ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ

ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ - advert banner 728 90 728x90 - ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ

     ກ່ອນທ່ານຈະຕັດສິນໃຈວ່າຈະເຮັດແນວໃດໃຫ້ທ່ານໄດ້ຫຍັບເຂົ້າໃກ້ກັບເປົ້າໝາຍຫລາຍທີ່ສຸດໄດ້ ທ່ານຕ້ອງສ້າງສະພາບແວດລ້ອມທີ່ຊ່ວຍໃຫ້ທ່ານສາມາດພັດທະນາຕົນເອງໄດ້ກ່ອນ ຫາກທ່ານກຳລັງອ່ານບົດຄວາມນີ້ຢູ່ ໃຫ້ປະເມີນສະພາບແວດລ້ອມໃນປະຈຸບັນຂອງທ່ານອີກເທື່ອໜຶ່ງ ໂດຍທ່ານຕ້ອງເລີ່ມຈາກການສ້າງສະພາບແວດລ້ອມຂອງທ່ານໂດຍເຄື່ອງມີທີ່ສົ່ງຜົນຕໍ່ຄວາມສຳເລັດໂດຍແນວຄິດ 3 ຂໍ້ຕໍ່ໄປນີ້ ແລ້ວທ່ານສາມາດເອົາໄປປັບໃຊ້ໄດ້ຕາມຄວາມຕ້ອງການ ເພື່ອສ້າງສະພາບແວດລ້ອມທີ່ເອື້ອອຳນວຍຕໍ່ຄວາມສຳເລັດ.

ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ - new3 - ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ
ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ - 051206 2019 - ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ

     1.ສ້າງກິດຈະວັດປະຈຳວັນຕອນເຊົ້າ : ສິ່ງທຳອິດທີ່ທ່ານຈົດຈໍ່ຕອນຕື່ນຂຶ້ນມາແມ່ນຫຍັງ ? ຖ້າທ່ານເອງເປັນຄືຄົນອື່ນໆທີ່ຕື່ນມາແລ້ວກວດເຊັກໂທລະສັບເປັນອັນດັບທຳອິດ ແລ້ວຊອກຫາຂໍ້ຄວາມ ຫລື ອີເມວໃໝ່, ເລື່ອນເບິ່ງໂລກອອນລາຍຕ່າງໆ ຫາກທ່ານພໍໃຈກັບຊີວິດຂອງທ່ານ ແລະ ບໍ່ຕ້ອງການປ່ຽນແປງສິ່ງໃດໆ ໃຫ້ເຮັດແບບນັ້ນຕໍ່ໄປ, ແຕ່ຫາກທ່ານຕ້ອງການຊີວິດທີ່ດີກ່ວາເກົ່າ ສິ່ງທຳອິດທີ່ທ່ານຄວນເຮັດແມ່ນສ້າງນິໄສໂດຍການຂຽນເປົ້າໝາຍຂອງທ່ານໃສ່ເຈ້ຍທຸກເຊົ້າ ເພື່ອໃຫ້ສິ່ງນັ້ນເປັນສິ່ງທຳອິດທີ່ທ່ານຈະໄດ້ເຫັນໃນຕອນເລີ່ມຕົ້ນຂອງມື້ນັ້ນ. ໜັງສືກ່ຽວກັບຄວາມສຳເລັດທຸກເຫລັ້ມລ້ວນແຕ່ແນະນຳໃຫ້ເຮັດ ເພາະການຂຽນເປົ້າໝາຍໃສ່ເຈ້ຍ ແລະ ທ່ານອ່ານມັນທຸກໆມື້ຈະຊ່ວຍເນັ້ນຍຳ້ເປົ້າໝາຍໃຫ້ທ່ານ ແລະ ເຮັດໃຫ້ທ່ານມີແຮງຊຸກຍູ້ຍິ່ງຂຶ້ນ. ດັ່ງນັ້ນ, ຈົ່ງເລີ່ມຂຽນເປົ້າໝາຍຂອງທ່ານຕອນນີ້ ແລະ ໃຫ້ຄິດເຖິງຊ່ວງເວລາທີ່ທ່ານປະສົບຄວາມສຳເລັດເຂົ້າໄວ້.

