ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ

ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ - advert banner 728 90 728x90 - ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ

     1.ເລືອກກິນໃຫ້ຫລາຍຂຶ້ນ, ຄວບຄຸມແປ້ງ, ໄຂມັນ ແລະ ນຳ້ຕານ : ຄວນປັບປ່ຽນພຶດຕິກຳການກິນ, ເລືອກກິນໃຫ້ຫລາຍຂຶ້ນ ເຊັ່ນ : ກິນຊີ້ນສັດພາກສ່ວນທີ່ບໍ່ມີໄຂມັນ, ຫລີກເວັ້ນພາກສ່ວນທີ່ເປັນໜັງ, ງົດກິນເຄັມ, ອາຫານມັນ, ອາຫານຈືນ ແລະ ປ່ຽນມາເປັນກິນອາຫານທີ່ປຸງແຕ່ງໂດຍການຕົ້ມ ຫລື ໜຶ້ງແທນ ລວມໄປເຖິງຈຳກັດປະລິມານການກິນອາຫານທີ່ອຸດົມໄປດ້ວຍແປ້ງ, ໄຂມັນ ແລະ ນຳ້ຕານ. ສິ່ງສຳຄັນຄວນກິນອາຫານຫລັກໃຫ້ຄົບ 3 ຄາບ ໂດຍມີຜັກ – ໝາກໄມ້ທຸກຄາບ ແລະ ຖ້າດື່ມນົມເປັນປະຈຳ ຄວນເລືອກນົມລົດຊາດທຳມະດາ ຊະນິດພ່ອງໄຂມັນ ຫລື ໄຂມັນ 0%, ຫລີກເວັ້ນນົມທີ່ມີລົດຊາດຫວານ ເຊັ່ນ : ມີສ່ວນປະສົມຂອງຊັອກໂກແລັດ, ໝາກສະຕໍເບີຣີ ເປັນຕົ້ນ.

ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ - new3 - ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ
ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ - 031206 2019 - ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ

     2. ກິນເຂົ້າເທົ່າກັບຊີ້ນ, ກິນຜັກຫລາຍກ່ວາເຂົ້າ : ການກິນແບບ 2 – 1 – 1 ໃນ 1 ຄາບ (ຜັກ 2 ສ່ວນ, ໂປຣຕິນ 1 ສ່ວນ, ໝາກໄມ້ 1 ສ່ວນ) ຈະໃຫ້ພະລັງງານປະມານ 400 ກິໂລກາລໍຣີ ຊ່ວຍຫລຸດພະລັງງານໃນແຕ່ລະມື້ລົງໄດ້ 500 ກິໂລກາລໍຣີ ໃນ 1 ອາທິດ ສາມາດຫລຸດນຳ້ໜັກລົງໄດ້ 1 ກິໂລ. ນອກຈາກນີ້, ການກິນແບບນີ້ຈະໄດ້ປະລິມານຜັກໃນ 1 ຄາບ 100 – 200 ກຣາມ ແລະ ຫາກກິນ 3 ຄາບ ຄຽງຄູ່ກັບໝາກໄມ້ ຈະໄດ້ຮັບປະລິມານລວມບໍ່ໜ້ອຍກ່ວາ 400 ກິໂລກຣາມ ເຊິ່ງຈະຊ່ວຍຫລຸດຄວາມສ່ຽງຕໍ່ການເກີດພະຍາດບໍ່ຕິດຕໍ່ຊຳ້ເຮື້ອໄດ້. ແນວໃດກໍຕາມ ຄວນມີກິດຈະກຳທາງກາຍຮ່ວມນຳຈະຊ່ວຍຫລຸດພຸງໄດ້ໄວຂຶ້ນ.

