງ​ສັງຄົມ​ລາວ, ສຶກສາດີ ມີວິໄນ ວິໄສທັດ ກວ້າງໄກ, ສ້າງຄົນໃຫ້ເປັນເລີດດ້ານວິຊາການ, ມີຄຸນນະທໍາ ແລະ ລະບຽບວິໄນ, ທັນສະໄໝອອກຮັບໃຊ້ສັງຄົມ, ຕອບສະໜອງຄວາມຮຽກຮ້ອງ ຕ້ອງການຂອງ ການພັດທະນາເສດຖະກິດ-ສັງຄົມ, ສາມາດເຊື່ອມໂຍງກັບພາກພື້ນ ແລະ ສາກົນເທື່ອລະກ້າວນໍາຄວາມສີວິໄລສູ່ສັງຄົມ. ວິທະຍາໄລດັ່ງກ່າວມີຊື່​ຫຍໍ້ວ່າ: ວລຊ ຫລື Lao International  College (LIC), ມີອາ​ຈານ​ທີ່​ມີ​ປະສົບ​ການ​ສູງນັບທັງພາຍໃນ ແລະ ​ຕ່າງປະ​ເທດ, ​ເຈົ້າ​ຂອງ​ພາສາ​ເອງ, ແຕ່ໃດມາວິທະຍາໄລແຫ່ງນີ້ໄດ້​​ເນັ້ນການຮຽນດ້ານ​ທິດ​ສະ​ດີໄປພ້ອມໆ​ກັບ​ການ​ຝຶກ​ງານ​ຕົວ​ຈິງ, ມີ​ບ່ອນ​ລົງ​ຝຶກ​ງານ​ຮອງ​ຮັບ​ຫລາຍ​ກວ່າ 40 ​ແຫ່ງ ​ແລະ ຮຽນຈົບ​ແລ້ວ​ມີ​ບ່ອນ​ເຮັດ​ວຽກ​ຮອງ​ຮັບໄວ້ເປັນຢ່າງດີ.

ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ - new3 - ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ

ທ່ານ ປະສິດທິຜົນ ພອນວັນທາ ຜູ້ອໍານວຍການ ວິທະຍາໄລດັ່ງກ່າວ ໃຫ້ຮູ້ວ່າ: ວິທະຍາໄລ ລາວນາໆຊາດ ໄດ້ສ້າງຕັ້ງຂຶ້ນເມື່ອກາງເດືອນ ພຶດສະພາ 2004, ຜ່ານມາໂດຍການຊີ້ນໍານໍາພາຂອງທ່ານ ຢ້າວ ພອນວັນທາ ຜູ້ປະກອບການ, ປະທານວິທະຍາໄລດັ່ງກ່າວ (ອາດີດກໍາມະການສູນກາງພັກ, ອາດີດລັດຖະມົນຕີວ່າການ ກະຊວງການເງິນ ແລະ ອາດີດເຈົ້າແຂວງເຊກອງ), ເພື່ອສ້າງຊັບພະຍາກອນມະນຸດທີ່ມີຄວາມຮູ້ ຄວາມສາມາດອອກຮັບໃຊ້ປະເທດ ຊາດ, ຮັບໃຊ້ສັງຄົມ. ປະກອບເຂົ້າໃນການພັດທະນາເສດຖະກິດ-ສັງຄົມຂອງ ປະເທດຕາມແນວທາງນະໂຍບາຍຂອງພັກ-ລັດວາງໄວ້ ແລະ ສົ່ງເສີມການສຶກສາທຸກຮູບແບບທີ່ບໍ່ຄັດຕໍ່ລະບຽບກົດ ໝາຍໃຫ້ທຽບເທົ່າກັບພາກພື້ນ ແລະ ສາກົນເທື່ອລະກ້າວ. ພ້ອມຮອງຮັບນັກສຶກ ສາທີ່ຮຽນຈົບມປາຍ ແລະ ພະນັກງານທີ່ຕ້ອງການຢາກຍົກລະດັບການສຶກສາຂອງຕົນໃຫ້ສູງຂຶ້ນ. ເຊິ່ງຈຸດເລີ່ມຕົ້ນໄດ້ສ້າງເປັນສູນສອນພາສາອັງກິດໄລຍະສັ້ນໃນປີ 2003 ແລະ ພັດທະ ນາມາເປັນວິທະຍາໄລໃນປີ 2004 ຕາມແນວທາງນະໂຍ ບາຍຂອງພັກ-ລັດ ໂດຍນໍາໃຊ້ຫລັກສູດທີ່ໄດ້ມາດຕະຖານຂັ້ນອະຊີວະສຶກສາ ຊັ້ນສູງລະບົບ 3 ປີຄື: ຂະແໜງການບໍລິຫານການເງິນ-ການບັນຊີ, ບໍລິຫານ ໂຮງແຮມ-ການ ທ່ອງທ່ຽວ, ພາສາອັງກິດ ທຸລະກິດ ແລະ ພາສາອັງກິດ ໄລຍະສັ້ນ. ສໍາລັບການຮຽນ-ການສອນຂອງວິທະຍາໄລ ແມ່ນໄດ້ເນັ້ນໃຫ້ນັກ ສຶກສາເປັນໃຈກາງ ແລະ ປະຕິບັດຕົວຈິງໃນຂະແໜງການຮຽນຕ່າງໆ, ພ້ອມ​ທັງ​ມີ​ນະ​ໂຍບາຍ​ສົ່ງ​ເສີມ​ໃຫ້​ນັກ​ສຶກສາ​ຮຽນຮູ້ຫລາຍໆດ້ານ​ຄື​: ນັກ​ສຶກສາ​ທີ່​ຮຽນ​ເກັ່ງ ດ້ວຍ​ຄະ​ແນນ 3,50 ​ໃນ​ປີ​ທີ 3 ຈະ​ມີ​ນະ​ໂຍບາຍ ພ້ອມ​ໃບ​ຍ້ອງຍໍ, ໃຫ້ທຶນການສຶກສາສໍາລັບຜູ້ທີ່ຮຽນເກັ່ງ, ມາຮຽນບໍ່ຂາດ, ຖະນະຍາກຈົນແມ່ນ ຈະໃຫ້ທຶນຮຽນຈົນຈົບ, ມີທຶນການສຶກສາດອກເບ້ຍຕໍ່າ, ນັກສຶກສາສາມາດເຂົ້າຮ່ວມກິດຈະກໍາຕ່າງໆວິທະຍາ ໄລ ແລະ ເມື່ອຮຽນຈົບແລ້ວທາງໂຮງຮຽນຈະຊ່ວຍຊອກຫາວຽກເຮັດໃຫ້ພ້ອມ, ມີເງິນ ເດືອນ ແລະ ສະຫວັດດີການດີ.