     2. ກຳຈັດຄວາມບໍ່ຈະແຈ້ງອອກໄປ : ເປົ້າໝາຍຂອງທ່ານຕ້ອງມີຄວາມຈະແຈ້ງ ທ່ານຕ້ອງລົບຄວາມຮົກເຮື້ອ ແລະ ຄວາມສັບສົນຕ່າງໆອອກຈາກຊີວິດຂອງທ່ານ ແລະ ຈຳເປັນຕ້ອງສ້າງສະຖານທີ່ເຮັດວຽກຂອງທ່ານໃຫ້ມັນເປັນລະບົບ ທ່ານອາດສົງໄສວ່າລະບົບທີ່ວ່າແມ່ນຫຍັງ ? ລະບົບທີ່ວ່າກໍແມ່ນການຈັດລະບຽບວຽກ ແລະ ສິ່ງຂອງເຄື່ອງໃຊ້ຂອງທ່ານວາງໄວ້ໃຫ້ເປັນບ່ອນເປັນທີ່ຢ່າງຈະແຈ້ງ ແລະ ເໝາະສົມກັບທ່ານທີ່ສຸດ ຫລື ເອີ້ນວ່າ ເອື້ອອຳນວຍຕໍ່ການສ້າງຄວາມສຳເລັດໃຫ້ທ່ານ, ເຊົາວາງສິ່ງຂອງທຸກຢ່າງແບບຮົກເຮື້ອ ເພາະເມື່ອເວລາທ່ານຢາກຈະໃຊ້ສິ່ງຂອງນັ້ນ ທ່ານກໍຈະໄດ້ບໍ່ຕ້ອງມາເສຍເວລາຊອກທຸກເທື່ອວ່າເຄີຍວາງມັນໄວ້ບ່ອນໃດ. ການເຮັດແບບນີ້ຈະຊ່ວຍໃຫ້ທ່ານສາມາດກຳນົດສິ່ງທີ່ສຳຄັນໆໄດ້ດີຍິ່ງຂຶ້ນ ຍິ່ງຖ້າທ່ານຢາກຈະເປັນຄົນທີ່ປະສົບຄວາມສຳເລັດ ແລະ ຢາກເຮັດຕາມຄວາມຝັນຂອງທ່ານ ການເຮັດວຽກຂອງທ່ານລ້ວນຈະຕ້ອງມີປະສິດທິພາບ,​ ເວລາຂອງທ່ານລ້ວນມີຄ່າຫລາຍກ່ວາທີ່ຈະມາເສຍໄປກັບການເກັບມ້ຽນ ຫລື ຊອກຫາສິ່ງຂອງທີ່ວາງໄວ້ກະແຈກກະຈາຍເຫລົ່ານັ້ນທຸກໆມື້.

ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ - lattana 1 - ເພື່ອກ້າວສູ່ຄວາມສຳເລັດໃນຊີວິດຄວນໃຊ້ 3 ເຕັກນິກນີ້ປັບສະພາບແວດລ້ອມ

     3. ແນມເຫັນຄວາມສຳເລັດຂອງທ່ານ : ທ່ານຕ້ອງມີຄວາມສຸກກັບພາບຊີວິດໃນຝັນຂອງທ່ານ ບໍ່ວ່າທ່ານຈະຕ້ອງການຫຍັງ ຈົ່ງແນມເຫັນມັນ ອາດຈະພິມ ຫລື ຂຽນມັນອອກມາຕິດຮູບພາບເຫລົ່ານັ້ນໄວ້ທຸກບ່ອນທີ່ທ່ານຍ່າງກາຍ ເຊັ່ນ : ຝາເຮືອນ, ປະຕູຫ້ອງນຳ້ ເຊິ່ງຫາກເຮືອນຂອງທ່ານເຕັມໄປດ້ວຍພາບຄວາມຝັນທີ່ຊ່ວຍເຮັດໃຫ້ທ່ານມີແຮງຊຸກຍູ້ຕົນເອງ ກໍປຽບດັ່ງພາບຊີວິດທີ່ທ່ານຕ້ອງການຈະເຫັນໃນອະນາຄົດ ແລະ ເປັນສິ່ງທີ່ທ່ານຕ້ອງການຈະມີ ເຊິ່ງສິ່ງເຫລົ່ານີ້ຈະຊ່ວຍເນັ້ນໃສ່ເປົ້າໝາຍຂອງທ່ານຊຳ້ໄປຊຳ້ມາທຸກໆມື້. ລອງມ່ວນໄປກັບມັນ ແນ່ນອນວ່າບໍ່ມີຫຍັງທີ່ໜ້າຕື່ນເຕັ້ນໄປກ່ວາການເຮັດຕາມຄວາມຝັນ ແລະ ການບັນລຸເປົ້າໝາຍຂອງໂຕເອງອີກແລ້ວ.

error: Content is protected !!