    3. ອອກກຳລັງກາຍຄຽງຄູ່ : ຄວນອອກກຳລັງກາຍ ຫລື ເຄື່ອນໄຫວຮ່າງກາຍຢ່າງໜ້ອຍມື້ລະ 30 ນາທີ ໂດຍປະສານການອອກກຳລັງກາຍທັງ 3 ແບບເຂົ້າກັນ ຄື : ຄາດີໂອ, ການໃຊ້ແຮງຕ້ານ ແລະ ການຍືດເສັ້ນຍືດເອັນ ເຊິ່ງສຳລັບຄາດີໂອຈະເນັ້ນການເຄື່ອນໄຫວຮ່າງກາຍເປັນຫລັກ. ສ່ວນແຮງຕ້ານຈະເປັນການໃຊ້ກ້າມຊີ້ນພາກສ່ວນຕ່າງໆຂອງຮ່າງກາຍ ເຊັ່ນ : ກົກແຂນ, ກົກຂາ, ບ່າໄຫລ່, ໜ້າທ້ອງ, ໜ້າເອິກ, ເກັງໂດຍໃຊ້ນຳ້ໜັກ ແລະ ແຮງດຶງຖ່ວງໂຕຂອງໂຕເອງ ເຊັ່ນ : ບໍດີ້ເວດ, ເວດເທຣນນິ້ງ ເປັນຕົ້ນ. ສຸດທ້າຍແມ່ນການຍືດ – ຢຽດກ້າມຊີ້ນເພື່ອຊ່ວຍຫລຸດການບາດເຈັບ ແລະ ເຮັດໃຫ້ຮ່າງກາຍເຄື່ອນໄຫວໄດ້ດີຂຶ້ນ.

ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ - lattana 1 - ບໍ່ຕ້ອງອົດອາຫານກໍສາມາດຫລຸດນຳ້ໜັກຢ່າງໄດ້ຜົນ

     4. ຫລຸດການກິນອາຫານບຸບເຟ້ – ຊີ້ນດາດ : ການກິນບຸບເຟ້ – ຊີ້ນດາດສ່ວນຫລາຍຈະຄິດເຖິງຄວາມກຸ້ມຄ່າກັບເງິນທີ່ຈ່າຍໄປ ແລະ ພະຍາຍາມກິນອາຫານໃຫ້ໄດ້ຫລາຍທີ່ສຸດເພື່ອຈະໃຫ້ກຸ້ມຄ່າ, ແຕ່ທັງນີ້ຫາກຮ່າງກາຍໄດ້ຮັບພະລັງງານຫລາຍເກີນຄວາມຕ້ອງການ ຮ່າງກາຍຈະເອົາພະລັງງານສ່ວນເກີນນັ້ນໄປເກັບສະສົມໃນຮູບແບບໄຂມັນ ເພື່ອເປັນພະລັງງານສຳຮອງ ເຊິ່ງຖ້າມີການສະສົມຂອງໄຂມັນຫລາຍຂຶ້ນ ກໍຈະນຳໄປສູ່ຄວາມຕຸ້ຍ ແລະ ນຳໄປສູ່ພະຍາດຕ່າງໆໄດ້. ດັ່ງນັ້ນ, ການຫລຸດອາຫານບຸບເຟ້ – ຊີ້ນດາດລົງແດ່ ຈຶ່ງເປັນຄືໂຕຊ່ວຍໃນການຫລຸດນຳ້ໜັກທີ່ດີຫລາຍທາງໜຶ່ງ.

     5. ກິນເຂົ້າເຊົ້າໃຫ້ເຕັມທີ່, ກິນເຂົ້າແລງໃຫ້ໄວຂຶ້ນ (ບໍ່ເກີນ 6 ໂມງແລງ) : ການຫລຸດນຳ້ໜັກໃຫ້ໄດ້ຜົນ ນອກຈາກຈະຕ້ອງອາໄສວິໃນໃນການອອກກຳລັງກາຍແລ້ວ ການກິນອາຫານກໍມີຜົນຫລາຍຄືກັນ ໂດຍກ່ອນໜ້ານີ້ທ່ານອາດໄດ້ຍິນວ່າກິນໜ້ອຍໆ, ແຕ່ກິນຫລາຍເທື່ອ ຈະຊ່ວຍເລື່ອງລະບົບການເຜົາຜານໃນຮ່າງກາຍໃຫ້ດີຂຶ້ນ, ແຕ່ຈາກຜົນການສຶກສາໃໝ່ລ່າສຸດໂດຍມະຫາວິທະຍາໄລ Loma Linda University School of Public Health ໃນສະຫະລັດອາເມລິກາ ພົບວ່າ : ການກິນເຂົ້າເຊົ້າໃຫ້ເຕັມທີ່ ແລະ ກິນເຂົ້າແລງໃຫ້ໄວຂຶ້ນ (ບໍ່ເກີນ 18:00 ໂມງ) ເພື່ອໃຫ້ມີເວລາທີ່ທ້ອງວ່າງດົນ 18 ຊົ່ວໂມງ ແມ່ນກຸນແຈສຳຄັນສູ່ການຫລຸດນຳ້ໜັກທີ່ໄດ້ຜົນຢ່າງແທ້ຈິງ.

error: Content is protected !!