ທ່ານ ປະສິດທິຜົນ ພອນວັນທາ ໃຫ້ຮູ້ຕື່ມວ່າ: ​ໃນ​ສົກ​ປີ 2019-2020 ນີ້ທາງວິທະຍາໄລໄດ້ກຽມພ້ອມຮັບນັກສຶກສາຊຸດໃໝ່ຈໍານວນ 800 ຄົນ, ໃນນີ້ ຂະແໜງການບໍລິຫານການເງິນ-ການບັນຊີ 250 ຄົນ, ບໍລິຫານໂຮງແຮມ-ການທ່ອງທ່ຽວ 100 ຄົນ ແລະ ພາສາອັງກິດ ທຸລະກິດ 450 ຄົນ. ​ໂດຍ​ສາມາດ​ລົງທະບຽນ​ໄດ້​ທີ່​ຫ້ອງການ​ວິ​ທະຍາ​ໄລ ຢູ່​ບ້ານ​ສະພານ​ທອງ​ເໜືອ ​ເມືອງ​ສີ​ສັດຕະ​ນາກ ນະຄອນຫລວງ​ວຽງຈັນ, www.licpdr.edu.la ຫລື ສອບ​ຖາມ​ໄດ້​ທີ່​ເບີ​ໂທລະສັບ 021-412558, 020 56888847, 02055197654 ​ແລະ ​ເຟສບຸກ​ເພ​ຈ Lao International  College ​ແລະ ຈະຈັດສອບ​ເສັງຄັດເລືອກເປັນ 3 ຄັ້ງ​ຄື: ຄັ້ງ​ທີ 1 ວັນ​ທີ 02/09/2019, ຄັ້ງ​ທີ 2 ວັນ​ທີ 30/09/2019, ຄັ້ງ​ທີ 3 ວັນ​ທີ 28/10/2019. ໃນອະນາຄົດຄາດວ່າຈະພັດທະນາຍົກລະດັບກ້າວຂຶ້ນເປັນສະຖາບັນການສຶກສາລະດັບປະລິນຍາຕີ ຫລື ປະລິນຍາໂທ ເພື່ອສ້າງບຸກຄະລາກອນ ທີ່ໄດ້ຄຸນນະພາບດ້ານການ ສຶກສາຕາມມາດຕະຖານຂອງກະຊວງສຶກສາທິການ ແລະ ກິລາວາງອອກໃຫ້ມີ ປະສິດທິພາບສູງຂຶ້ນເທື່ອລະກ້າວ.

ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ - lattana 1 - ວິທະຍາ​ໄລ ລາວ​ນາໆຊາດ​ ສຶກສາດີ, ມີວິໄນ ແລະ ວິໄສທັດກວ້າງໄກ
error: Content is protected !!